କେନ୍ଦ୍ର ସରକାର‘ଭିଜନ୍ ଡକ୍ୟୁମେଣ୍ଟ ଅନ୍ ନାର୍କୋଟିକ୍ସ କଣ୍ଟ୍ରୋଲ୍ (୨୦୨୬–୨୦୨୯)’ଅନ୍ତର୍ଗତ ଉଚ୍ଚଶିକ୍ଷା ଅନୁଷ୍ଠାନଗୁଡ଼ିକରେ‘ଡ୍ରଗ୍-ଫ୍ରି କ୍ୟାମ୍ପସ’ସୃଷ୍ଟି ପାଇଁ ନୂଆ ପଦକ୍ଷେପ ପ୍ରସ୍ତାବ କରିଛି।

ଗୃହ ରାଜ୍ୟମନ୍ତ୍ରୀନିତ୍ୟାନନ୍ଦ ରାୟସଂସଦରେ ସୂଚନା ଦେଇ କହିଛନ୍ତି ଯେ, ଏହି ଯୋଜନା ଅନୁଯାୟୀ କେନ୍ଦ୍ରୀୟ ଅନୁଦାନପ୍ରାପ୍ତ ଉଚ୍ଚଶିକ୍ଷା ଅନୁଷ୍ଠାନ (CFHEIs) ଚାରିପାଖରେ୫୦୦ ମିଟର ପରିସରକୁ ଡ୍ରଗ୍-ମୁକ୍ତ ଅଞ୍ଚଳଭାବେ ଗଢ଼ି ତୋଳାଯିବ।

ଏହା ସହିତ ଛାତ୍ରଛାତ୍ରୀଙ୍କ ସ୍ୱାସ୍ଥ୍ୟ ଓ ସୁସ୍ଥତା କାର୍ଯ୍ୟକ୍ରମର ଅଂଶ ଭାବେସେମାନଙ୍କ ସମ୍ମତିରେ ଡ୍ରଗ୍ ସ୍କ୍ରିନିଂ ପରୀକ୍ଷାକରାଯିବାକୁ ମଧ୍ୟ ପ୍ରସ୍ତାବ ରହିଛି।

ଏହି ତିନି ବର୍ଷିଆ କାର୍ଯ୍ୟଯୋଜନାରେ କେବଳ ଡ୍ରଗ୍ ଚିହ୍ନଟ ନୁହେଁ, ବରଂସଚେତନତା କାର୍ଯ୍ୟକ୍ରମ, ମାଦକ ବିରୋଧୀ ଶିକ୍ଷା, ପରାମର୍ଶ ସେବା ଓ ସମାଜର ସକ୍ରିୟ ଅଂଶଗ୍ରହଣଉପରେ ମଧ୍ୟ ବିଶେଷ ଗୁରୁତ୍ୱ ଦିଆଯାଇଛି।

ଗତ ଅଗଷ୍ଟ ୨ରେ ପ୍ରଧାନମନ୍ତ୍ରୀନରେନ୍ଦ୍ର ମୋଦୀ‘ନଶା ମୁକ୍ତ ଯୁବା ଫର୍ ବିକଶିତ ଭାରତ ସଙ୍କଳ୍ପ ଅଭିଯାନ’ର ଶୁଭାରମ୍ଭ କରି ଯୁବପିଢ଼ୀଙ୍କୁ ଦେଶର ‘ଅମୃତ ପିଢ଼ି’ ବୋଲି ବର୍ଣ୍ଣନା କରିଥିଲେ। ସେ କହିଥିଲେ ଯେ,୨୦୪୭ ସୁଦ୍ଧା ବିକଶିତ ଭାରତ ଗଠନ ପାଇଁ ଯୁବପିଢ଼ୀଙ୍କୁ ନିଶା ଓ ମାଦକ ଦ୍ରବ୍ୟଠାରୁ ଦୂରେ ରହିବା ଅତ୍ୟାବଶ୍ୟକ।

ପ୍ରଧାନମନ୍ତ୍ରୀ କହିଥିଲେ ଯେ, ଦେଶକୁ ସୁସ୍ଥ, ଆତ୍ମବିଶ୍ୱାସୀ ଓ ମାନସିକ ଭାବେ ଶକ୍ତିଶାଳୀ ଯୁବପିଢ଼ୀ ଆବଶ୍ୟକ। ସେଥିପାଇଁ ମାଦକମୁକ୍ତ ସମାଜ ଗଢ଼ିବାରେ ଏହି ଅଭିଯାନ ଗୁରୁତ୍ୱପୂର୍ଣ୍ଣ ବୋଲି ସେ ଉଲ୍ଲେଖ କରିଥିଲେ।