ଆଇପିଏଲ୍ରେ ମୁମ୍ବାଇ ଇଣ୍ଡିଆନ୍ସରୁ ବାହାରିବାର ବାଟ ଖୋଜୁଥିବା ଭାରତୀୟ ଅଲ୍ରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କୁ ବଡ଼ ଝଟକା ଲାଗିଛି। ଗୁଜରାଟ ଟାଇଟନ୍ସକୁ ପୁଣି ଫେରିବା ପାଇଁ ସେ ଇଚ୍ଛା ପ୍ରକାଶ କରିଥିଲେ। ତେବେ ଅଧିନାୟକ ପଦ ଦାବି କରିବାରୁ ଜିଟି ସହ ତାଙ୍କ ଚୁକ୍ତି ନେଇ ଆଲୋଚନା ଅଟକିଥିବା ସୂଚନା ମିଳିଛି।
୨୦୨୨ରେ ଗୁଜରାଟ ଟାଇଟନ୍ସକୁ ଆଇପିଏଲ୍ ଚାମ୍ପିଅନ୍ କରାଇବା ଏବଂ ୨୦୨୩ରେ ଫାଇନାଲ୍ରେ ପହଞ୍ଚାଇବାରେ ହାର୍ଦ୍ଦିକଙ୍କ ପ୍ରମୁଖ ଭୂମିକା ଥିଲା। ଜିଟି ମଧ୍ୟ ତାଙ୍କୁ ଦଳକୁ ଫେରାଇ ଆଣିବାକୁ ଆଗ୍ରହୀ ଥିବା କୁହାଯାଉଛି। କିନ୍ତୁ ଦଳର ବର୍ତ୍ତମାନର ଅଧିନାୟକ ଶୁବମନ ଗିଲ୍ଙ୍କୁ ବଦଳାଇବାକୁ ଜିଟି ପ୍ରସ୍ତୁତ ନୁହେଁ।
ଜିଟି ହାର୍ଦ୍ଦିକଙ୍କୁ ଅଭିଜ୍ଞ ଖେଳାଳି ଭାବେ ଦଳରେ ସାମିଲ କରିବାକୁ ଚାହୁଁଥିଲା, କିନ୍ତୁ ଅଧିନାୟକତ୍ୱ ଦେବାକୁ ଚାହୁଁନଥିଲା। ଏହି କାରଣରୁ ଉଭୟ ପକ୍ଷ ମଧ୍ୟରେ ଚୁକ୍ତି ଆଗକୁ ବଢ଼ିନଥିବା ଜଣାପଡ଼ିଛି।
ଗୁଜରାଟ ଟାଇଟନ୍ସରେ ଖେଳିବା ସମୟରେ ହାର୍ଦ୍ଦିକ ଆଇପିଏଲ୍ରେ ବଡ଼ ସଫଳତା ପାଇଥିଲେ। ଏହା ସହିତ ସେ ନିଜକୁ ଜଣେ ନେତା ଭାବେ ମଧ୍ୟ ପ୍ରତିଷ୍ଠିତ କରିଥିଲେ। ଏବେ ସେ କୋଲକାତା ନାଇଟ୍ ରାଇଡର୍ସ ଓ ଲକ୍ଷ୍ନୌ ସୁପର ଜାଏଣ୍ଟ୍ସ ଉପରେ ନଜର ରଖିଥିବା ସୂଚନା ମିଳୁଛି।
କେକେଆର୍ର ଅଧିନାୟକ ଅଜିଙ୍କ୍ୟ ରାହାଣେ ଅବସର ଘୋଷଣା କରିଥିବାବେଳେ ଲକ୍ଷ୍ନୌ ସୁପର ଜାଏଣ୍ଟ୍ସର ନେତୃତ୍ୱରୁ ଋଷଭ ପନ୍ତ ଓହରିଯାଇଥିବାରୁ ଏହି ଦୁଇ ଦଳ ହାର୍ଦ୍ଦିକଙ୍କ ପାଇଁ ସମ୍ଭାବ୍ୟ ବିକଳ୍ପ ହୋଇପାରନ୍ତି।
୨୦୨୪ରେ ରୋହିତ ଶର୍ମାଙ୍କ ସ୍ଥାନରେ ହାର୍ଦ୍ଦିକଙ୍କୁ ମୁମ୍ବାଇ ଇଣ୍ଡିଆନ୍ସର ଅଧିନାୟକ କରାଯାଇଥିଲା। ତେବେ ଦଳର ପ୍ରଦର୍ଶନ ଆଶାନୁରୂପ ହୋଇନଥିଲା। ୨୦୨୫ରେ ମୁମ୍ବାଇ ପ୍ଲେଅଫ୍ରେ ପହଞ୍ଚିଥିଲେ ମଧ୍ୟ ୨୦୨୬ରେ ଦଳ ନବମ ସ୍ଥାନରେ ରହି ଅଭିଯାନ ଶେଷ କରିଥିଲା।
ବ୍ୟକ୍ତିଗତ ଭାବେ ମଧ୍ୟ ଗତ ଆଇପିଏଲ୍ରେ ହାର୍ଦ୍ଦିକଙ୍କ ପ୍ରଦର୍ଶନ ଭଲ ରହିନଥିଲା। ସେ ୧୦ଟି ମ୍ୟାଚ୍ରେ ୨୨.୮୮ ହାରରେ ୨୦୬ ରନ୍ କରିବା ସହ ମାତ୍ର ୪ଟି ୱିକେଟ୍ ନେଇଥିଲେ।
ଇଟାଲୀର ପ୍ରଧାନମନ୍ତ୍ରୀ ଜିଓର୍ଜିଆ ମେଲୋନି ଭାରତରେ ଲୋକପ୍ର...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମ...
ଓଡ଼ିଶାରେ ପୁଣି ଥରେ ବର୍ଷାର ପ୍ରକୋପ ବଢ଼ିବାକୁ ଯାଉଛି। ଭା...
ଓଡ଼ିଶା ଉପରେ ପୁଣି ବର୍ଷା ବିପଦ। ବଙ୍ଗୋପସାଗରରେ ସୃଷ୍ଟ ଲଘ...
ପାନ ମସଲା ପ୍ୟାକେଜିଂକୁ ନେଇ FSSAI ଏକ ବଡ଼ ନିଷ୍ପତ୍ତି ନେ...
ମେଷ ଏହି ସପ୍ତାହରେ ମେଷ ରାଶିର ବ୍ୟକ୍ତିମାନେ କର୍ମକ୍ଷେ...
ନୂଆଦିଲ୍ଲୀ, ୧୨/୮:Milky Mist Dairy Foodର IPO ପ୍ରଥମ ଦ...
ଇରାନକୁ ନେଇ ଆମେରିକାର ଦୀର୍ଘ ସାମରିକ ମୁତୟନ ଏବେ ସୈନିକମା...
ଭୁବନେଶ୍ୱର:ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ କ୍ଷେତ...
ନିମ୍ନଚାପ ପ୍ରଭାବରେ ଓଡ଼ିଶାରେ ଭୀଷଣ ବର୍ଷା ଜାରି ରହିଥିବା...
