ଜାତୀୟ ରାଜଧାନୀ ଦିଲ୍ଲୀର ହାଉଜଖାସ ଭିଲେଜ ସ୍ଥିତ ଜଗନ୍ନାଥ ମନ୍ଦିରରେ ଚଳିତ ବର୍ଷର୪୮ତମ ରଥଯାତ୍ରାଅତ୍ୟନ୍ତ ଭବ୍ୟ ଓ ଆଧ୍ୟାତ୍ମିକ ପରିବେଶ ମଧ୍ୟରେ ପାଳିତ ହୋଇଛି। ଏହି ଅବସରରେ ଓଡ଼ିଆ ଓ ଅଣଓଡ଼ିଆ ମିଶି ପ୍ରାୟଦେଢ଼ ଲକ୍ଷରୁ ଅଧିକ ଭକ୍ତରଥଯାତ୍ରାରେ ସାମିଲ ହୋଇ ମହାପ୍ରଭୁଙ୍କ ଦର୍ଶନ ଲାଭ କରିଥିଲେ।
ଭୋରରୁ ମଙ୍ଗଳ ଆଳତି, ସ୍ୱତନ୍ତ୍ର ନୀତିକାନ୍ତି ଏବଂ ଦ୍ୱିପହରରେ ଚତୁର୍ଦ୍ଧାମୂର୍ତ୍ତିଙ୍କପହଣ୍ଡି ବିଜେସମ୍ପନ୍ନ ହୋଇଥିଲା। ଶଙ୍ଖ, ଘଣ୍ଟ, ମୃଦଙ୍ଗ ଓ'ଜୟ ଜଗନ୍ନାଥ'ଧ୍ୱନିରେ ସମଗ୍ର ହାଉଜଖାସ ଅଞ୍ଚଳ ଭକ୍ତିମୟ ପରିବେଶରେ ମୁଖରିତ ହୋଇଉଠିଥିଲା।
ଶ୍ରୀ ନୀଳାଚଳ ସେବା ସଂଘର ସମ୍ପାଦକରବୀନ୍ଦ୍ରନାଥ ପ୍ରଧାନଙ୍କ ତତ୍ତ୍ୱାବଧାନରେ ରଥଯାତ୍ରା ପାଇଁ ସୁଚାରୁ ଭିଡ଼ ନିୟନ୍ତ୍ରଣ ଓ ସୁରକ୍ଷା ବ୍ୟବସ୍ଥା କରାଯାଇଥିଲା।
ଏହି ଭବ୍ୟ ଆୟୋଜନରେ ଦିଲ୍ଲୀରଉପରାଜ୍ୟପାଳ ତରଣଜିତ୍ ସିଂହ ସାନ୍ଧୁମୁଖ୍ୟ ଅତିଥି ଭାବେ ଯୋଗଦେଇ ପାରମ୍ପରିକ'ଛେରାପହଁରା'ନୀତି ସମ୍ପନ୍ନ କରିଥିଲେ। ଏହା ସହ ସାଂସଦ ବାଂଶୁରୀ ସ୍ୱରାଜ, ବିଧାୟକ ସତୀଶ ଉପାଧ୍ୟାୟ, ଅନୀଲ ଶର୍ମା, ପୂର୍ବତନ ବିଧାୟକ ସୋମନାଥ ଭାରତୀ, ମୃଦୁଳା ପ୍ରଧାନ ଓ ବରିଷ୍ଠ ସାମ୍ବାଦିକ ଅର୍ଦ୍ଧେନ୍ଦୁ କୁମାର ଦାସ ପ୍ରମୁଖ ଉପସ୍ଥିତ ଥିଲେ।
ଅପରାହ୍ନ୨.୩୦ଟାରେ୧୮ ଫୁଟ ଉଚ୍ଚତା ବିଶିଷ୍ଟ ସୁସଜ୍ଜିତ ରଥ ହାଉଜଖାସରୁ ଆନସାରୀ ନଗର ଅଭିମୁଖେ ବାହାରିଥିଲା। ରଥଯାତ୍ରା ପଥର ଉଭୟ ପାର୍ଶ୍ୱରେ ଭକ୍ତମାନେ ପୁଷ୍ପବର୍ଷା, ନଡ଼ିଆ ଭାଙ୍ଗିବା ଏବଂ ଭଜନ-କୀର୍ତ୍ତନ ମାଧ୍ୟମରେ ମହାପ୍ରଭୁଙ୍କୁ ସ୍ୱାଗତ କରିଥିଲେ।
ସନ୍ଧ୍ୟା ସୁଦ୍ଧା ରଥ ମନ୍ଦିରକୁ ଫେରି ଆସିଥିଲା। ପରେ ରାତିରେ ମହାପ୍ରଭୁଙ୍କୁ ମନ୍ଦିର ବେସମେଣ୍ଟରେ ଥିବାଆଡ଼ପ ମଣ୍ଡପକୁ ବିଜେ କରାଯାଇଥିଲା। ଆସନ୍ତା୨୪ ତାରିଖରେ ବାହୁଡ଼ା ଯାତ୍ରାପର୍ଯ୍ୟନ୍ତ ଭକ୍ତମାନେ ସେଠାରେ ମହାପ୍ରଭୁଙ୍କ ଦର୍ଶନ କରିପାରିବେ।
ଏହି ସଫଳ ଆୟୋଜନ ପଛରେ ଶ୍ରୀ ନୀଳାଚଳ ସେବା ସଂଘର ସଭାପତିବିଘ୍ନେଶ୍ୱର ରାଉତ, ସମ୍ପାଦକରବୀନ୍ଦ୍ରନାଥ ପ୍ରଧାନ, ମନ୍ଦିର ପରିଚାଳକରଶ୍ମିରଞ୍ଜନ ବେହେରା, ପୂଜକ ବୃନ୍ଦ ଓ ଅନ୍ୟାନ୍ୟ ସ୍ୱେଚ୍ଛାସେବୀଙ୍କ ଅବଦାନ ପ୍ରଶଂସନୀୟ ଥିଲା। ରଥଯାତ୍ରାର ସିଧା ପ୍ରସାରଣ ଭଗିରଥ ଝା ଓ ଲକ୍ଷ୍ମୀ ନାରାୟଣ ବେବର୍ତ୍ତାଙ୍କ ଦ୍ୱାରା ପରିଚାଳିତ ହୋଇଥିଲା।
ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସକ୍ରିୟ ହୋଇଥିବାରୁ ଓଡ...
ଭାରତୀୟ କ୍ରିକେଟ୍ ଦଳର ପୂର୍ବତନ ସହକାରୀ କୋଚ୍ଅଭିଷେକ ନାୟର...
ପରିଷ୍କାର ଏବଂ ନବୀକରଣଯୋଗ୍ୟ ଶକ୍ତି କ୍ଷେତ୍ରରେ ନିଜର ଉପସ୍...
ଚେନ୍ନାଇ ସୁପର କିଙ୍ଗ୍ସ (CSK)ର ମୁଖ୍ୟ କୋଚ୍ ଷ୍ଟିଫେନ୍ ଫ୍...
ଓଡ଼ିଶାର ଗ୍ରାମୀଣ ଭିତ୍ତିଭୂମି ବିକାଶ କ୍ଷେତ୍ରରେ ଏକ ବଡ଼...
ଭାରତୀୟ କ୍ରିକେଟର ଉଦୀୟମାନ ତାରକାବୈଭବ ସୂର୍ଯ୍ୟବଂଶୀଙ୍କ ଆ...
ଓଡ଼ିଶାରେ ଲଗାଣ ବର୍ଷା ଓ ବଙ୍ଗୋପସାଗରରେ ସୃଷ୍ଟି ହୋଇଥିବା...
ଲଘୁଚାପ ପ୍ରଭାବରେ ଲାଗିରହିଥିବା ବର୍ଷା ପୁରୀ ସହରର ଜନଜୀ...
ଭାରତୀୟ କ୍ରିକେଟ୍ ଦଳର ଅଭିଜ୍ଞ ଅଲରାଉଣ୍ଡର ରବୀନ୍ଦ୍ର ଜାଡେ...
ଉତ୍ତର-ପଶ୍ଚିମ ବଙ୍ଗୋପସାଗର ଓ ସଂଲଗ୍ନ ଉତ୍ତର ଓଡ଼ିଶା-ପଶ୍ଚ...
ଓଡ଼ିଶାର ଲକ୍ଷାଧିକ କେନ୍ଦୁପତ୍ର ଶ୍ରମିକଙ୍କ ପାଇଁ ଖୁସି ଖବ...
ଓଡ଼ିଶାର ରେଳ ଯୋଗାଯୋଗ ଏବଂ ଶିଳ୍ପ ଭିତ୍ତିଭୂମିକୁ ସୁଦୃଢ଼...
