ଫେସବୁକ୍ ଓ ଇନଷ୍ଟାଗ୍ରାମ୍ରେ କେଉଁ କଣ୍ଟେଣ୍ଟ ଅଧିକ ଲୋକଙ୍କ ପାଖରେ ପହଞ୍ଚୁଛି, ତାହାକୁ ନେଇ ମେଟା ଉପରେ କେନ୍ଦ୍ର ସରକାରଙ୍କ ନଜର କଡ଼ା ହୋଇଛି। ଭ୍ରମାତ୍ମକ, ମନିପୁଲେଟେଡ୍ କିମ୍ବା ପ୍ରସଙ୍ଗବିହୀନ କଣ୍ଟେଣ୍ଟକୁ ଆଲଗୋରିଦମ୍ ମାଧ୍ୟମରେ ଅଧିକ ପ୍ରସାର କରାନଯିବାକୁ ମେଟାକୁ କୁହାଯାଇଛି।

କେନ୍ଦ୍ରୀୟଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତି ମନ୍ତ୍ରଣାଳୟ (MeitY)ଅକ୍ଟୋବର ୧୦ରେ ଜାରି କରିଥିବା ଏକ ପରାମର୍ଶରେ ମେଟାର କଣ୍ଟେଣ୍ଟ ରିକମେଣ୍ଡେସନ୍ ଓ ରାଙ୍କିଂ ସିଷ୍ଟମ୍ର ସମୀକ୍ଷା କରିବାକୁ କହିଛି। ବ୍ୟବହାରକାରୀଙ୍କୁ ଏକପାଖିଆ ତଥ୍ୟ ବଦଳରେ ବିଶ୍ୱସନୀୟ, ପ୍ରାସଙ୍ଗିକ ଏବଂ ବିଭିନ୍ନ ଦୃଷ୍ଟିକୋଣର ସୂଚନା ମିଳିବା ଉପରେ ମନ୍ତ୍ରଣାଳୟ ଗୁରୁତ୍ୱ ଦେଇଛି।

ସରକାର ବିଶେଷ ଭାବେପୁରୁଣା ଫଟୋ କିମ୍ବା ଭିଡିଓକୁ ନୂଆ ଘଟଣାର ବୋଲି ପ୍ରସାର କରିବା, ଏଡିଟ୍ କରାଯାଇଥିବା ଭିଜୁଆଲ୍, ଅପୁଷ୍ଟ ଦାବି ଏବଂ ପର୍ଯ୍ୟାପ୍ତ ପ୍ରସଙ୍ଗ ବିନା ପ୍ରସାରିତ ଅଡିଓ-ଭିଜୁଆଲ୍ କଣ୍ଟେଣ୍ଟକୁ ନେଇ ଚିନ୍ତା ପ୍ରକାଶ କରିଛି। ଜରୁରୀ ପରିସ୍ଥିତି, ପୁଲିସ କାର୍ଯ୍ୟାନୁଷ୍ଠାନ, ପ୍ରତିବନ୍ଧ ଓ ଅନ୍ୟାନ୍ୟ ସରକାରୀ ପଦକ୍ଷେପ ସମ୍ପର୍କିତ ଭୁଲ କିମ୍ବା ଭ୍ରମାତ୍ମକ ଦାବି ଉପରେ ମଧ୍ୟ ନଜର ରଖିବାକୁ କୁହାଯାଇଛି।

ମନ୍ତ୍ରଣାଳୟର ଚିନ୍ତା ହେଉଛି, ଏଭଳି କଣ୍ଟେଣ୍ଟ ଯଦି ଆଲଗୋରିଦମ୍ ମାଧ୍ୟମରେ ବାରମ୍ବାର ରିକମେଣ୍ଡ ହୁଏ କିମ୍ବା ଅସ୍ୱାଭାବିକ ଭାବେ ବହୁତ ଲୋକଙ୍କ ପାଖରେ ପହଞ୍ଚେ, ତେବେ ଏହା ସାଧାରଣ ଲୋକଙ୍କ ମଧ୍ୟରେ ଭ୍ରମ, ଆଶଙ୍କା ଏବଂ ଅସ୍ଥିରତା ସୃଷ୍ଟି କରିପାରେ। ବିଶେଷକରି ଆଇନଶୃଙ୍ଖଳା ଓ ସାର୍ବଜନୀନ ଶାନ୍ତି ସହ ଜଡ଼ିତ ଘଟଣାରେ ଏହାର ପ୍ରଭାବ ଅଧିକ ଗମ୍ଭୀର ହୋଇପାରେ।

ମେଟାକୁ ଏଭଳି ଏକ ବ୍ୟବସ୍ଥା ଗଠନ କରିବାକୁ କୁହାଯାଇଛି, ଯାହା ରିକମେଣ୍ଡେସନ୍ ସିଷ୍ଟମ୍ ଜରିଆରେ ଅସ୍ୱାଭାବିକ ଭାବେ ଅଧିକ ପ୍ରସାର ପାଉଥିବା କଣ୍ଟେଣ୍ଟକୁ ଚିହ୍ନଟ କରିପାରିବ। ଆବଶ୍ୟକ ହେଲେ ଏଭଳି କଣ୍ଟେଣ୍ଟର ଶୀଘ୍ର ସମୀକ୍ଷା ଓ ଉଚ୍ଚସ୍ତରୀୟ ରିପୋର୍ଟିଂ କରିବାକୁ ମଧ୍ୟ କୁହାଯାଇଛି।

ଏହା ସହିତ ମେଟାକୁକଣ୍ଟେଣ୍ଟ ରିକମେଣ୍ଡେସନ୍ ଓ ରାଙ୍କିଂ ଆଲଗୋରିଦମ୍ପୁନଃସମୀକ୍ଷା କରିବାକୁ କୁହାଯାଇଛି, ଯେପରି ଭ୍ରମାତ୍ମକ, ମନିପୁଲେଟେଡ୍ କିମ୍ବା ପ୍ରସଙ୍ଗବିହୀନ କଣ୍ଟେଣ୍ଟକୁ ଅତ୍ୟଧିକ ଭାବେ ପ୍ରଚାର କିମ୍ବା ବାରମ୍ବାର ରିକମେଣ୍ଡ କରାନଯାଏ। ଏହା ସହିତ ବିଭିନ୍ନ ଓ ବିଶ୍ୱସନୀୟ ତଥ୍ୟରେ ବ୍ୟବହାରକାରୀଙ୍କୁ ପହଞ୍ଚାଇବାକୁ ମଧ୍ୟ କୁହାଯାଇଛି।

ସରକାର ଏହି ପରାମର୍ଶରେInformation Technology Act, 2000ଏବଂIT Rules, 2021ଅନୁଯାୟୀ ମେଟାକୁ ଏକ ଇଣ୍ଟରମିଡିଆରୀ ଭାବେ ନିଜର ଦାୟିତ୍ୱ ପାଳନ କରିବାକୁ ମନେ ପକାଇଛି। ଆଇନଶୃଙ୍ଖଳା ଭଙ୍ଗ, ହିଂସାକୁ ଉସକାଇବା କିମ୍ବା ସାର୍ବଜନୀନ ଶାନ୍ତି ପ୍ରତି ବିପଦ ସୃଷ୍ଟି କରିପାରୁଥିବା କଣ୍ଟେଣ୍ଟ ଉପରେ ଯଥାଚିତ ଯାଞ୍ଚ ଓ ପଦକ୍ଷେପ ନେବାକୁ କୁହାଯାଇଛି।

ତେବେ ଏହି ପଦକ୍ଷେପକୁ ନେଇଡିଜିଟାଲ୍ ଅଧିକାର ଓ ଅଭିବ୍ୟକ୍ତିର ସ୍ୱାଧୀନତାସମ୍ପର୍କରେ ମଧ୍ୟ ଚର୍ଚ୍ଚା ଆରମ୍ଭ ହୋଇଛି। Internet Freedom Foundationର ପ୍ରତିଷ୍ଠାତା-ନିର୍ଦ୍ଦେଶକ ଅପାର ଗୁପ୍ତା ଏହି ପରାମର୍ଶକୁ ନେଇ ଆପତ୍ତି ଉଠାଇଛନ୍ତି ଏବଂ ଏହାକୁ ଏକ ପ୍ରକାରର ଲଗାତାର ସେନ୍ସରସିପ୍ ନିର୍ଦ୍ଦେଶ ବୋଲି ଅଭିହିତ କରିଛନ୍ତି। ସେ ମେଟା ଦ୍ୱାରା କଣ୍ଟେଣ୍ଟ ହଟାଇବା କିମ୍ବା ଡାଉନରାଙ୍କିଂ କରିବା ସମ୍ପର୍କରେ ଅଧିକ ସ୍ୱଚ୍ଛତା ଦାବି କରିଛନ୍ତି।