ଗଞ୍ଜାମରେ ସମୁଦ୍ର କ୍ଷୟ: ଆର୍ଯ୍ୟପଲ୍ଲୀରେ ରାସ୍ତା ଧୋଇନେଲା ସମୁଦ୍ର, ଯୋଗାଯୋଗ ବିଚ୍ଛିନ୍ନ
ଗଞ୍ଜାମ ଜିଲ୍ଲା ଆର୍ଯ୍ୟପଲ୍ଲୀ ଗାଁରେ ସମୁଦ୍ର କ୍ଷୟ ଯୋଗୁଁ ସ୍ଥିତି ଗମ୍ଭୀର ହୋଇଛି। ପୋଡମପେଟା ଅଞ୍ଚଳରେ ପ୍ରବଳ ଢେଉରେ ଗତ ୩ ଦିନ ମଧ୍ୟରେ ୩ଟି ରାସ୍ତା କ୍ଷତିଗ୍ରସ୍ତ ହୋଇଥିବାବେଳେ, ମେରାଇନ୍ ପୁଲିସ ଥାନାକୁ ସଂଯୋଗ କରୁଥିବା ମୁଖ୍ୟ ରାସ୍ତା ମଧ୍ୟ ଧୋଇଯାଇଛି।
ଗଞ୍ଜାମ ଜିଲ୍ଲା ଆର୍ଯ୍ୟପଲ୍ଲୀ ଗାଁରେ ସମୁଦ୍ର କ୍ଷୟ ଯୋଗୁଁ ଲୋକଙ୍କ ଚିନ୍ତା ବଢ଼ିଛି। ପୋଡମପେଟା ଅଞ୍ଚଳରେ ପ୍ରବଳ ସମୁଦ୍ର ଢେଉ ଉପକୂଳ ଅଞ୍ଚଳ ସହ ରାସ୍ତାଗୁଡ଼ିକୁ କ୍ଷତିଗ୍ରସ୍ତ କରୁଛି।
ଗତ ୩ ଦିନ ମଧ୍ୟରେ ଅଞ୍ଚଳର ୩ଟି ପ୍ରମୁଖ ରାସ୍ତା ସମୁଦ୍ର ଢେଉରେ କ୍ଷତିଗ୍ରସ୍ତ ହୋଇଛି। ଗତକାଲି ରାତିରେ କେ. ଆର୍ଯ୍ୟପଲ୍ଲୀ ଗାଁକୁ ମେରାଇନ୍ ପୁଲିସ ଥାନା ସହ ସଂଯୋଗ କରୁଥିବା ମୁଖ୍ୟ ରାସ୍ତା ମଧ୍ୟ ସମୁଦ୍ର ଢେଉରେ ଧୋଇଯାଇଛି। ଫଳରେ ଗାଁ ଓ ମେରାଇନ୍ ପୁଲିସ ଥାନା ମଧ୍ୟରେ ସିଧାସଳଖ ଯୋଗାଯୋଗ ବାଧାପ୍ରାପ୍ତ ହୋଇଛି।
ସମୁଦ୍ର ଢେଉ ଏବେ ଗାଁର ଶ୍ମଶାନ ନିକଟବର୍ତ୍ତୀ ଅଞ୍ଚଳକୁ ମଧ୍ୟ ପହଞ୍ଚିବାରୁ ସ୍ଥାନୀୟ ବାସିନ୍ଦାଙ୍କ ଚିନ୍ତା ବଢ଼ିଛି। ଗାଁଟି ଶହେ ବର୍ଷରୁ ଅଧିକ ପୁରୁଣା ହୋଇଥିବାରୁ ଲଗାତାର ସମୁଦ୍ର କ୍ଷୟ ଯୋଗୁଁ ଗାଁର ସୁରକ୍ଷା ନେଇ ଲୋକେ ଆଶଙ୍କା ପ୍ରକାଶ କରିଛନ୍ତି।
ସ୍ଥାନୀୟ ଲୋକଙ୍କ କହିବା ଅନୁଯାୟୀ, ରାସ୍ତା ନଷ୍ଟ ହେବାରୁ ପିଲାମାନଙ୍କ ସ୍କୁଲ ଯିବା ସହ ଦୈନନ୍ଦିନ ଯାତାୟାତ ପ୍ରଭାବିତ ହୋଇଛି। ମତ୍ସ୍ୟଜୀବୀମାନେ ମଧ୍ୟ ମାଛ ଧରିବା ଓ ବ୍ୟବସାୟ ପାଇଁ ଏହି ରାସ୍ତା ଉପରେ ନିର୍ଭର କରୁଥିବାରୁ ସମସ୍ୟାରେ ପଡ଼ିଛନ୍ତି।
ସମୁଦ୍ର ଏବେ ଗାଁଠାରୁ ପ୍ରାୟ ୨୦ରୁ ୩୦ ମିଟର ଦୂରରେ ଥିବାରୁ ଆଗକୁ ସମୁଦ୍ର ଆହୁରି ଭିତରକୁ ପଶିବା ନେଇ ଲୋକେ ଭୟଭୀତ ଅଛନ୍ତି।
ସମୁଦ୍ର କ୍ଷୟକୁ ରୋକିବା ପାଇଁ ତୁରନ୍ତ ପଦକ୍ଷେପ ନେବା ସହ ପ୍ରଭାବିତ ଅଞ୍ଚଳରେ ସୁରକ୍ଷା ପ୍ରାଚୀର ନିର୍ମାଣ ଓ ପଥର ପ୍ୟାଚିଂ କରିବାକୁ ଗ୍ରାମବାସୀ ଦାବି କରିଛନ୍ତି। ସମୟୋଚିତ ପଦକ୍ଷେପ ନିଆଗଲେ ଅବଶିଷ୍ଟ ରାସ୍ତା ଓ ଗାଁକୁ ସୁରକ୍ଷିତ ରଖାଯାଇପାରିବ ବୋଲି ସେମାନେ କହିଛନ୍ତି।
ୟୁରୋପୀୟ ୟୁନିୟନ୍‌ର ଦୁଇ ସଦସ୍ୟ ଦେଶ ସ୍ପେନ୍ ଓ ଇଟାଲ...
ଲଘୁଚାପର ପ୍ରଭାବରେ ବାଲେଶ୍ୱର ଜିଲ୍ଲାରନୀଳଗିରି ଅଞ୍ଚଳରେ ପ...
ଟୋକିଓ/ବେଜିଂ:ଜାପାନର ଦକ୍ଷିଣ ଓକିନାୱା ପ୍ରାନ୍ତରେ ଶନିବାର...
ଓଡ଼ିଶାରେ ପୁଣି ଏକ ବର୍ଷା ପର୍ଯ୍ୟାୟ ଆସିବାର ସମ୍ଭାବନା ରହ...
ଆମେରିକାର ଇଲିନୋଇସ୍‌ର ଇଷ୍ଟ ସେଣ୍ଟ ଲୁଇସ୍‌ରେ...
କାଠମାଣ୍ଡୁ: ନେପାଳରେ ଚଳିତ ମାସରେ ହେବାକୁ ଥିବା ଏକ ଅନ୍ତର...
ଓଡ଼ିଶାରେ ଆସନ୍ତା ପାଞ୍ଚ ଦିନ ଧରି ବ୍ୟାପକ ବର୍ଷା ଜାରି ରହ...
ନୂଆଦିଲ୍ଲୀ: E20 ପେଟ୍ରୋଲ୍‌କୁ ନେଇ ଚାଲିଥିବା ବିବାଦ...
