ଓଡ଼ିଶାର ବଡିବିଲ୍ଡିଂ ଜଗତ ପାଇଁ ଆସିଛି ଏକ ଦୁଃଖଦ ଖବର। ଜଣାଶୁଣା ଅନ୍ତର୍ଜାତୀୟ ବଡିବିଲ୍ଡରଜନ୍ମେଜୟ ମହାନ୍ତିଙ୍କର ପରଲୋକହୋଇଛି। ମାତ୍ର ୪୦ ବର୍ଷ ବୟସରେ ଭୁବନେଶ୍ୱରସ୍ଥିତ ନିଜ ଘରେ ହୃଦଘାତରେ ତାଙ୍କ ପରଲୋକ ହୋଇଥିବା ସୂଚନା ମିଳିଛି।

ଜନ୍ମେଜୟ ମହାନ୍ତି ଓଡ଼ିଶାର ବଡିବିଲ୍ଡିଂ କ୍ଷେତ୍ରର ଜଣେ ପରିଚିତ ଚେହେରା ଥିଲେ। ଜାତୀୟ ଓ ଅନ୍ତର୍ଜାତୀୟ ସ୍ତରର ବିଭିନ୍ନ ପ୍ରତିଯୋଗିତାରେ ସେ ଅଂଶଗ୍ରହଣ କରି ଏକାଧିକ ସଫଳତା ହାସଲ କରିଥିଲେ। ପୂର୍ବରୁ ସେମିଷ୍ଟର ଇଣ୍ଡିଆ ପ୍ରତିଯୋଗିତାରେ ରୌପ୍ୟ ପଦକଜିତିଥିଲେ। ୨୦୧୯ରେ ୭୦ କିଲୋଗ୍ରାମ ବର୍ଗରେ ତାଙ୍କର ଏହି ସଫଳତା ଚର୍ଚ୍ଚାରେ ଥିଲା।

ସେହିପରି ଜନ୍ମେଜୟମିଷ୍ଟର ଏସିଆରେ ପଞ୍ଚମ,ମିଷ୍ଟର ୟୁନିଭର୍ସରେ ସପ୍ତମସ୍ଥାନ ହାସଲ କରିଥିଲେ। ମିଷ୍ଟର ଇଣ୍ଡିଆରେ ଦୁଇଟି ରୌପ୍ୟ ପଦକ ଏବଂ ଇଷ୍ଟର୍ଣ୍ଣ ଇଣ୍ଡିଆ ବଡିବିଲ୍ଡିଂ ପ୍ରତିଯୋଗିତାରେ ତିନୋଟି ସ୍ୱର୍ଣ୍ଣ ପଦକ ମଧ୍ୟ ଜିତିଥିଲେ। ଏଥିସହ ସେ୧୪ ଥର ମିଷ୍ଟର ଭୁବନେଶ୍ୱରଟାଇଟଲ୍ ହାସଲ କରିଥିବା ରେକର୍ଡ ରହିଛି।

ବଡିବିଲ୍ଡିଂ ସହିତ ଜନ୍ମେଜୟ ଭାରତୀୟ ଡାକ ବିଭାଗରେ ମଧ୍ୟ କାର୍ଯ୍ୟରତ ଥିଲେ। ଡାକ ବିଭାଗରଡାକଶ୍ରୀ ବଡିବିଲ୍ଡିଂ ପ୍ରତିଯୋଗିତାରେ ସେ ଏକାଧିକ ଥର ସ୍ୱର୍ଣ୍ଣ ପଦକଜିତିଥିଲେ। ୨୦୧୨ରେ ଚେନ୍ନାଇରେ ଆୟୋଜିତ ଅଲ୍ ଇଣ୍ଡିଆ ପୋଷ୍ଟାଲ୍ ବଡିବିଲ୍ଡିଂ ଚାମ୍ପିଅନସିପ୍ରେ ସେ ଡାକଶ୍ରୀ ଟାଇଟଲ୍ ଜିତିଥିଲେ।

୨୦୧୭ରେ ବ୍ୟାଙ୍କକ୍ରେ ହେବାକୁ ଥିବା ଏସିଆନ୍ ବଡିବିଲ୍ଡିଂ ଆଣ୍ଡ ଫିଟନେସ୍ ଚାମ୍ପିଅନସିପ୍ ପାଇଁ ମଧ୍ୟ ଜନ୍ମେଜୟ ଭାରତୀୟ ଦଳରେ ଚୟନ ହୋଇଥିଲେ। ସେତେବେଳେ ୮୦-୮୫ କିଲୋଗ୍ରାମ ବର୍ଗରେ ଦେଶକୁ ପ୍ରତିନିଧିତ୍ୱ କରିବା ଲକ୍ଷ୍ୟରେ ପ୍ରସ୍ତୁତି ଚଳାଇଥିଲେ।

ଜନ୍ମେଜୟଙ୍କ ଅକାଳ ବିୟୋଗରେ ଓଡ଼ିଶାର ବଡିବିଲ୍ଡିଂ ମହଲରେ ଶୋକର ଛାୟା ଖେଳିଯାଇଛି। ଜଣେ ପ୍ରତିଭାବାନ୍ କ୍ରୀଡ଼ାବିତ୍ଙ୍କୁ ଅତି ଅଳ୍ପ ବୟସରେ ହରାଇବା ଓଡ଼ିଶାର କ୍ରୀଡ଼ା ଜଗତ ପାଇଁ ଏକ ବଡ଼ କ୍ଷତି।