ପ୍ରଶାନ୍ତ ନୀଲଙ୍କ ଦ୍ୱାରା ପ୍ରସ୍ତୁତ ହରର ଥ୍ରିଲର୍‘418’ରିଲିଜ୍ ପୂର୍ବରୁ ଚର୍ଚ୍ଚାରେ ରହିଛି। ଫିଲ୍ମଟି ପ୍ରଥମେ କେବଳ ତେଲୁଗୁ ଭାଷାରେ ରିଲିଜ୍ କରିବାର ଯୋଜନା ଥିଲା। କିନ୍ତୁ ଟ୍ରେଲର୍ ଓ ବିଶେଷ ସ୍କ୍ରିନିଂକୁ ମିଳିଥିବା ଭଲ ପ୍ରତିକ୍ରିୟା ପରେ ଏହାକୁ ପାନ୍-ଇଣ୍ଡିଆ ଫିଲ୍ମ ଭାବେ ରିଲିଜ୍ କରିବାକୁ ନିଷ୍ପତ୍ତି ହୋଇଛି।

ଫିଲ୍ମର କାହାଣୀ ୧୫ ବର୍ଷ ଧରି ବନ୍ଦ ଥିବା ଏକ ବିଲ୍ଡିଂରRoom No. 418କୁ କେନ୍ଦ୍ର କରି ଗତିଶୀଳ। ୧୮ ବର୍ଷୀୟ ବିବେକ ବାସ୍ତବତା ଓ ଭ୍ରମ ମଧ୍ୟରେ ଫସିଯାଏ। ବିଲ୍ଡିଂ ପୁଣି ଖୋଲିବା ପରେ ରୁମ୍ ନମ୍ବର ୪୧୮ରେ ଲୁଚିଥିବା ରହସ୍ୟ ଧୀରେ ଧୀରେ ସାମ୍ନାକୁ ଆସେ। ଚୈତ୍ରା ଆଚାରଙ୍କଦେବିକାଚରିତ୍ର ମଧ୍ୟ କାହାଣୀରେ ଏକ ନୂଆ ଭୟଙ୍କର ମୋଡ଼ ଆଣିଥାଏ।

ଫିଲ୍ମଟିର ନିର୍ଦ୍ଦେଶନା ଡେବ୍ୟୁ କରିଛନ୍ତିକୀର୍ତନ ନାଦଗୌଡ଼ା, ଯିଏ ପୂର୍ବରୁ ପ୍ରଶାନ୍ତ ନୀଲଙ୍କ ସହ ଆସିଷ୍ଟାଣ୍ଟ ଓ କୋ-ଡାଇରେକ୍ଟର୍ ଭାବେ କାମ କରିଛନ୍ତି। ଚୈତ୍ରା ଆଚାର, ସୂର୍ଯ୍ୟ ରାଜ, ଚରଣ ଲକ୍କରାଜୁ, ପ୍ରୀତି ପଗଡ଼ାଲା ଓ ଶଶାଙ୍କ ପାଟିଲ୍ ଫିଲ୍ମରେ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି।

‘418’ ପୂର୍ବରୁ ସେନ୍ସର ସାର୍ଟିଫିକେସନ୍ ସମୟରେ ହରର୍ ଏଲିମେଣ୍ଟର ତୀବ୍ରତାକୁ ନେଇ ଆପତ୍ତିର ସାମ୍ନା କରିଥିଲା। ମାମଲାଟି Revising Committee ପର୍ଯ୍ୟନ୍ତ ଯାଇଥିଲା ଏବଂ ପରେ ଫିଲ୍ମକୁA certificateମିଳିଥିଲା। ଏହି ଘଟଣା ଫିଲ୍ମକୁ ନେଇ ଦର୍ଶକଙ୍କ ଉତ୍ସୁକତାକୁ ଆହୁରି ବଢ଼ାଇଛି।

ଏବେଅକ୍ଟୋବର ୨୩, ୨୦୨୬ରେ ‘418’ ତେଲୁଗୁ, କନ୍ନଡ, ତାମିଲ ଓ ହିନ୍ଦୀ ଭାଷାରେ ଦେଶବ୍ୟାପୀ ରିଲିଜ୍ ହେବ। ହରର୍ କମେଡିରୁ ଅଲଗା ଏକ ସିରିଅସ୍ ହରର୍ ଅନୁଭବ ଦେବା ଦିଗରେ ଫିଲ୍ମଟି ଫୋକସ୍ କରୁଛି।