ପ୍ୟାକେଟ୍ରେ ଥିବା ଜଟିଳ ନ୍ୟୁଟ୍ରିସନ୍ ଟେବୁଲ୍ ପଢ଼ିବାର ଆବଶ୍ୟକତା ନପଡ଼ି ଖାଦ୍ୟରେ ଅଧିକ ଚିନି, ଲୁଣ କିମ୍ବା ଚର୍ବି ରହିଛି କି ନାହିଁ, ତାହା ଗୋଟିଏ ନଜରରେ ଜାଣିବା ପାଇଁ ଲାଲ୍ ଚେତାବନୀ ଲେବଲ୍ ଆଣିବାକୁ FSSAI ପ୍ରସ୍ତାବ ଦେଇଛି।
ପ୍ରସ୍ତାବିତ ବ୍ୟବସ୍ଥା ଅନୁଯାୟୀ, ଖାଦ୍ୟ ପ୍ୟାକେଟ୍ର ସାମ୍ନାପଟେ ଲାଲ୍ ରଙ୍ଗର ଷଟ୍କୋଣୀୟ (hexagonal) ଚିହ୍ନ ରହିବ। ନିର୍ଦ୍ଧାରିତ ସୀମାଠାରୁ ଚିନି, ଲୁଣ ଓ ଚର୍ବି ଅଧିକ ହେଲେ ଏହି ଚେତାବନୀ ଚିହ୍ନ ମାଧ୍ୟମରେ ଗ୍ରାହକଙ୍କୁ ସୂଚନା ଦିଆଯିବ।
ଏହି ମାନଦଣ୍ଡ ୨୦୨୪ର ICMR-NIN ଖାଦ୍ୟ ନିର୍ଦ୍ଦେଶାବଳୀ ଆଧାରରେ ପ୍ରସ୍ତୁତ କରାଯାଇଛି। ପ୍ରଥମ ପର୍ଯ୍ୟାୟରେ ନିର୍ଦ୍ଧାରିତ ଦୁଇ କିମ୍ବା ତା’ଠାରୁ ଅଧିକ ପୋଷକତତ୍ତ୍ୱ ନିର୍ଦ୍ଧାରିତ ସୀମା ଅତିକ୍ରମ କଲେ ଚେତାବନୀ ଲେବଲ୍ ଲଗାଇବାର ବ୍ୟବସ୍ଥା ହୋଇପାରେ। ପରବର୍ତ୍ତୀ ପର୍ଯ୍ୟାୟରେ ଗୋଟିଏ ପୋଷକତତ୍ତ୍ୱ ମଧ୍ୟ ନିର୍ଦ୍ଧାରିତ ସୀମା ଅତିକ୍ରମ କଲେ ଚେତାବନୀ ଦେବାର ବ୍ୟବସ୍ଥା ହୋଇପାରେ।
ଏହି ପ୍ରସ୍ତାବକୁ ପର୍ଯ୍ୟାୟକ୍ରମେ ଲାଗୁ କରିବାର ଯୋଜନା ରହିଛି, ଯାହାଦ୍ୱାରା ଖାଦ୍ୟ ଉତ୍ପାଦନକାରୀ କମ୍ପାନୀଗୁଡ଼ିକୁ ଆବଶ୍ୟକ ପରିବର୍ତ୍ତନ ଓ ଉତ୍ପାଦରେ ସଂଶୋଧନ ପାଇଁ ସମୟ ମିଳିପାରିବ।
ଏନେଇ ଡାକ୍ତର ସତ୍ୟବ୍ରତ ମହାପାତ୍ର କହିଛନ୍ତି ଯେ, ପ୍ୟାକେଟ୍ରେ ଥିବା ଚିହ୍ନକୁ ଦେଖି ଖାଦ୍ୟରେ ଅଧିକ ଚିନି, ଲୁଣ କିମ୍ବା ଚର୍ବି ରହିଛି କି ନାହିଁ ଜାଣିହେବ। ପୂରା ନ୍ୟୁଟ୍ରିସନ୍ ତଥ୍ୟ ପଢ଼ିବା ଆବଶ୍ୟକତା କମିଯିବ। ସେ ଏହି ପଦକ୍ଷେପକୁ ଏକ ଭଲ ପଦକ୍ଷେପ ବୋଲି କହିଛନ୍ତି।
ଶିଶୁମାନଙ୍କ ମଧ୍ୟରେ ଜଙ୍କ୍ ଫୁଡ୍ର ବଢ଼ୁଥିବା ବ୍ୟବହାରକୁ ନେଇ ମଧ୍ୟ ଚିନ୍ତା ବଢ଼ିଛି। ଅଧିକ ଜଙ୍କ୍ ଫୁଡ୍ ଖାଇବା ଦ୍ୱାରା ମୋଟାପଣ, ଡାଇବେଟିସ୍ ଓ ଅନ୍ୟାନ୍ୟ ସ୍ୱାସ୍ଥ୍ୟ ସମସ୍ୟାର ଆଶଙ୍କା ରହିଥାଏ।
ପ୍ୟାକେଟ୍ର ଆକର୍ଷଣୀୟ ଡିଜାଇନ୍ ଓ ସ୍ୱାଦ ଶିଶୁମାନଙ୍କୁ ଏଭଳି ଖାଦ୍ୟ ପ୍ରତି ଆକର୍ଷିତ କରୁଥିବା ବେଳେ, ବ୍ୟସ୍ତ ଅଭିଭାବକମାନେ ମଧ୍ୟ ସୁବିଧା ପାଇଁ ପ୍ୟାକେଟ୍ ଖାଦ୍ୟ ଉପରେ ନିର୍ଭର କରୁଛନ୍ତି।
ଗ୍ରାହକ ଶାଶ୍ୱତ ରାୟ କହିଛନ୍ତି ଯେ, ଶିଶୁମାନେ ଜଙ୍କ୍ ଫୁଡ୍ରେ ଅଧିକ ଅଭ୍ୟସ୍ତ ହୋଇପଡ଼ୁଥିବାରୁ କମ୍ପାନୀଗୁଡ଼ିକ ଏଭଳି ଖାଦ୍ୟ ସ୍ୱାସ୍ଥ୍ୟ ପାଇଁ କ୍ଷତିକାରକ ବୋଲି ସ୍ପଷ୍ଟ ଭାବେ ଉଲ୍ଲେଖ କରିବା ଜରୁରୀ। ନିୟମ ଉଲ୍ଲଂଘନ କରୁଥିବା ସଂସ୍ଥା ବିରୋଧରେ କାର୍ଯ୍ୟାନୁଷ୍ଠାନ ସହ ଖାଦ୍ୟ ସୁରକ୍ଷା ଅଧିକାରୀମାନେ ଅଧିକ ସଚେତନ ହେବା ଆବଶ୍ୟକ ବୋଲି ସେ କହିଛନ୍ତି।
ସେ ଆହୁରି କହିଛନ୍ତି ଯେ, ଶିଶୁମାନେ ଥରେ ଜଙ୍କ୍ ଫୁଡ୍ ଖାଇବା ଆରମ୍ଭ କଲେ ଅଧିକ ଖାଇବାକୁ ଇଚ୍ଛା କରନ୍ତି। ତେଣୁ ଅଧିକ ଜଙ୍କ୍ ଫୁଡ୍ ଖାଇଲେ କ’ଣ ପ୍ରଭାବ ପଡ଼ିପାରେ, ତାହା ମଧ୍ୟ ସ୍ପଷ୍ଟ ଭାବେ ଉଲ୍ଲେଖ କରିବା ଆବଶ୍ୟକ।
ତେବେ ଘିଅ, ତେଲ, ଲୁଣ, ଚିନି, ଗୁଡ଼ ଓ ମହୁ ଭଳି single-ingredient food ଏହି ପ୍ରସ୍ତାବିତ ବ୍ୟବସ୍ଥାରୁ ବାଦ ପଡ଼ିବ।
ଏହି ପ୍ରସ୍ତାବ ପଛରେ ପ୍ୟାକେଟ୍ ଖାଦ୍ୟରେ ସ୍ପଷ୍ଟ ସ୍ୱାସ୍ଥ୍ୟ ଚେତାବନୀ ଦାବି କରି ଦାଖଲ ହୋଇଥିବା ଏକ PIL ମଧ୍ୟ ରହିଛି। ଅଗଷ୍ଟ ୧୩ରେ ସୁପ୍ରିମକୋର୍ଟ ଏହି ପ୍ରସଙ୍ଗରେ କେନ୍ଦ୍ରକୁ ପଦକ୍ଷେପ ନେବାକୁ କହିବା ପରେ FSSAI ପକ୍ଷରୁ compliance affidavit ଦାଖଲ କରାଯାଇଥିଲା।
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ପୂର୍ବତନ ଭାରତୀୟ କ୍ରିକେଟର ଓ କୋଚ୍ ସଞ୍ଜୟ ବାଙ୍ଗରଙ୍କ ଝିଅ...
ଅଭିନେତ୍ରୀ ତଥା ବିଜେପି ସାଂସଦ କଙ୍ଗନା ରଣାୱତ ଏବଂ ଯୋଗଗୁର...
ୟଶଙ୍କ ଅଭିନୀତ‘Toxic: A Fairy Tale for Grown-U...
ନେପାଳ-ତିବ୍ବତ ସୀମାରେ ଭୟଙ୍କର ଫ୍ଲାସ୍ ଫ୍ଲଡ୍ ପରେ ସହାୟତା...
ଭାରତୀୟ ଜାଭେଲିନ୍ ଥ୍ରୋରେ ନୀରଜ ଚୋପ୍ରାଙ୍କ ପରେ ଏବେ ରୋହି...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
ଜୁରିଖ ଡାଏମଣ୍ଡ ଲିଗ୍‌ରେ ପୁଣିଥରେ ଚମକିଛନ୍ତି ସ୍ୱିଡ...
କନ୍ନଡ ଅଭିନେତା ୟଶଙ୍କ ଅଭିନୀତ ଫିଲ୍ମ **‘Toxic: A...
ୟୁକ୍ରେନ୍ର କିଭ୍ ଅଞ୍ଚଳର ବୁଚା ଜିଲ୍ଲାର ମାଇଲା ଗାଁରେ ଶୁକ...
ଭାରତୀୟ ବଜାରରେ ମିଳୁଥିବା ଅନେକ ପ୍ରସିଦ୍ଧ ଗ୍ଲୋବାଲ୍ ବ୍ରା...
