ମୟୂରଭଞ୍ଜ ଜିଲ୍ଲାର ଉଦଳା ଅଞ୍ଚଳରେ ସୋମବାର ରାତିଠାରୁ ଜାରି ରହିଥିବା ଲଗାଣ ବର୍ଷା ଯୋଗୁଁ ଗୁରୁତର ବନ୍ୟା ପରିସ୍ଥିତି ସୃଷ୍ଟି ହୋଇଛି। ଅବିରତ ବର୍ଷା ଫଳରେ ଘରବାଡ଼ି, ଚାଷଜମି ଓ ସରକାରୀ ପ୍ରତିଷ୍ଠାନ ଜଳମଗ୍ନ ହୋଇପଡ଼ିଛି।
ଉଦଳା-ବାଲେଶ୍ୱର ରାସ୍ତା ନିକଟସ୍ଥ ବାଉଶପାଳ ଗାଁରେ ବନ୍ୟା ଜଳ ଅନେକ ଘର ଭିତରକୁ ପ୍ରବେଶ କରିଛି। ଗାଁର ତିନୋଟି ଘର, ଏକ ଅଙ୍ଗନୱାଡ଼ି କେନ୍ଦ୍ର ଏବଂ ସୁଭଦ୍ରା ଶକ୍ତି ଗୃହ ଜଳମଗ୍ନ ହୋଇଛି।
ଅନ୍ୟପକ୍ଷରେ, ବାଲେଶ୍ୱର ଜିଲ୍ଲାର ଜୟପୁର ଗାଁରେ ଦୁଇଟି ଘର ସମ୍ପୂର୍ଣ୍ଣ ଭାବେ ବନ୍ୟା ଜଳରେ ବୁଡ଼ିଯାଇଥିବାରୁ ସେଠାକାର ବାସିନ୍ଦାମାନଙ୍କୁ ସୁରକ୍ଷିତ ସ୍ଥାନକୁ ଉଦ୍ଧାର କରାଯାଇଛି।
ଲଗାଣ ବର୍ଷା ଯୋଗୁଁ ଏହି ଅଞ୍ଚଳର ଏକର ଏକର ଚାଷଜମି କ୍ଷତିଗ୍ରସ୍ତ ହୋଇଛି। ଉଦଳା, କପ୍ତିପଦା ଓ ଗୋପବନ୍ଧୁ ନଗର ବ୍ଲକର ବହୁ ଘର ଚାରିପଟେ ବନ୍ୟା ଜଳ ଘେରି ରହିଛି।
ବର୍ଷା ଜାରି ରହିଥିବାରୁ ପରିସ୍ଥିତି ଆଗାମୀ ଦିନରେ ଆହୁରି ଗମ୍ଭୀର ହୋଇପାରେ ବୋଲି ଆଶଙ୍କା କରାଯାଉଛି। ସ୍ଥାନୀୟ ପ୍ରଶାସନ ପରିସ୍ଥିତି ଉପରେ କଡ଼ା ନଜର ରଖିଥିବା ବେଳେ ନିମ୍ନାଞ୍ଚଳରେ ବସବାସ କରୁଥିବା ଲୋକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି।
ଅଭିନେତାରୁ ରାଜନେତା ଏବଂ ପରେ ତାମିଲନାଡୁର ମୁଖ୍ୟମନ୍ତ୍ରୀ...
‘କଚ୍ଚା ବାଦାମ’ ରିଲ୍‌ ଜରିଆରେ ଲୋକପ୍ର...
‘Hanuman Ansh’ବକ୍ସ ଅଫିସ୍ରେ ଲଗାତାର ଚମକ...
ଭଦ୍ରକ ଜିଲ୍ଲା ଚାନ୍ଦବାଲି ଥାନା ଅଧୀନ ପାଇକିରାପୁର ଗାଁରେ...
ଶୁକ୍ରବାର ଭାରତୀୟ ଶେୟର ବଜାରସାମାନ୍ୟ ବୃଦ୍ଧି ସହ ଖୋଲିଛି।...
ଗୁରୁବାର ଭାରତୀୟ ଶେୟର ବଜାରରେ ମିଶ୍ରିତ କାରବାର ଦେଖିବାକୁ...
ନ୍ୟାସନାଲ୍ ଆୱାର୍ଡ ବିଜେତା ଫିଲ୍ମ ନିର୍ଦ୍ଦେଶକ ତଥା **Fil...
UPI ବ୍ୟବହାର କରୁଥିବା ଗ୍ରାହକଙ୍କ ପାଇଁ ବଡ଼ ଖବର।ଅକ୍ଟୋବର...
ଶୁକ୍ରବାର Tata Groupର ଅଧିକାଂଶ ଷ୍ଟକ୍‌ରେ ହଠାତ୍&z...
