ଫାଇନାନ୍ସ, ଇକୋନୋମିକ୍ସ, ଟେକ୍ନୋଲୋଜି ଓ ବିଜନେସ୍ ଷ୍ଟ୍ରାଟେଜି ପ୍ରତି ଆଗ୍ରହ ରଖୁଥିବା PG ଛାତ୍ରଛାତ୍ରୀଙ୍କ ପାଇଁ ବଡ଼ ସୁଯୋଗ ଆସିଛି। **Indian Institute of Management Bangalore (IIM Bangalore)**ର Centre for Capital Markets and Risk Management (CCMRM), GIFT City ସହଯୋଗରେ GIFT Finance Olympiad – National Student Case Challenge 2026 ଆୟୋଜନ କରୁଛି।

ଏହି ଜାତୀୟସ୍ତରୀୟ କେସ୍ ଚ୍ୟାଲେଞ୍ଜରେ ଭାରତର ମାନ୍ୟତାପ୍ରାପ୍ତ କଲେଜ, ବିଶ୍ୱବିଦ୍ୟାଳୟ ଓ ବିଜନେସ୍ ସ୍କୁଲରେ ପଢ଼ୁଥିବା Postgraduate ଛାତ୍ରଛାତ୍ରୀ ଭାଗ ନେଇପାରିବେ। ବିଷୟର କୌଣସି ବାଧ୍ୟବାଧକତା ନାହିଁ। ପ୍ରତ୍ୟେକ ଟିମ୍‌ରେ ୪ ଜଣ ଛାତ୍ରଛାତ୍ରୀ ରହିବା ଆବଶ୍ୟକ ଏବଂ ବିଭିନ୍ନ ବିଷୟର ଛାତ୍ରଛାତ୍ରୀଙ୍କୁ ନେଇ interdisciplinary team ଗଠନକୁ ଉତ୍ସାହିତ କରାଯାଉଛି।

ଅକ୍ଟୋବର ୩୧ ଯାଏଁ ରେଜିଷ୍ଟ୍ରେସନ୍

GIFT Finance Olympiad 2026 ପାଇଁ ପଞ୍ଜୀକରଣ ଅକ୍ଟୋବର ୧୪ରୁ ଆରମ୍ଭ ହୋଇଛି। ପ୍ରଥମ ପର୍ଯ୍ୟାୟର online case challenge ପାଇଁ ଆବେଦନର ଶେଷ ସମୟ ଅକ୍ଟୋବର ୩୧, ୨୦୨୬ ରାତି ୧୧:୫୯ PM IST।

ପ୍ରତିଯୋଗୀମାନେ ଏକ ବାସ୍ତବ ଆର୍ଥିକ କେସ୍‌ର ବିଶ୍ଳେଷଣ କରି ନିଜ ସମାଧାନ ଉପସ୍ଥାପନ କରିବେ। ପ୍ରଥମ online roundରେ ଗୋଟିଏ title slide ସହ ସର୍ବାଧିକ ୪ଟି content slide ଥିବା presentation ଦାଖଲ କରିବାକୁ ପଡ଼ିବ।

ଦୁଇଟି ଟ୍ରାକ୍‌ରୁ ଗୋଟିଏ ବାଛିବେ ଛାତ୍ରଛାତ୍ରୀ

ପ୍ରତିଯୋଗୀମାନଙ୍କୁ ଦୁଇଟି analytical track ମଧ୍ୟରୁ ଗୋଟିଏ ବାଛିବାକୁ ପଡ଼ିବ।

୧. Markets and Product Design:
ଏହି ଟ୍ରାକ୍‌ରେ GIFT IFSC ମାଧ୍ୟମରେ ବିଶ୍ୱସ୍ତରୀୟ ନିବେଶକଙ୍କ ପାଇଁ ବଡ଼ ଭାରତୀୟ କମ୍ପାନୀ ସହ ଜଡ଼ିତ single-stock futures ଆରମ୍ଭ କରିବାର ପ୍ରସ୍ତାବକୁ ବିଶ୍ଳେଷଣ କରିବାକୁ ହେବ। Contract design, investor eligibility, clearing mechanism, liquidity ଓ operational risk ଭଳି ବିଷୟ ଉପରେ ଧ୍ୟାନ ଦେବାକୁ ପଡ଼ିବ।

୨. Institutional Strategy and Governance:
ଏହି ଟ୍ରାକ୍‌ରେ GIFT IFSCରେ କାର୍ଯ୍ୟରତ financial market institutions କିପରି global exchanges, custodians ଓ clearing corporations ସହ partnership କରିବେ, ତାହା ଉପରେ ରଣନୀତି ପ୍ରସ୍ତୁତ କରିବାକୁ ହେବ। Governance, cybersecurity, data sharing, strategic independence ଓ international competitiveness ଭଳି ବିଷୟ ଏଥିରେ ଗୁରୁତ୍ୱ ପାଇବ।

ତିନୋଟି ପର୍ଯ୍ୟାୟରେ ହେବ ପ୍ରତିଯୋଗିତା

GIFT Finance Olympiad 2026 ମୋଟ ତିନୋଟି ପର୍ଯ୍ୟାୟରେ ଆୟୋଜିତ ହେବ—National Online Case Challenge, Regional Finals ଏବଂ Grand Finale।

ଚୟନ ହୋଇଥିବା ଟିମ୍‌ଗୁଡ଼ିକ ପରବର୍ତ୍ତୀ Regional Finalରେ ଭାଗ ନେବେ। ଏହି ପର୍ଯ୍ୟାୟରେ:

• ଦିଲ୍ଲୀ: ୨୧ ନଭେମ୍ବର ୨୦୨୬

• ବେଙ୍ଗାଲୁରୁ: ୨୮ ନଭେମ୍ବର ୨୦୨୬

• କୋଲକାତା: ୩୦ ନଭେମ୍ବର ୨୦୨୬

• ମୁମ୍ବାଇ: ୫ ଡିସେମ୍ବର ୨୦୨୬

Regional Finalରେ extended case study, live presentation ଏବଂ juryଙ୍କ ପ୍ରଶ୍ନର ଉତ୍ତର ଦେବାକୁ ପଡ଼ିବ। ପ୍ରତ୍ୟେକ ସହରର ବିଜେତା ଟିମ୍ Grand Finaleକୁ ଯିବ।

କେଉଁ ଆଧାରରେ ହେବ ମୂଲ୍ୟାଙ୍କନ?

ପ୍ରତିଯୋଗୀଙ୍କ entryକୁ analytical quality, strategic depth, recommendationର feasibility, market trade-offs ବୁଝିବାର କ୍ଷମତା ଏବଂ presentation quality ଆଧାରରେ ମୂଲ୍ୟାଙ୍କନ କରାଯିବ। Original analysisକୁ ସର୍ବାଧିକ ଗୁରୁତ୍ୱ ଦିଆଯିବ।

ପ୍ରତିଯୋଗୀମାନେ research ଓ drafting ପାଇଁ AI tools ବ୍ୟବହାର କରିପାରିବେ। କିନ୍ତୁ AI ବ୍ୟବହାର କରାଯାଇଥିଲେ ତାହା ସ୍ପଷ୍ଟ ଭାବେ disclose କରିବାକୁ ହେବ।

ଏହି ପ୍ରତିଯୋଗିତା ଛାତ୍ରଛାତ୍ରୀଙ୍କୁ GIFT IFSC ସହ ଜଡ଼ିତ ବାସ୍ତବ ଆର୍ଥିକ ବଜାର, financial product innovation, institutional partnership ଓ governance ସମ୍ପର୍କିତ ସମସ୍ୟା ବୁଝିବାର ସୁଯୋଗ ଦେବ। ଏହା GIFT IFSCକୁ ଏକ ଅନ୍ତର୍ଜାତୀୟ financial centre ଭାବେ ଆହୁରି ମଜବୁତ କରିବା ଦିଗରେ ବ୍ୟବହାରିକ ଚିନ୍ତାଧାରାକୁ ପ୍ରୋତ୍ସାହନ ଦେବାକୁ ଲକ୍ଷ୍ୟ ରଖିଛି।