ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକ ଅନ୍ତର୍ଗତ ଓଡ଼ିଆ ଆଲପୁର ପଞ୍ଚାୟତରେ ପଞ୍ଚାୟତ ଗୃହ ନିର୍ମାଣକୁ ନେଇ ଦୀର୍ଘଦିନ ଧରି ଚାଲିଥିବା ବିବାଦ ଏବେ ସାଧାରଣ ଲୋକଙ୍କ ଦୁଃଖର କାରଣ ପାଲଟିଛି। ଲକ୍ଷ ଲକ୍ଷ ଟଙ୍କା ବ୍ୟୟରେ ଆରମ୍ଭ ହୋଇଥିବା ପ୍ରକଳ୍ପ ଅଧାରେ ଅଟକି ରହିଥିବାବେଳେ ପଞ୍ଚାୟତ କାର୍ଯ୍ୟାଳୟ ଏବେ ଏକ ପୁରୁଣା ଦଦରା ସ୍କୁଲ କୋଠରୀରେ ଚାଲିଛି।
୨୦୧୭ ମସିହାରେ ପଥରା ପଞ୍ଚାୟତରୁ ଅଲଗା ହୋଇ ଓଡ଼ିଆ ଆଲପୁର ନାମରେ ନୂତନ ପଞ୍ଚାୟତ ଗଠନ କରାଯାଇଥିଲା। କିନ୍ତୁ ନୂତନ ପଞ୍ଚାୟତ ପାଇଁ ସ୍ଥାୟୀ କାର୍ଯ୍ୟାଳୟ ନିର୍ମାଣ ହୋଇନଥିବାରୁ ଗ୍ରାମର ଏକ ପୁରୁଣା ଟିଣ ଛାଦିତ ସ୍କୁଲ ଘରକୁ ଅସ୍ଥାୟୀ ପଞ୍ଚାୟତ ଅଫିସ୍ ଭାବେ ବ୍ୟବହାର କରାଯାଉଛି।
ବର୍ଷା ଦିନରେ ଏହି ଅଫିସର ଅବସ୍ଥା ଅତ୍ୟନ୍ତ ଦୟନୀୟ ହୋଇପଡ଼ୁଛି। ଛାତରୁ ପାଣି ଗଳିବା ସହ ଘର ଭିତରେ ପାଣି ଜମିଯାଉଥିବାରୁ ଗୁରୁତ୍ୱପୂର୍ଣ୍ଣ ସରକାରୀ କାଗଜପତ୍ର ନଷ୍ଟ ହେଉଛି। ଏହାସହ କର୍ମଚାରୀମାନେ ମଧ୍ୟ ଅସୁବିଧାରେ କାମ କରିବାକୁ ବାଧ୍ୟ ହେଉଛନ୍ତି।
୨୦୨୦ ମସିହାରେ ନୂତନ ପଞ୍ଚାୟତ ଗୃହ ନିର୍ମାଣ ପାଇଁ ପ୍ରାୟ ୩୫ ଲକ୍ଷ ଟଙ୍କା ମଞ୍ଜୁର ହୋଇଥିଲା। କିନ୍ତୁ ନିର୍ମାଣ ସ୍ଥଳକୁ ନେଇ ଦୁଇ ଗୋଷ୍ଠୀ ମଧ୍ୟରେ ବିବାଦ ସୃଷ୍ଟି ହେବାରୁ ମାମଲା କୋର୍ଟକୁ ଯାଇଥିଲା। ଫଳରେ କାମ ଅଧାରେ ବନ୍ଦ ହୋଇଯାଇଥିଲା। ବର୍ତ୍ତମାନ ଅର୍ଦ୍ଧନିର୍ମିତ ଗୃହଟି ଗଛଲତାରେ ଢାକି ହୋଇ ନଷ୍ଟ ହେବାକୁ ବସିଛି।
ପଞ୍ଚାୟତରେ ଗୋଦାମ ଘର ନଥିବାରୁ ରାସନ ଚାଉଳ ବଣ୍ଟନ ପାଇଁ ଲୋକମାନଙ୍କୁ ପୁରୁଣା ପଥରା ପଞ୍ଚାୟତକୁ ଯିବାକୁ ପଡୁଛି। ଏହା ଗ୍ରାମବାସୀଙ୍କ ପାଇଁ ଅଧିକ ଅସୁବିଧା ସୃଷ୍ଟି କରୁଛି। ସେହିପରି ବିଭିନ୍ନ ସରକାରୀ କାର୍ଯ୍ୟ ପାଇଁ ମଧ୍ୟ ଲୋକଙ୍କୁ ଦୂରକୁ ଯାଇବାକୁ ପଡୁଛି।
ଏହି ପରିସ୍ଥିତିରେ ଗ୍ରାମବାସୀମାନେ ପ୍ରଶାସନକୁ ତୁରନ୍ତ ହସ୍ତକ୍ଷେପ କରି ବିବାଦର ସମାଧାନ କରିବା ସହ ପଞ୍ଚାୟତ ଗୃହ ନିର୍ମାଣ କାମ ଶୀଘ୍ର ଶେଷ କରିବାକୁ ଦାବି କରିଛନ୍ତି।
ଭାରତୀୟ ଜାଭେଲିନ୍ ଥ୍ରୋରେ ନୀରଜ ଚୋପ୍ରାଙ୍କ ପରେ ଏବେ ରୋହି...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
ଲିଓନେଲ ମେସି ଓ ଆର୍ଜେଣ୍ଟିନାର କାହାଣୀ ସାଧାରଣ ଫୁଟବଲ୍&zw...
ଭାରତୀୟ ଫୁଟବଲ ଦଳ ପାଇଁ ଆସନ୍ତା ସେପ୍ଟେମ୍ବର-ଅକ୍ଟୋବର FIF...
ୟୁକ୍ରେନ୍ର କିଭ୍ ଅଞ୍ଚଳର ବୁଚା ଜିଲ୍ଲାର ମାଇଲା ଗାଁରେ ଶୁକ...
ଭାରତୀୟ ବଜାରରେ ମିଳୁଥିବା ଅନେକ ପ୍ରସିଦ୍ଧ ଗ୍ଲୋବାଲ୍ ବ୍ରା...
