ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ଅଞ୍ଚଳରୁ ଜଣେ ନାବାଳିକାଙ୍କ ମାନବ ତସକରି ଏବଂ ଯୌନ ଶୋଷଣ ଘଟଣା ସାମ୍ନାକୁ ଆସିଛି। ଚାକିରି ଯୋଗାଇଦେବା ନାମରେ ତାଙ୍କୁ ଝାନ୍ସିକୁ ନେଇ ବିକ୍ରି କରାଯାଇଥିବା ଅଭିଯୋଗ ହୋଇଛି।
ସୂଚନା ଅନୁଯାୟୀ, କଙ୍କଡାହାଡ଼ ଅଞ୍ଚଳର ଏହି ନାବାଳିକା ନିଜ ମାଆଙ୍କ ଚିକିତ୍ସା ପାଇଁ ଅର୍ଥ ସଂଗ୍ରହ କରିବା ଉଦ୍ଦେଶ୍ୟରେ ଜଣେ ପରିଚିତ ବ୍ୟକ୍ତିଙ୍କ ସହ ଭୁବନେଶ୍ୱରକୁ କାମ ଖୋଜିବାକୁ ଯାଇଥିଲେ। କିନ୍ତୁ ସହାୟତା କରିବା ନାମରେ ଅଭିଯୁକ୍ତ ତାଙ୍କୁ ଝାନ୍ସିକୁ ନେଇ ଯାଇ ପ୍ରାୟ ୧ ଲକ୍ଷ ଟଙ୍କାରେ ବିକ୍ରି କରିଦେଇଥିବା ପୀଡିତା ଅଭିଯୋଗ କରିଛନ୍ତି।
ପୀଡିତାଙ୍କ କହିବା ଅନୁଯାୟୀ, ଝାନ୍ସିରେ ତାଙ୍କୁ କିଛି ଦିନ ଧରି ଗୋଟିଏ ଘରରେ ବନ୍ଦୀ କରି ରଖାଯାଇଥିଲା। ପରେ ପୁଣି ତାଙ୍କୁ ଅନ୍ୟ ଜଣଙ୍କୁ ବିକ୍ରି କରାଯାଇଥିଲା। ଏହି ସମୟରେ ସେ ଲଗାତାର ନିର୍ଯାତନା ଓ ଶାରୀରିକ ଶୋଷଣର ସମ୍ମୁଖୀନ ହୋଇଥିଲେ।
ଦୀର୍ଘଦିନ ଧରି ନିର୍ଯାତନା ସହିବା ପରେ ସେ କୌଶଳକ୍ରମେ ସେଠାରୁ ପଳାଇ ଘରକୁ ଫେରିଥିଲେ। ଘରକୁ ଫେରିବା ପରେ ସେ କାମାକ୍ଷାନଗର ଥାନାରେ ଲିଖିତ ଅଭିଯୋଗ କରିଥିଲେ।
ଘଟଣାକୁ ଗୁରୁତ୍ୱର ସହ ନେଇ ପୁଲିସ୍ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଘଟଣାରେ ସଂପୃକ୍ତ ଦଲାଲ ଓ ଅନ୍ୟ ଅଭିଯୁକ୍ତମାନଙ୍କୁ ଧରିବା ପାଇଁ ଚଢ଼ାଉ ଜାରି ରହିଛି।
କାମାକ୍ଷାନଗର ଏସ୍ଡିପିଓ ଚିତ୍ତରଞ୍ଜନ ବେହେରା କହିଛନ୍ତି ଯେ, ଘଟଣାକୁ ନେଇ ମାମଲା ରୁଜୁ ହୋଇଛି ଏବଂ ଅଭିଯୁକ୍ତଙ୍କୁ ଶୀଘ୍ର ଗିରଫ କରିବା ପାଇଁ ପୁଲିସ୍ ଚେଷ୍ଟା ଜାରି ରଖିଛି।
ସମ୍ପ୍ରତି ଘୋଷିତ ଡିଏ (Dearness Allowance) ବୃଦ୍ଧି ପରେ...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ସ୍ଥିତିରେ ହେଉଥି...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ସ୍ଥିତିରେ ଘଟୁ...
ଆପଣ ଯଦି ୧୦ ଲକ୍ଷ ଟଙ୍କାରୁ ଅଧିକ ଦାମର କାର କିଣିଛନ୍ତି, ତ...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ଗତିବିଧିରେ ହେଉଥ...
ପଶ୍ଚିମବଙ୍ଗ ଆଜି ଏକ ନୂଆ ରାଜନୈତିକ ଯୁଗରେ ପ୍ରବେଶ କରିଛି।...
ଦେଶରେ ପୁନର୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି। ପେ...
ଡିଜିଟାଲ୍ ପେମେଣ୍ଟ୍ କମ୍ପାନୀ ପେଟିଏମ୍ର ଶେୟର ଦର ଆଜି ଶେୟ...
ଉତ୍ତର ପ୍ରଦେଶ ବିଧାନସଭା ପରିସରରେ ସମାଜବାଦୀ ପାର୍ଟି (SP)...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍...
