ଅସୀମ ଭକ୍ତି ଏବଂ ମହାପ୍ରଭୁଙ୍କ ପ୍ରତି ଅଟୁଟ ବିଶ୍ୱାସର ଏକ ହୃଦୟସ୍ପର୍ଶୀ ଉଦାହରଣ ସାମ୍ନାକୁ ଆସିଛି ସ୍ନାନ ପୂର୍ଣ୍ଣିମା ଅବସରରେ। ବରଗଡ଼ ଜିଲ୍ଲାର ବରପାଲି ଅଞ୍ଚଳର ୨୩ ବର୍ଷୀୟ ଦିବ୍ୟାଙ୍ଗ ଭକ୍ତସୀମାଞ୍ଚଳ ଭୋଇହ୍ୱିଲଚେୟାରରେ ପୁରୀ ଆସି ମହାପ୍ରଭୁ ଶ୍ରୀଜଗନ୍ନାଥ, ବଳଭଦ୍ର ଓ ଦେବୀ ସୁଭଦ୍ରାଙ୍କ ଦେବସ୍ନାନ ନୀତି ଦର୍ଶନ କରିଛନ୍ତି।
ଜନ୍ମରୁ ଚାଲିବାରେ ଅସମର୍ଥ ଥିଲେ ମଧ୍ୟ ମହାପ୍ରଭୁଙ୍କ ଦର୍ଶନ କରିବାର ଇଚ୍ଛା ତାଙ୍କୁ ପୁରୀ ପର୍ଯ୍ୟନ୍ତ ନେଇଆସିଛି।
ସୀମାଞ୍ଚଳ କହିଛନ୍ତି,"ଗତକାଲି ହଠାତ୍ ପୁରୀ ଆସିବାକୁ ଯୋଜନା କଲୁ। ଆଜି ଦୂରରୁ ଦେବସ୍ନାନ ଦର୍ଶନ କରିପାରିଲି। ଏହି ଅନୁଭବକୁ ଶବ୍ଦରେ ପ୍ରକାଶ କରିହେବ ନାହିଁ। ମନ୍ଦିର ଭିତରକୁ ଯିବା ମୋ ପାଇଁ ସହଜ ନୁହେଁ। ସେଥିପାଇଁ ପ୍ରତିବର୍ଷ ସ୍ନାନ ପୂର୍ଣ୍ଣିମା କିମ୍ବା ବାହୁଡ଼ା ଯାତ୍ରା ସମୟରେ ପୁରୀ ଆସିବାକୁ ଚେଷ୍ଟା କରେ।"
ସେ କହିଛନ୍ତି, ହ୍ୱିଲଚେୟାରରେ ଏତେ ଦୂର ଯାତ୍ରା କରିବା ସହଜ ନୁହେଁ। କିନ୍ତୁ ତାଙ୍କ ବାପା ଓ ମା' ସବୁବେଳେ ସାଥିରେ ରହି ହ୍ୱିଲଚେୟାର ଠେଲି ତାଙ୍କୁ ସହଯୋଗ କରନ୍ତି।
"କାଳିଆଙ୍କୁ ଦେଖିବା ପରେ ମୋତେ କୌଣସି କଷ୍ଟ ଅନୁଭବ ହୁଏନି। ଏତେ ଭିଡ଼ ମଧ୍ୟ ମୋତେ ବାଧା ଲାଗେନି। ତାଙ୍କୁ ଦେଖିଲେ ମନ ପୂର୍ଣ୍ଣ ହୋଇଯାଏ। ଏତେ ପାଖରୁ ଦର୍ଶନ କରିପାରିବି ବୋଲି କେବେ ଭାବିନଥିଲି,"ବୋଲି ସେ କହିଛନ୍ତି।
ସୀମାଞ୍ଚଳ ଆହୁରି କହିଛନ୍ତି ଯେ, ସେ ଜନ୍ମରୁ ଏହି ଅବସ୍ଥାରେ ଅଛନ୍ତି। ଦୁଇ ଘଣ୍ଟାରୁ ଅଧିକ ସମୟ ଧରି ହ୍ୱିଲଚେୟାରରେ ବସି ରହିଥିଲେ ମଧ୍ୟ ତାଙ୍କର ସେଠାରୁ ଫେରିବାକୁ ଇଚ୍ଛା ହୋଇନଥିଲା।
"ମହାପ୍ରଭୁଙ୍କ ସହ ମୋର ଏକ ଆତ୍ମିକ ସମ୍ପର୍କ ରହିଛି। ତାଙ୍କୁ କେବଳ ଚାହିଁ ରହିବାକୁ ଇଚ୍ଛା ହୁଏ,"ବୋଲି ସେ ଭାବବିହ୍ୱଳ ହୋଇ କହିଛନ୍ତି।
ଉଲ୍ଲେଖଯୋଗ୍ୟ ଯେ, ସ୍ନାନ ପୂର୍ଣ୍ଣିମା ଅବସରରେ ଶ୍ରୀଜଗନ୍ନାଥ, ବଳଭଦ୍ର ଓ ସୁଭଦ୍ରାଙ୍କୁ ମନ୍ଦିରର ସୁନାକୂଅରୁ ଆଣାଯାଇଥିବା୧୦୮ କଳସ ପବିତ୍ର ଜଳରେସ୍ନାନ କରାଯାଇଥାଏ। ଏହି ପବିତ୍ର ନୀତି ସହ ଆରମ୍ଭ ହୁଏ ବିଶ୍ୱପ୍ରସିଦ୍ଧ ଶ୍ରୀଜଗନ୍ନାଥ ରଥଯାତ୍ରାର ଆନୁଷ୍ଠାନିକ ପର୍ବ।
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ନେପାଳର ଉତ୍ତର ଅଞ୍ଚଳରେ ଘଟିଥିବା ଭୟଙ୍କର ବନ୍ୟା ଓ ଭୂସ୍ଖଳ...
ମହାରାଷ୍ଟ୍ରର ପୁଣେ ଓ ପିମ୍ପ୍ରି-ଚିଞ୍ଚୱାଡ ଅଞ୍ଚଳରେ ରବିବା...
ନେପାଳରେ ଅଗଷ୍ଟ ୨୬ରେ ଘଟିଥିବା ଭୟଙ୍କର Bhotekoshi ବନ୍ୟା...
ଦିଲ୍ଲୀର ସତ୍ୟ ନିକେତନରେ ‘Hostel Daze’ ନା...
ତାମିଲନାଡୁର ଶାସକ ମେଣ୍ଟ ଏବେ ନିଜର ଏକ ସ୍ୱତନ୍ତ୍ର ରାଜନୈତ...
