ଭାରତୀୟ ରେଳବାଇ ଜରୁରୀକାଳୀନ ସ୍ୱାସ୍ଥ୍ୟସେବା କ୍ଷେତ୍ରରେ ଏକ ନୂଆ ଇତିହାସ ସୃଷ୍ଟି କରିଛି। ପ୍ରଥମ ଥର ପାଇଁବନ୍ଦେ ଭାରତ ଏକ୍ସପ୍ରେସଟ୍ରେନରେ ଏକଜୀବନ୍ତ ହୃଦୟ (Live Heart)ସୁରକ୍ଷିତ ଭାବେ ପରିବହନ କରାଯାଇଛି।

ଏହି ହୃଦୟଟିସୁରତରୁ ଆହମଦାବାଦପର୍ଯ୍ୟନ୍ତମୁମ୍ବାଇ ସେଣ୍ଟ୍ରାଲ–ଗାନ୍ଧୀନଗର କ୍ୟାପିଟାଲ ବନ୍ଦେ ଭାରତ ଏକ୍ସପ୍ରେସ (ଟ୍ରେନ ନଂ-20901)ମାଧ୍ୟମରେ ନିଆଯାଇଥିଲା। ପରେ ଏହାକୁ ଆହମଦାବାଦସ୍ଥିତୟୁ.ଏନ୍. ମେହେତା ଇନଷ୍ଟିଚ୍ୟୁଟ ଅଫ୍ କାର୍ଡିଓଲୋଜି ଆଣ୍ଡ ରିସର୍ଚ୍ଚ ସେଣ୍ଟରରେ ପ୍ରତ୍ୟାରୋପଣ ପାଇଁ ପହଞ୍ଚାଯାଇଥିଲା।

ଆହମଦାବାଦ ଡିଭିଜନାଲ ରେଳ ପ୍ରବନ୍ଧକ (DRM)ବେଦ ପ୍ରକାଶକହିଛନ୍ତି ଯେ, ଏଭଳି ଜୀବନରକ୍ଷା ଅଭିଯାନରେ ପ୍ରତ୍ୟେକ ମିନିଟ୍ ଅତ୍ୟନ୍ତ ମୂଲ୍ୟବାନ। ଭାରତୀୟ ରେଳବାଇ, ରେଳ ସୁରକ୍ଷା ବଳ (RPF), ଗୁଜରାଟ ପୁଲିସ ଓ ଡାକ୍ତରୀ ଦଳର ଉତ୍କୃଷ୍ଟ ସମନ୍ୱୟ ଯୋଗୁଁ ଏହି ମିଶନ ସଫଳ ହୋଇପାରିଛି।

ହୃଦୟଟିକୁ ଶୀଘ୍ର ହସ୍ପିଟାଲ ପହଞ୍ଚାଇବା ପାଇଁଗ୍ରୀନ୍ କରିଡୋରସୃଷ୍ଟି କରାଯାଇଥିଲା। ଆହମଦାବାଦ ରେଳ ଷ୍ଟେସନର ପ୍ଲାଟଫର୍ମ ନଂ-୧ରୁ ସିଧାସଳଖ ହସ୍ପିଟାଲ ପର୍ଯ୍ୟନ୍ତ ବିନା ବିଳମ୍ବରେ ପରିବହନ ବ୍ୟବସ୍ଥା କରାଯାଇଥିଲା।

ରେଳବାଇ କର୍ତ୍ତୃପକ୍ଷଙ୍କ କହିବା ଅନୁଯାୟୀ, ବନ୍ଦେ ଭାରତ ଏକ୍ସପ୍ରେସର ଦ୍ରୁତ ଗତି, ସମୟାନୁବର୍ତ୍ତିତା ଓ ବିଶ୍ୱସନୀୟତା ଏହି ଅପରେସନର ସଫଳତାରେ ମୁଖ୍ୟ ଭୂମିକା ନେଇଛି।

ରେଳମନ୍ତ୍ରୀଅଶ୍ୱିନୀ ବୈଷ୍ଣବଙ୍କ ନେତୃତ୍ୱରେ ବନ୍ଦେ ଭାରତ ସେବା ଯାତ୍ରୀ ପରିବହନ ସହ ଜରୁରୀ ସ୍ୱାସ୍ଥ୍ୟସେବାରେ ମଧ୍ୟ ନୂଆ ମାନଦଣ୍ଡ ସ୍ଥାପନ କରୁଥିବା କଥା ଡିଆରଏମ୍ କହିଛନ୍ତି।