ଜୁନିୟର ଏସିଆ କପ୍ ହକିରେ ଭାରତୀୟ ଦଳର ଦବଦବା ଦେଖିବାକୁ ମିଳିଛି। ରବିବାର ଗୋଟିଏ ଦିନରେ ଭାରତର ପୁରୁଷ ଓ ମହିଳା ଜୁନିୟର ଦଳ ଚାମ୍ପିୟନ୍ ହୋଇ ଦେଶ ପାଇଁ ଦୁଇଟି ଟ୍ରଫି ଜିତିଛନ୍ତି।
ପ୍ରଥମେ ମହିଳା ଜୁନିୟର ଦଳ ଚୀନକୁ ୧-୦ ଗୋଲ୍ରେ ପରାସ୍ତ କରି ଟାଇଟଲ୍ ହାତେଇଛି। ଏହି ବିଜୟ ସହ ଭାରତୀୟ ମହିଳା ଦଳ ପ୍ରତିଯୋଗିତାରେ ଲଗାତାର ତୃତୀୟ ଥର ଚାମ୍ପିୟନ୍ ହେବାର ଗୌରବ ଅର୍ଜନ କରିଛି।
ଅନ୍ୟପକ୍ଷରେ ପୁରୁଷ ଜୁନିୟର ଦଳ ଫାଇନାଲ୍ରେ ଦକ୍ଷିଣ କୋରିଆକୁ ୪-୧ ଗୋଲ୍ରେ ହରାଇ ଟାଇଟଲ୍ ଜିତିଛି। ଏହା ଭାରତର ଷଷ୍ଠ ଜୁନିୟର ଏସିଆ କପ୍ ଟାଇଟଲ୍ ବୋଲି ଉଲ୍ଲେଖ କରାଯାଇଛି। ଏଥିସହ ଭାରତୀୟ ପୁରୁଷ ଦଳ ଲଗାତାର ଚାରିଟି ଟ୍ରଫି ଜିତିବାରେ ପ୍ରଥମ ଦଳ ହୋଇଛି।
ପୂର୍ବରୁ ଭାରତୀୟ ପୁରୁଷ ଜୁନିୟର ଦଳ ୨୦୧୫, ୨୦୨୩ ଓ ୨୦୨୪ ସଂସ୍କରଣରେ ମଧ୍ୟ ଚାମ୍ପିୟନ୍ ହୋଇଥିଲା। ଏବେ ଲଗାତାର ଚତୁର୍ଥ ଟ୍ରଫି ଜିତି ଦଳ ନୂଆ ରେକର୍ଡ ସୃଷ୍ଟି କରିଛି।
ଭାରତର ଏହି ଦୁଇଟି ବିଜୟରେ ଓଡ଼ିଆ ଖେଳାଳିଙ୍କ ଅବଦାନ ରାଜ୍ୟ ପାଇଁ ମଧ୍ୟ ଗର୍ବର ବିଷୟ ହୋଇଛି। ପୁରୁଷ ଦଳର ଅଧିନାୟକ ତଥା ଓଡ଼ିଶାର ଉଦୀୟମାନ ଖେଳାଳି ଅନମୋଲ ଏକ୍କା ପ୍ରତିଯୋଗିତାରେ ସର୍ବାଧିକ ଗୋଲ୍ ସ୍କୋର କରିଥିବା ବେଳେ ମହିଳା ଦଳରେ ପୂଜା ସାହୁ ମଧ୍ୟ ଉଲ୍ଲେଖନୀୟ ଅବଦାନ ରଖିଛନ୍ତି।
ଏହି ସଫଳତା ପାଇଁ ହକି ଇଣ୍ଡିଆ ପକ୍ଷରୁ ଉଭୟ ଚାମ୍ପିୟନ୍ ଦଳର ପ୍ରତ୍ୟେକ ଖେଳାଳିଙ୍କୁ ୩.୫ ଲକ୍ଷ ଟଙ୍କା ଏବଂ ସହଯୋଗୀ ସଦସ୍ୟଙ୍କୁ ୧.୫ ଲକ୍ଷ ଟଙ୍କା ଲେଖାଏଁ ଆର୍ଥିକ ପୁରସ୍କାର ଘୋଷଣା କରାଯାଇଛି।
ଏହି ଐତିହାସିକ ସଫଳତା ସହ ଭାରତର ପୁରୁଷ ଓ ମହିଳା ଜୁନିୟର ଦଳ FIH ଜୁନିୟର ହକି ବିଶ୍ୱକପ୍ ପାଇଁ ସିଧାସଳଖ ଯୋଗ୍ୟତା ମଧ୍ୟ ହାସଲ କରିଛନ୍ତି।
ଆଧୁନିକ ଚିକିତ୍ସା ବିଜ୍ଞାନ ଅନେକ ରୋଗର ଚିହ୍ନଟ ଓ ଚିକିତ୍ସ...
♈ ମେଷ ରାଶି (Aries) ଏହି ସପ୍ତାହ ମେଷ ରାଶିର ବ୍ୟକ୍ତ...
‘ଅରାଜକତା ହଟାଅ, ଗଣତନ୍ତ୍ର ବଞ୍ଚାଅ’ ସ୍ଲୋଗା...
ଗବେଷଣା ଓ ଉଚ୍ଚଶିକ୍ଷା କ୍ଷେତ୍ରରେ ନୂଆ ସହଯୋଗ ଉଚ୍ଚଶିକ...
ବିହାର ବୋର୍ଡର ଦଶମ ଓ ଦ୍ୱାଦଶ ଶ୍ରେଣୀର ୨୦୨୭ ବାର୍ଷିକ ପରୀ...
ଦେଶରେ ଗବେଷଣା ଓ ନୂତନ ଉଦ୍ଭାବନକୁ ଉତ୍ସାହିତ କରିବା ଲକ୍ଷ୍...
କର୍କଟ ରୋଗର ଚିକିତ୍ସା ଖର୍ଚ୍ଚ ଅନେକ ପରିବାର ପାଇଁ ବଡ଼ ଆର...
ଅକ୍ଟୋବର ମାସର ଶେଷ ସପ୍ତାହରୁ ନଭେମ୍ବର ମାସର ଆରମ୍ଭ ପର୍ଯ୍...
