ଭାରତର ସିଭିଲ୍ ନ୍ୟୁକ୍ଲିୟର କାର୍ଯ୍ୟକ୍ରମରେ ଏକ ଐତିହାସିକ ମୁହୂର୍ତ୍ତ ରୂପେ, କଳପାକ୍କମ, ତାମିଳନାଡୁରେ ଅବସ୍ଥିତ ପ୍ରଟୋଟାଇପ ଫାଷ୍ଟ ବ୍ରିଡର ରିଆକ୍ଟର (PFBR) ସଫଳତାର ସହ ‘କ୍ରିଟିକାଲିଟି’ ଅର୍ଜନ କରିଛି । ଏହି ସଫଳତା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ବୈଜ୍ଞାନିକ ଓ ଇଞ୍ଜିନିୟରମାନଙ୍କୁ ଅଭିନନ୍ଦନ ଜଣାଇଛନ୍ତି ।

PFBR ହେଉଛି ଏକ ଉନ୍ନତ ପ୍ରଜାତିର ନ୍ୟୁକ୍ଲିୟର ରିଆକ୍ଟର, ଯାହା ନିଜେ ଯେତେ ଇନ୍ଧନ ବ୍ୟବହାର କରେ, ତାହାଠାରୁ ଅଧିକ ଇନ୍ଧନ ଉତ୍ପାଦନ କରିପାରେ । ଏହି ବିଶେଷତା ଏହାକୁ ଭାରତର ଶକ୍ତି ସୁରକ୍ଷା ଓ ସୁସ୍ଥିର ଉନ୍ନତି ପାଇଁ ଅତ୍ୟନ୍ତ ଜରୁରୀ କରିଥାଏ ।

ଭାରତର ତିନି ପର୍ଯ୍ୟାୟର ନ୍ୟୁକ୍ଲିୟର କାର୍ଯ୍ୟକ୍ରମର ଦ୍ୱିତୀୟ ପର୍ଯ୍ୟାୟରେ PFBR ଗୁରୁତ୍ୱପୂର୍ଣ୍ଣ ଭୂମିକା ନିଭାଏ । ଏହା ଭବିଷ୍ୟତରେ ଥୋରିୟମ ଆଧାରିତ ଶକ୍ତି ଉତ୍ପାଦନ ପାଇଁ ଭିତି ତିଆରି କରେ, ଯାହା ଭାରତର ପ୍ରଚୁର ଥୋରିୟମ ସମ୍ପଦକୁ ବ୍ୟବହାର କରିପାରିବ ।

ପ୍ରଧାନମନ୍ତ୍ରୀ ଏହି ସଫଳତାକୁ ଭାରତର ବୈଜ୍ଞାନିକ କ୍ଷମତା ଓ ଇଞ୍ଜିନିୟରିଂ କୌଶଳର ପ୍ରମାଣ ବୋଲି କହିଛନ୍ତି । ସେ କହିଛନ୍ତି ଯେ, ଏହା ଭାରତକୁ ଶକ୍ତିରେ ସ୍ୱାଧୀନତା ଓ ଭବିଷ୍ୟତରେ ସୁସ୍ଥିର ବିକାଶ ପାଇଁ ଏକ ନୂଆ ଦିଗ ଦେଖାଏ ।

ଏହି ସଫଳତା ଭାରତକୁ ବିଶ୍ୱ ନ୍ୟୁକ୍ଲିୟର ଶକ୍ତି କ୍ଷେତ୍ରରେ ଆହୁରି ଶକ୍ତିଶାଳୀ ସ୍ଥାନ ଦେବା ସହିତ ଶୁଧ୍ଧ ଓ ପରିବେଶ-ବନ୍ଧବ ଶକ୍ତି ଉତ୍ପାଦନରେ ମଧ୍ୟ ଉନ୍ନତି ଆଣିବ ।