ନ୍ୟୁଜିଲାଣ୍ଡ A ବିପକ୍ଷ ପ୍ରଥମ ଅନୌପଚାରିକ ଟେଷ୍ଟର ପ୍ରଥମ ଦିନ ଭାରତ A ପାଇଁ ବ୍ୟାଟିଂରେ ବଡ଼ ବିପର୍ଯ୍ୟୟ ଦେଖିବାକୁ ମିଳିଛି। ବର୍ଟ ସଟକ୍ଲିଫ୍ ଓଭାଲ୍ର ଗ୍ରୀନ୍ ପିଚ୍ରେ ନ୍ୟୁଜିଲାଣ୍ଡ A ବୋଲରମାନେ ଭାରତୀୟ ବ୍ୟାଟରଙ୍କୁ ନିୟମିତ ଭାବେ ଅସୁବିଧାରେ ପକାଇଥିଲେ। ଫଳରେ ଭାରତ A ୩୯.୩ ଓଭରରେ ମାତ୍ର୧୧୩ ରନ୍ରେ ଅଲଆଉଟ୍ହୋଇଯାଇଥିଲା।

ଭାରତର ଟପ୍ ଅର୍ଡରର ଅନେକ ଅଭିଜ୍ଞ ବ୍ୟାଟର ଏହି ପିଚ୍ରେ ବିଫଳ ହୋଇଥିଲେ।କେଏଲ୍ ରାହୁଲ, ସାଇ ସୁଦର୍ଶନ ଓ ୱାଶିଂଟନ୍ ସୁନ୍ଦର ଖାତା ଖୋଲିପାରିନଥିବାବେଳେ ଅକାଶ ଦୀପ ମଧ୍ୟ ଶୂନ୍ୟରେ ଆଉଟ୍ ହୋଇଥିଲେ।ଅଧିନାୟକ ଧ୍ରୁବ ଜୁରେଲ୍ ମାତ୍ର ୧ ରନ୍ କରିଥିଲେ।

ରାଥୋଡ୍ଙ୍କ ଲଢ଼ୁଆ ଇନିଂସ

ଭାରତ Aର ଇନିଂସରେଯଶ ରାଥୋଡ୍ସବୁଠାରୁ ଅଧିକ ପ୍ରଭାବ ପକାଇଥିଲେ। ସେ ଆକ୍ରମଣାତ୍ମକ ଭାବେ ଖେଳି୪୪ ରନ୍ରେ ଅପରାଜିତରହିଥିଲେ। ତାଙ୍କ ଇନିଂସରେ ୩ଟି ଚୌକା ଓ ୩ଟି ଛକା ରହିଥିଲା। ଦେବଦତ୍ତ ପଡିକଲ୍ ୩୨ ରନ୍ କରିଥିବାବେଳେ ଅଂଶୁଲ କାମ୍ବୋଜ୍ ୧୦ ରନ୍ କରିଥିଲେ।

ନ୍ୟୁଜିଲାଣ୍ଡ A ପକ୍ଷରୁସାଇମନ୍ କିନ୍ସବୁଠାରୁ ସଫଳ ବୋଲର ରହିଥିଲେ। ସେ ୧୧.୩ ଓଭରରେ ୨୪ ରନ୍ ଦେଇ ୫ଟି ୱିକେଟ୍ ନେଇଥିଲେ। ଜାକ୍ ଗିବସନ୍ ୩ଟି ୱିକେଟ୍ ନେଇ ତାଙ୍କୁ ଭଲ ସହଯୋଗ ଦେଇଥିଲେ।

ଅକିବ ନବୀଙ୍କ ଦମଦାର ବୋଲିଂ

୧୧୩ ରନ୍ରେ ଭାରତ A ଅଲଆଉଟ୍ ହେବା ପରେ ନ୍ୟୁଜିଲାଣ୍ଡ A ବ୍ୟାଟିଂରେ ଭଲ ଆରମ୍ଭ କରିଥିଲା। ଦୀର୍ଘ ସମୟ ଧରି ଭାରତୀୟ ବୋଲରଙ୍କୁ ୱିକେଟ୍ ପାଇଁ ଅପେକ୍ଷା କରିବାକୁ ପଡ଼ିଥିଲା।

ମୁକେଶ ଚୌଧୁରୀ ପ୍ରଥମ ୱିକେଟ୍ ନେବା ପରେଅକିବ ନବୀ ଲଗାତାର ଦୁଇଟି ୱିକେଟ୍ ନେଇ ଭାରତ Aକୁ ମ୍ୟାଚ୍କୁ ଫେରାଇବାର ସୁଯୋଗ ଦେଇଥିଲେ।ସେ ଜେଡେନ୍ ଲେନକ୍ସଙ୍କୁ ବୋଲ୍ଡ କରିବା ସହ ଟିମ୍ ରବିନସନ୍ଙ୍କୁ LBW କରିଥିଲେ। ଦିନ ଶେଷରେ ନବୀଙ୍କ ବୋଲିଂ ଫିଗର୍ ୮ ଓଭରରେ ୨/୩୧ ରହିଥିଲା।

ନ୍ୟୁଜିଲାଣ୍ଡ A ଅଧିନାୟକରାଇସ୍ ମାରିଉ ୭୬ ରନ୍କରିଥିବାବେଳେ କର୍ଟିସ୍ ହିଫି ୩୭ ରନ୍ରେ ଅପରାଜିତ ଥିଲେ। ଦିନ ଶେଷରେ ଘରୋଇ ଦଳ ୪୧ ଓଭରରେ୧୩୫/୩ରେ ପହଞ୍ଚି ଭାରତଠାରୁ ୨୨ ରନ୍ରେ ଆଗୁଆ ରହିଛି।

ଦ୍ୱିତୀୟ ଦିନରେ ଭାରତର ଲକ୍ଷ୍ୟ

ପ୍ରଥମ ଦିନର ଶେଷ ଭାଗରେ ଦୁଇଟି ୱିକେଟ୍ ନେଇ ଭାରତ A କିଛିଟା ଆଶ୍ୱସ୍ତ ହୋଇଛି। ଏବେ ଦ୍ୱିତୀୟ ଦିନରେ ନ୍ୟୁଜିଲାଣ୍ଡ Aକୁ ଶୀଘ୍ର ଅଲଆଉଟ୍ କରି ମ୍ୟାଚ୍ରେ ପୁଣି ଚାପ ସୃଷ୍ଟି କରିବା ଭାରତୀୟ ବୋଲରଙ୍କ ମୁଖ୍ୟ ଲକ୍ଷ୍ୟ ରହିବ।

ଏହି ଅନୌପଚାରିକ ଟେଷ୍ଟ ଭାରତୀୟ ଖେଳାଳିଙ୍କ ପାଇଁ ନ୍ୟୁଜିଲାଣ୍ଡର ପରିବେଶ ସହ ଖାପ ଖୁଆଇବାର ଏକ ଗୁରୁତ୍ୱପୂର୍ଣ୍ଣ ସୁଯୋଗ। ଆସନ୍ତା ନଭେମ୍ବର ୧୯ରୁ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଦୁଇଟି ଟେଷ୍ଟ ମ୍ୟାଚ୍ ଖେଳାଯିବ।