ଭଦ୍ରକ ଜିଲ୍ଲାର ବାସୁଦେବପୁର ବ୍ଲକର ବିଭିନ୍ନ ଅଞ୍ଚଳରେ ମାସକ ମଧ୍ୟରେ ୪ ଥର ବନ୍ୟା ଆସିବା ଫଳରେ ସାଧାରଣ ଜୀବନ ଗୁରୁତର ଭାବେ ପ୍ରଭାବିତ ହୋଇଛି। ଲଘୁଚାପଜନିତ ବାରମ୍ବାର ବର୍ଷା ଏବଂ ପରବର୍ତ୍ତୀ ବନ୍ୟା ଯୋଗୁଁ ବ୍ୟାପକ ଚାଷଜମି ନଷ୍ଟ ହୋଇଥିବା ବେଳେ ଅନେକ ପରିବାର ଘର ଛାଡ଼ି ସୁରକ୍ଷିତ ଓ ଉଚ୍ଚସ୍ଥାନକୁ ଚାଲିଯାଇଥିଲେ।
ବର୍ତ୍ତମାନ ବନ୍ୟାଜଳ କିଛି ମାତ୍ରାରେ କମିଛି। ହେଲେ ଅନେକ ଘରେ ଏବେ ବି ପାଣି ଓ କାଦୁଅ ଭରି ରହିଛି। ଘର ଭିତରେ ଶୁଖିଲା ସ୍ଥାନ ନଥିବାରୁ ପରିବାରଗୁଡ଼ିକ ଅତ୍ୟନ୍ତ କଷ୍ଟରେ ଦିନ କାଟୁଛନ୍ତି।
କେତେକ ପରିବାର ଘର ଭିତରେ ଉଚ୍ଚା କରି ତିଆରି କରାଯାଇଥିବା ଅସ୍ଥାୟୀ ମଞ୍ଚ ଉପରେ ରୋଷେଇ କରୁଛନ୍ତି। ପିଲାମାନଙ୍କ ସହ ଅନେକେ ଖଟ ଉପରେ ଦିନ କାଟୁଥିବା ବେଳେ କେତେକ ଅଞ୍ଚଳରେ ଯାତାୟାତ ପାଇଁ ଏବେ ବି ବାଉଁଶ ଭେଳାର ସାହାଯ୍ୟ ନେଉଛନ୍ତି।
ଏପଟେ ଜଗନ୍ନାଥପ୍ରସାଦ ପଞ୍ଚାୟତ ଅଧୀନ ଦାଧିବାମନପୁର ଗାଁରେ ବନ୍ୟାଜଳ ସହ କୁମ୍ଭୀର ଓ ସାପ ଭୟ ଲୋକଙ୍କ ଚିନ୍ତାକୁ ଆହୁରି ବଢ଼ାଇଛି। ସୁରକ୍ଷା ପାଇଁ କେତେକ ବନ୍ୟା ପ୍ରଭାବିତ ପରିବାର ଘର ସମ୍ମୁଖରେ ଜାଲ ଲଗାଇଛନ୍ତି।
ବନ୍ୟାର ପ୍ରକୋପ କମିଥିଲେ ମଧ୍ୟ ପ୍ରଭାବିତ ପରିବାରଙ୍କ ଦୁର୍ଦ୍ଦଶା ଦୂର ହୋଇନାହିଁ। ଏବେ ସେମାନେ ପ୍ରଶାସନର ସହାୟତା ଓ ରିଲିଫ୍କୁ ଅପେକ୍ଷା କରିଛନ୍ତି।
କାନାଡାର ଏଡମଣ୍ଟନ୍‌ସ୍ଥିତ ଏକ ଶିଖ୍ ଗୁରୁଦ୍ୱାରରେ ଭୋ...
ସ୍ୱିଡେନ୍‌ର ମଧ୍ୟଭାଗରେ ଥିବା ଫାଗେର୍ଷ୍ଟା ସହରର ଏକ...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ୟୁକ୍ରେନ୍‌ର କ୍ରିଭି ରିହ୍ ସହରରେ ରୁଷିଆର ଡ୍ରୋନ୍ ଆକ...
ଆଲାର୍ମ ବାଜିବା ପୂର୍ବରୁ ସ୍ୱାଭାବିକ ଭାବେ ଉଠିବା ଅନେକଙ୍କ...
