ହଲିଉଡ୍ ଅଭିନେତାଟମ୍ କ୍ରୁଜ୍ଙ୍କ ଆଗାମୀ ଫିଲ୍ମ **‘Digger’**କୁ ନେଇ ଚର୍ଚ୍ଚା ବଢ଼ିଛି। ଫିଲ୍ମର ଫାଇନାଲ୍ ଟ୍ରେଲର୍ ରିଲିଜ୍ ହୋଇଥିବା ବେଳେ ଏଥିରେ ଟମ୍ କ୍ରୁଜ୍ଙ୍କ ଚରିତ୍ରକୁ ଏକ ଅଜବ ଏବଂ ବିବାଦୀୟ ତୈଳ ବ୍ୟବସାୟୀ ଭାବେ ଦେଖାଯାଇଛି।

ଫିଲ୍ମରେ ଟମ୍ କ୍ରୁଜ୍ଡିଗର୍ ରକୱେଲ୍ଭୂମିକାରେ ଅଭିନୟ କରିଛନ୍ତି। ତାଙ୍କ ଡ୍ରିଲିଂ ଅପରେସନ୍ ସହ ଜଡ଼ିତ ଏକ ବଡ଼ ବିପର୍ଯ୍ୟୟ ପରେ ଭୟଙ୍କର ଧ୍ୱଂସ ଘଟେ। ଟ୍ରେଲରରେ ଏହି ବିପର୍ଯ୍ୟୟର ପରିଣାମରେ ସୁନାମି ଆସିବା ଏବଂ ଲକ୍ଷାଧିକ ଲୋକଙ୍କ ମୃତ୍ୟୁ ହେବାର ଭୟାବହ ଚିତ୍ର ଦେଖାଯାଇଛି।

ଏହି ଘଟଣା ପରେ ଡିଗର୍ ଜନସାଧାରଣଙ୍କ ରୋଷ ଏବଂ ରାଜନୈତିକ ଚାପର ସମ୍ମୁଖୀନ ହୁଅନ୍ତି। ତାଙ୍କୁ ବିପର୍ଯ୍ୟୟ ପାଇଁ ଦାୟୀ କରାଯାଇ ଭିଲେନ୍ ବୋଲି କୁହାଯାଏ। କିନ୍ତୁ ଡିଗର୍ ନିଜ ଉପରେ ଲାଗିଥିବା ଅଭିଯୋଗକୁ ମାନିବାକୁ ପ୍ରସ୍ତୁତ ନୁହନ୍ତି। ବରଂ ସେ ଭାବୁଛନ୍ତି ଯେ ଏହି ସଙ୍କଟରୁ ସମଗ୍ର ଦୁନିଆକୁ କେବଳ ସେ ହିଁ ବଞ୍ଚାଇପାରିବେ।

ଟ୍ରେଲରରେ“We trust Digger!”ଭଳି ଡାଏଲଗ୍ ମଧ୍ୟ ଶୁଣିବାକୁ ମିଳୁଛି। ବିପର୍ଯ୍ୟୟର ମାତ୍ରା ବଢ଼ିବା ସହ ଶକ୍ତିଶାଳୀ ଲୋକମାନେ ମଧ୍ୟ ଡିଗର୍ଙ୍କ ଉପରେ ଭରସା କରିବାକୁ ବାଧ୍ୟ ହେଉଥିବା ଟ୍ରେଲରରୁ ସଙ୍କେତ ମିଳିଛି।

**‘Digger’**କୁ ନିର୍ଦ୍ଦେଶନା ଦେଇଛନ୍ତିAlejandro G. Iñárritu। ଫିଲ୍ମରେ ଆକ୍ସନ୍, ଡାର୍କ ହ୍ୟୁମର୍ ଏବଂ ସାଟାୟାର୍ର ମିଶ୍ରଣ ଦେଖିବାକୁ ମିଳିବ। ଟମ୍ କ୍ରୁଜ୍ଙ୍କ ସହRiz Ahmed, John Goodman, Sandra Hüller, Michael StuhlbargଏବଂJesse Plemonsଗୁରୁତ୍ୱପୂର୍ଣ୍ଣ ଭୂମିକାରେ

ଅଛନ୍ତି। ଏହାଛଡ଼ାRobert John Burke, Emma D’Arcy, Burn GormanଏବଂSophie Wildeମଧ୍ୟ ଫିଲ୍ମରେ ଅଭିନୟ କରିଛନ୍ତି।

ଏହି ଫିଲ୍ମ ପାଇଁ ଇନାରିତୁ ପୁଣିଥରେ ଅନେକ ପୁରୁଣା ସହଯୋଗୀଙ୍କ ସହ କାମ କରିଛନ୍ତି। ସିନେମାଟୋଗ୍ରାଫିରେEmmanuel Lubezkiଏବଂ ଏଡିଟିଂରେStephen Mirrioneରହିଛନ୍ତି। ଫିଲ୍ମଟି ସମ୍ପୂର୍ଣ୍ଣ ଭାବେVistaVisionରେ ଶୁଟ୍ କରାଯାଇଛି।

ଭାରତରେ‘Digger’ ୨ ଅକ୍ଟୋବର ୨୦୨୬ରେ ସିନେମା ହଲ୍ ଏବଂ IMAXରେ ରିଲିଜ୍ହେବ। ଫିଲ୍ମଟିକୁ ଭାରତରେWarner Bros. Picturesବିତରଣ କରିବ।