କେନ୍ଦୁଝର:କେନ୍ଦୁଝର ଜିଲ୍ଲାର ଚମ୍ପୁଆ ବନାଞ୍ଚଳରେ ପୁଣି ହାତୀ ଆତଙ୍କ ଦେଖିବାକୁ ମିଳିଛି। ଏକ ଦନ୍ତା ହାତୀ ପଡୁଆଗାଁ ଗାଁରେ ପଶି ଘରବାଡ଼ି ଭାଙ୍ଗିବା ସହ ଫସଲ ନଷ୍ଟ କରିଥିବା ଅଭିଯୋଗ ହୋଇଛି।
ସୂଚନା ଅନୁସାରେ, ଗତ କିଛି ଦିନ ହେବ ଏହି ଅଞ୍ଚଳରେ ହାତୀ ପଲଙ୍କ ଉପଦ୍ରବ ବଢ଼ିଥିବା ବେଳେ ଗୁରୁବାର ରାତିରେ ଏକ ଦନ୍ତା ହାତୀ ପଡୁଆଗାଁର ସୋମବାରୀ ମୁଣ୍ଡାଙ୍କ ଘରେ ପଶି ବ୍ୟାପକ କ୍ଷତି କରିଥିଲା।
ହାତୀଟି ଘରର କାନ୍ଥ ଭାଙ୍ଗି ଭିତରକୁ ପଶି ସଞ୍ଚିତ ଧାନ ଓ ଚାଉଳ ଖାଇଦେଇଥିଲା। ସେହି ସମୟରେ ପରିବାର ସଦସ୍ୟମାନେ ଘର ଭିତରେ ଶୋଇଥିଲେ। ସୌଭାଗ୍ୟବଶତଃ ସମସ୍ତେ ସୁରକ୍ଷିତ ଭାବେ ବାହାରକୁ ପଳାଇ ଆସିବାରୁ ବଡ଼ ଅଘଟଣ ଟଳିଯାଇଥିଲା।
ଘର ଭାଙ୍ଗିବା ପରେ ଦନ୍ତା ହାତୀ ନିକଟସ୍ଥ ଚାଷଜମିରେ ପଶି ବିଭିନ୍ନ ପନିପରିବା ଫସଲ ନଷ୍ଟ କରିଦେଇଥିଲା। ଚାଷୀମାନେ ଆଖିଆଗରେ ନିଜର କଷ୍ଟର ଫସଲ ନଷ୍ଟ ହେଉଥିବା ଦେଖି ନିରୁପାୟ ହୋଇପଡ଼ିଥିଲେ।
ପରେ ଗ୍ରାମବାସୀମାନେ ଏକାଠି ହୋଇ ଢୋଲ ବଜାଇବା, ପାଟି କରିବା ଓ ଉଚ୍ଚ ସ୍ୱରରେ ଚିତ୍କାର କରି ହାତୀକୁ ଘଉଡ଼ାଇଥିଲେ। ଶେଷରେ ହାତୀଟି ନିକଟସ୍ଥ ଝାଲିଆବେଡ଼ା ଜଙ୍ଗଲକୁ ଫେରିଯାଇଥିଲା।
ଗାଁରେ ବାରମ୍ବାର ହାତୀ ଉପଦ୍ରବ ଘଟୁଥିବାରୁ ଲୋକମାନେ ଭୟଭୀତ ଅଛନ୍ତି। ଗ୍ରାମବାସୀମାନେ ବନ ବିଭାଗକୁ ତୁରନ୍ତ ପଦକ୍ଷେପ ନେବା ସହ ହାତୀମାନଙ୍କୁ ଗାଁକୁ ପ୍ରବେଶରୁ ରୋକିବା ପାଇଁ ସ୍ଥାୟୀ ବ୍ୟବସ୍ଥା କରିବାକୁ ଦାବି କରିଛନ୍ତି।
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
