ଉତ୍ତରପ୍ରଦେଶର ଗାଜିଆବାଦ ଜିଲ୍ଲାର ନନ୍ଦଗ୍ରାମ ପୁଲିସ ଥାନା ଅଞ୍ଚଳ ଅନ୍ତର୍ଗତ ମିରଟ ରୋଡରେ ଏକ ଡିପିଏସ ସ୍କୁଲ ବସ୍ରେ ଶନିବାର ସକାଳେ ଭୟଙ୍କର ଅଗ୍ନିକାଣ୍ଡ ଘଟିଛି। ଘଟଣାରେ ବସ୍ଟି ସମ୍ପୂର୍ଣ୍ଣ ଜଳି ପାଉଁଶ ହୋଇଯାଇଥିବାବେଳେ କୌଣସି ଜୀବନହାନି ଘଟିନାହିଁ।
ସୂଚନା ଅନୁସାରେ, ଘଟଣା ସମୟରେ ବସ୍ରେ କୌଣସି ଛାତ୍ରଛାତ୍ରୀ ଉପସ୍ଥିତ ନଥିଲେ। ଫଳରେ ଏକ ବଡ଼ ଦୁର୍ଘଟଣା ଅଳ୍ପକେ ଟଳିଯାଇଛି।
ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ, ବସ୍ଟିରେ ହଠାତ୍ ନିଆଁ ଲାଗିଥିଲା ଏବଂ ଅଳ୍ପ ସମୟ ମଧ୍ୟରେ ନିଆଁ ସମଗ୍ର ବସ୍କୁ ବ୍ୟାପିଯାଇଥିଲା। ଘଟଣା ପରେ ସ୍ଥାନୀୟ ଲୋକେ ତୁରନ୍ତ ଅଗ୍ନିଶମ ବିଭାଗକୁ ସୂଚନା ଦେଇଥିଲେ।
ପୂର୍ବାହ୍ନ ପ୍ରାୟ ୯ଟା ୨୬ ମିନିଟ୍ ସମୟରେ ପୁଲିସ ଓ ଅଗ୍ନିଶମ ବିଭାଗ ଖବର ପାଇଥିଲେ। ଅଗ୍ନିଶମ କେନ୍ଦ୍ରରୁ ଦୁଇଟି ଦମକଳ ଗାଡ଼ି ଘଟଣାସ୍ଥଳକୁ ପଠାଯାଇଥିଲା। କିନ୍ତୁ ସେମାନେ ପହଞ୍ଚିବା ବେଳକୁ ବସ୍ଟି ସମ୍ପୂର୍ଣ୍ଣ ପୋଡ଼ିଯାଇଥିଲା।
ଅଗ୍ନିଶମ ବିଭାଗର ସୂଚନା ଅନୁଯାୟୀ, ବସ୍ରେ ସିଏନ୍ଜି କିଟ୍ ଲଗାଯାଇଥିଲା। ତେବେ କେଉଁ କାରଣରୁ ଅଗ୍ନିକାଣ୍ଡ ଘଟିଲା ସେନେଇ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ପୁଲିସ ଓ ଅଗ୍ନିଶମ ବିଭାଗ ଘଟଣାର ତଦନ୍ତ ଜାରି ରଖିଛନ୍ତି।
ମହାକାଶ ଅଭିଯାନରେ ମହାକାଶଚାରୀଙ୍କ ସ୍ୱାସ୍ଥ୍ୟ ସୁରକ୍ଷାକୁ...
ବାତ୍ୟା ଆର୍ଣ୍ଣବ ପରବର୍ତ୍ତୀ ବନ୍ୟା ଗଞ୍ଜାମ ଜିଲ୍ଲାର ଅନେକ...
ବିମାନ ଇନ୍ଧନ ମୂଲ୍ୟ ଉଚ୍ଚ ରହିବା ନେଇ ଚିନ୍ତା ଭାରତର ବ...
ମୁରାସୁ ବାତ୍ୟା ମୁକାବିଲା ପାଇଁ ଓଡ଼ିଶାର ପ୍ରସ୍ତୁତି ଜୋରଦ...
ବିଦେଶୀ ନିବେଶକଙ୍କ ପାଇଁ LTCG ଟ୍ୟାକ୍ସ ହଟାଇବାକୁ ପ୍ରସ୍ତ...
ରାମାୟଣର ପୌରାଣିକ ଦୁନିଆ ଏବେ ବଡ଼ ପରଦାରେ ନୂଆ ରୂପରେ ଦେଖ...
ସେୟାର ବଜାରରେ ଦୀର୍ଘମିଆଦୀ ନିବେଶକଙ୍କ ଉପରେ ଲାଗୁ ହେଉଥିବ...
ପ୍ରିୟ ଗାୟକଙ୍କ ଲାଇଭ୍ କନସର୍ଟ ଦେଖିବା ପାଇଁ ଅନେକ ପ୍ରଶଂସ...
