ଭୁବନେଶ୍ୱର:ବଙ୍ଗୋପସାଗରରେ ସୃଷ୍ଟ ଗଭୀର ଅବପାତ ଶେଷରେ ଉପକୂଳ ଅତିକ୍ରମ କରିଛି। ଭାରତୀୟ ପାଣିପାଗ ବିଭାଗର ସୂଚନା ଅନୁସାରେ, ଏହି ସିଷ୍ଟମ୍ ବୁଧବାର ରାତି ପ୍ରାୟ୧୧ଟା ୩୦ରେ କଳିଙ୍ଗପଟ୍ଟଣମ ନିକଟରେ, ବିଶାଖାପଟ୍ଟଣମ ଓ ଗୋପାଳପୁର ମଧ୍ୟରେଲ୍ୟାଣ୍ଡଫଲ୍ କରିଥିଲା। ଲ୍ୟାଣ୍ଡଫଲ୍ ପ୍ରକ୍ରିୟା ପ୍ରାୟ ୩ ଘଣ୍ଟା ଧରି ଚାଲିଥିଲା।

ଲ୍ୟାଣ୍ଡଫଲ୍ ସମୟରେ ସିଷ୍ଟମ୍ ସହିତ ଘଣ୍ଟାପ୍ରତି୫୫ରୁ ୬୫ କିଲୋମିଟର ବେଗର ପବନରହିଥିଲା। ପବନର ଝଟକା ଆହୁରି ଅଧିକ ଥିଲା। ଲ୍ୟାଣ୍ଡଫଲ୍ ପରେ ମଧ୍ୟ ଏହାର ପ୍ରଭାବ ତୁରନ୍ତ ଶେଷ ହୋଇନାହିଁ। ସିଷ୍ଟମ୍ ଉତ୍ତର-ପଶ୍ଚିମ ଦିଗକୁ ଗତି କରିବା ସହ ଧୀରେ ଧୀରେ ଦୁର୍ବଳ ହେବାର ଆକଳନ କରାଯାଇଛି।

ଏହାର ପ୍ରଭାବରେ ଗୁରୁବାର ସକାଳୁ ଓଡ଼ିଶାର ଦକ୍ଷିଣ, ପଶ୍ଚିମ ଓ ଉତ୍ତର ଅଞ୍ଚଳର ଅନେକ ସ୍ଥାନରେପ୍ରବଳରୁ ଅତିପ୍ରବଳ ବର୍ଷାଜାରି ରହିଛି। ଦକ୍ଷିଣ ଓଡ଼ିଶାର କିଛି ଅଞ୍ଚଳରେ ଲଗାଣ ବର୍ଷା ଯୋଗୁଁ ତଳିଆ ଅଞ୍ଚଳରେ ଜଳବନ୍ଦୀ ହେବାର ଆଶଙ୍କା ବଢ଼ିଛି।

ନବରଙ୍ଗପୁର ଜିଲ୍ଲା ପାଇଁ ରେଡ୍ ୱାର୍ଣ୍ଣିଂଜାରି ହୋଇଛି। ଏଠାରେ କେତେକ ସ୍ଥାନରେ ଅତ୍ୟଧିକ ପ୍ରବଳ ବର୍ଷା ହେବାର ଆଶଙ୍କା ରହିଛି। ଏଥିସହ ଛଅଟି ଜିଲ୍ଲା ପାଇଁ ଅରେଞ୍ଜ ଆଲର୍ଟ ଏବଂ ଆଉ ନଅଟି ଜିଲ୍ଲା ପାଇଁ ୟେଲୋ ଆଲର୍ଟ ଜାରି ହୋଇଛି।

ଲ୍ୟାଣ୍ଡଫଲ୍ ପରେ ମଧ୍ୟ ପାଣିପାଗରେ ତୁରନ୍ତ ସୁଧାର ଆସିବାର ସମ୍ଭାବନା ନାହିଁ। ସିଷ୍ଟମ୍ ରାଜ୍ୟ ଭିତରକୁ ଗତି କରୁଥିବାରୁ ଆଗାମୀ ଦୁଇ ଦିନ ଧରି ଅନେକ ଜିଲ୍ଲାରେ ବର୍ଷା ଜାରି ରହିପାରେ। ବିଶେଷକରି ଦକ୍ଷିଣ ଓ ପଶ୍ଚିମ ଓଡ଼ିଶାରେ ବର୍ଷାର ପ୍ରଭାବ ଅଧିକ ରହିପାରେ।

ଅଶାନ୍ତ ସମୁଦ୍ର ପରିସ୍ଥିତି ମଧ୍ୟ ଜାରି ରହିଛି। IMDର ଉପକୂଳ ବୁଲେଟିନ୍ରେ ଦକ୍ଷିଣ ଓଡ଼ିଶା ଉପକୂଳରେ ସମୁଦ୍ରକୁ‘very rough to high’ଭାବେ ଦର୍ଶାଯାଇଥିଲା ଏବଂ ମତ୍ସ୍ୟଜୀବୀଙ୍କୁ ସମୁଦ୍ରକୁ ନଯିବା ପାଇଁ ସତର୍କ କରାଯାଇଛି।

ପ୍ରଶାସନ ପକ୍ଷରୁ ପରିସ୍ଥିତି ଉପରେ ନଜର ରଖାଯାଇଛି। ବର୍ଷା ଓ ପବନ ଯୋଗୁଁ ଜଳବନ୍ଦୀ, ଯୋଗାଯୋଗ ବାଧା ଓ ଅନ୍ୟାନ୍ୟ ସମସ୍ୟା ଦେଖାଦେଇପାରୁଥିବାରୁ ପ୍ରଭାବିତ ଅଞ୍ଚଳର ଲୋକଙ୍କୁ ସ୍ଥାନୀୟ ପ୍ରଶାସନ ଓ IMDର ପାଣିପାଗ ସତର୍କତା ଅନୁସରଣ କରିବାକୁ କୁହାଯାଇଛି।