ହର୍ମୁଜ୍ ପ୍ରଣାଳୀରେ ସମ୍ପ୍ରତି ହୋଇଥିବା ଡ୍ରୋନ୍ ଆକ୍ରମଣ ପରେ ପାରସ୍ୟ ଉପସାଗର ଅଞ୍ଚଳର ସୁରକ୍ଷା ପରିସ୍ଥିତି ପୁଣି ଥରେ ଚିନ୍ତାଜନକ ହୋଇପଡ଼ିଛି। ସୁରକ୍ଷା ଜୋଖିମକୁ ଦୃଷ୍ଟିରେ ରଖି ଜାତିସଂଘର ସାମୁଦ୍ରିକ ସଂସ୍ଥାଅନ୍ତର୍ଜାତୀୟ ସାମୁଦ୍ରିକ ସଂଗଠନ (IMO)ଚାଲୁଥିବା ଉଦ୍ଧାର ଅଭିଯାନକୁ ଅସ୍ଥାୟୀ ଭାବେ ବନ୍ଦ କରିଛି।
ଏହି ନିଷ୍ପତ୍ତି ଫଳରେ ପାରସ୍ୟ ଉପସାଗରରେ ଫସି ରହିଥିବା ପ୍ରାୟ୧୧,୦୦୦ ନାବିକଙ୍କସୁରକ୍ଷାକୁ ନେଇ ନୂଆ ଚିନ୍ତା ସୃଷ୍ଟି ହୋଇଛି। ଗତ କିଛି ଦିନ ଧରି IMO, ଓମାନ ଓ ଅନ୍ୟ ସଦସ୍ୟ ଦେଶମାନଙ୍କ ସହଯୋଗରେ ହର୍ମୁଜ୍ ପ୍ରଣାଳୀରେ ଫସି ରହିଥିବା ଜାହାଜଗୁଡ଼ିକୁ ସୁରକ୍ଷିତ ଭାବେ ବାହାର କରିବା ପାଇଁ ଅଭିଯାନ ଚଳାଇଥିଲା।
କିନ୍ତୁ ଓମାନ ଉପକୂଳ ନିକଟରେ ସିଙ୍ଗାପୁର ପତାକା ବହନ କରୁଥିବା‘Ever Lovely’ନାମକ ଏକ ମାଲବାହୀ ଜାହାଜ ଉପରେ ଡ୍ରୋନ୍ ଆକ୍ରମଣ ହେବା ପରେ ପରିସ୍ଥିତି ଜଟିଳ ହୋଇଯାଇଛି। ଏହି ଆକ୍ରମଣରେ କୌଣସି ନାବିକଙ୍କ ମୃତ୍ୟୁ ହୋଇନଥିଲେ ମଧ୍ୟ ଜାହାଜଟି କ୍ଷତିଗ୍ରସ୍ତ ହୋଇଛି।
IMO ମହାସଚିବଆର୍ସେନିଓ ଡୋମିଙ୍ଗୁଏଜ୍କହିଛନ୍ତି ଯେ, ଉଦ୍ଧାର ପାଇଁ ତାଲିକାଭୁକ୍ତ ଜାହାଜଗୁଡ଼ିକର ସୁରକ୍ଷା ନିଶ୍ଚିତ ନହେବା ପର୍ଯ୍ୟନ୍ତ ଅଭିଯାନ ପୁନରାରମ୍ଭ କରାଯିବ ନାହିଁ। ସେ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଆକ୍ରମଣର ଶିକାର ହୋଇଥିବା ଜାହାଜଟି IMOର ଉଦ୍ଧାର ମିଶନର ଅଂଶ ନଥିଲା।
IMOର ସୂଚନା ଅନୁସାରେ, ବର୍ତ୍ତମାନ ପାରସ୍ୟ ଉପସାଗର ଅଞ୍ଚଳର ବିଭିନ୍ନ ଜାହାଜରେ ପ୍ରାୟ୨୦,୦୦୦ ନାବିକଫସି ରହିଛନ୍ତି। ସେମାନଙ୍କ ମଧ୍ୟରୁ୧୧,୦୦୦ ନାବିକଙ୍କୁସୁରକ୍ଷିତ ଭାବେ ବାହାର କରିବା ପାଇଁ ସ୍ୱତନ୍ତ୍ର ଯୋଜନା ପ୍ରସ୍ତୁତ କରାଯାଇଥିଲା। ତେବେ ବର୍ତ୍ତମାନ ଉଦ୍ଧାର ଅଭିଯାନ ବନ୍ଦ ରହିଥିବାରୁ ସେମାନେ ମଝି ସମୁଦ୍ରରେ ଫସି ରହିଛନ୍ତି।
ସୂଚନାଯୋଗ୍ୟ, ଗତ ସପ୍ତାହରେ ୧୨୫ଟି ଜାହାଜ ହର୍ମୁଜ୍ ପ୍ରଣାଳୀ ଅତିକ୍ରମ କରିଥିବା ବେଳେ ଜୁନ୍ ୨୪ ତାରିଖରେ ୭୮ଟି ଜାହାଜ ଏହି ସାମୁଦ୍ରିକ ମାର୍ଗ ଦେଇ ଯାତାୟାତ କରିଥିଲା। ତାଜା ଘଟଣା ପରେ ଅନ୍ତର୍ଜାତୀୟ ସାମୁଦ୍ରିକ ବାଣିଜ୍ୟ ଓ ସୁରକ୍ଷାକୁ ନେଇ ଚିନ୍ତା ବଢ଼ିଛି।
ଓଡ଼ିଶାର ସରକାରୀ ବିଦ୍ୟାଳୟରେ ପଢୁଥିବା ଶିଶୁ ବାଟିକାରୁ ତୃ...
ଭାରତୀୟ କ୍ରିକେଟ ପାଇଁ ଆଜିର ଦିନ ଐତିହାସିକ ହୋଇପାରେ। ଆୟର...
ଅନୁଗୁଳ ଜିଲ୍ଲା ପାଲଲହଡ଼ା ଉପଖଣ୍ଡ ଅନ୍ତର୍ଗତ ଖୁଲୁଡ଼ି ଝରଣ...
ଓଡ଼ିଆ ଖାଦ୍ୟର ସ୍ୱତନ୍ତ୍ର ପରିଚୟକୁ ଦେଶବ୍ୟାପୀ ଭାବେ ପହଞ୍...
ଚଳିତ ଫୁଟବଲ ବିଶ୍ୱକପ୍‌ର ଗ୍ରୁପ୍‌-ଏଫ୍‌ର...
ରାଜ୍ୟରେ ଚାଲିଥିବା ଏଲପିଜି ସଙ୍କଟ ମଧ୍ୟରେ ଛାତ୍ରାବାସରେ ଖ...
ଓଡ଼ିଶାର ସ୍କୁଲ ପାଠ୍ୟପୁସ୍ତକରେ ମିଳିଥିବା ବ୍ୟାପକ ତ୍ରୁଟି...
ଭାରତୀୟ କ୍ରିକେଟ ଦଳର ଯୁବ ଦ୍ରୁତ ବୋଲର ଆକାଶ ଦୀପ ନିଜ ଜୀବ...
ସିବିଏସଇ (CBSE) ଦ୍ୱାଦଶ ଶ୍ରେଣୀ ପରୀକ୍ଷାର ଫଳାଫଳ ପରେ ରି...
ଚଳିତ ବିଶ୍ୱକପ୍ର ଗ୍ରୁପ୍-ଡିରେ ଏକ ବଡ଼ ଅଘଟଣ ଘଟିଛି। ପୂର୍...
