ନୂଆଦିଲ୍ଲୀର ଓଖଲା ଫେଜ୍-୧ ଅଞ୍ଚଳରେ ବୁଧବାର ପୂର୍ବାହ୍ନରେ ଘଟିଛି ଏକ ଭୟଙ୍କର ଦୁର୍ଘଟଣା। ଏକ କମ୍ୟୁନିଟି ହଲ୍ ନିକଟରେ ଅକ୍ସିଜେନ୍ ସିଲିଣ୍ଡର ବିସ୍ଫୋରଣ ହେବାରୁ ଜଣେ ବ୍ୟକ୍ତିଙ୍କ ଜୀବନ ଯାଇଛି। ଏହି ଘଟଣାରେ ଆଉ ୪ ଜଣ ଗୁରୁତର ଆହତ ହୋଇଛନ୍ତି।
ପ୍ରାଥମିକ ତଦନ୍ତ ଅନୁସାରେ, ଓଖଲା ଫେଜ୍-୧ର ଡି-୨୩ ପରିସରକୁ‘ଏସ୍ଏମ୍ ଟ୍ରେଡର୍ସ’ନାମକ ଏକ ଫାର୍ମ ଗୋଦାମ ଭାବେ ବ୍ୟବହାର କରୁଥିଲା। ସକାଳେ ନିୟମିତ ଯୋଗାଣ ପ୍ରକ୍ରିୟାରେ ଅକ୍ସିଜେନ୍ ସିଲିଣ୍ଡର ବୋଝେଇ ଏକ ଗାଡ଼ି ଗୋଦାମ ପରିସରରେ ପହଞ୍ଚିଥିଲା।
କର୍ମଚାରୀମାନେ ଗାଡ଼ିରୁ ସିଲିଣ୍ଡରଗୁଡ଼ିକୁ ଅନଲୋଡ୍ କରି ଗୋଦାମକୁ ନେଉଥିବା ସମୟରେ ହଠାତ୍ ଗୋଟିଏ ସିଲିଣ୍ଡର ଗାଡ଼ିରୁ ଖସି ରାସ୍ତାରେ ପଡ଼ିଥିଲା। ଏହାପରେ ବିକଟ ଶବ୍ଦ ସହ ସିଲିଣ୍ଡରଟି ବିସ୍ଫୋରଣ ହୋଇଥିବା ପ୍ରାଥମିକ ଯାଞ୍ଚରୁ ଜଣାପଡ଼ିଛି।
ଦିନ ପ୍ରାୟ୧୧ଟା ୫୫ ମିନିଟ୍ରେ ଘଟଣା ସମ୍ପର୍କରେ ଖବର ପାଇବା ପରେ ଅଗ୍ନିଶମ ବାହିନୀ, ପୁଲିସ ଓ ଉଦ୍ଧାରକାରୀ ଦଳ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ତିନୋଟି ଜଳ ଟେଣ୍ଡର ଏବଂ ମଲ୍ଟି-କାଜୁଆଲିଟି ଯାନ ମଧ୍ୟ ପଠାଯାଇଥିଲା।
ଆହତମାନଙ୍କୁ କ୍ୟାଟ୍ସ ଆମ୍ବୁଲାନ୍ସ ଯୋଗେ ତୁରନ୍ତ ନିକଟସ୍ଥAIIMS ଟ୍ରମା ସେଣ୍ଟରକୁ ନିଆଯାଇଥିଲା।
ଏହି ଦୁର୍ଘଟଣାରେ ମୃତ ବ୍ୟକ୍ତିଙ୍କ ପରିଚୟମୋହିତ ସିଂହ (୩୫)ଭାବେ ହୋଇଛି। ସେ ଜୟପୁରର ବାସିନ୍ଦା ଏବଂ ଗତ ୩ ବର୍ଷ ଧରି ଏସ୍ଏମ୍ ଟ୍ରେଡର୍ସରେ କାମ କରୁଥିଲେ।
ପୁଲିସର ପ୍ରାଥମିକ ଯାଞ୍ଚ ଅନୁସାରେ, କେବଳ ଗୋଟିଏ ସିଲିଣ୍ଡରରେ ବିସ୍ଫୋରଣ ଘଟିଥିବା ଜଣାପଡ଼ିଛି। ତେବେ ବିସ୍ଫୋରଣର ପ୍ରକୃତ କାରଣ କ’ଣ ଏବଂ ଅକ୍ସିଜେନ୍ ସିଲିଣ୍ଡର ପରିଚାଳନା ସମୟରେ କୌଣସି ସୁରକ୍ଷା ନିୟମ ଉଲ୍ଲଂଘନ କିମ୍ବା ଅବହେଳା ହୋଇଥିଲା କି ନାହିଁ, ସେନେଇ ପୁଲିସ ତଦନ୍ତ ଜାରି ରଖିଛି।
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ବିଶ୍ୱର ସର୍ବାଧିକ ଦରମା ପାଉଥିବା ସରକାରୀ ନେତାମାନଙ୍କ ମଧ୍...
ଓଡ଼ିଶାରେ ଲଘୁଚାପ ପ୍ରଭାବରେ ବର୍ଷାର ପ୍ରକୋପ ଜାରି ରହିଛି।...
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମୁମ୍ବାଇ ଗସ୍ତ ପୂର୍ବର...
ଆମେରିକା ଓ ଚୀନ୍‌ ମଧ୍ୟରେ କୃତ୍ରିମ ବୁଦ୍ଧିମତ୍ତା (A...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ବୁଲଗେରିଆର ଭବିଷ୍ୟଦ୍ରଷ୍ଟା ବାବା ଭେଙ୍ଗାଙ୍କ ନାମରେ ୨୦୨୭କ...
ଓଡ଼ିଶାର ବିଭିନ୍ନ ଅଞ୍ଚଳରୁ ନାବାଳିକାଙ୍କୁ ନେଇ ୩ଟି ଦୁଷ୍କ...
ବଲୁଚିସ୍ତାନରେ ପାକିସ୍ତାନୀ ସେନା ଓ ବଲୋଚ ବିଦ୍ରୋହୀଙ୍କ ମଧ...
ସୁନ୍ଦରଗଡ଼ ଜିଲ୍ଲା ବଣାଇରେ ଶନିବାର ସକାଳେ ପାଣିପାଗର ଏକ ଅ...
ବାଲେଶ୍ୱର ଜିଲ୍ଲାରେ ସାମାଜିକ ସୁରକ୍ଷା ଭତ୍ତା ପାଣ୍ଠି ହେର...
ଗୁଜରାଟର ଜାମନଗରସ୍ଥିତ ଇଣ୍ଡିଆନ୍ ବ୍ୟାଙ୍କର ରଣଜିତସାଗର ରୋ...
