ଭୁବନେଶ୍ୱର: ବାତ୍ୟା ଅକଭାନ୍ ଚାଷୀଙ୍କ ମେରୁଦଣ୍ଡ ଭାଙ୍ଗିଦେଇଛି। ଲଗାଣ ବର୍ଷା ଓ ପ୍ରବଳ ପବନ ଯୋଗୁଁ ଅମଳ ସମୟରେ ଉଜୁଡ଼ି ଯାଇଛି ପାଚିଲା ଧାନ ଫସଲ। କେବଳ ଧାନ ନୁହେଁ, ପନିପରିବା ଚାଷ ମଧ୍ୟ ବ୍ୟାପକ ଭାବେ କ୍ଷତିଗ୍ରସ୍ତ ହୋଇଛି। ଏଭଳି ଦୁର୍ଦ୍ଦଶା ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ବାଲିଅନ୍ତା ବ୍ଲକର ବିଭିନ୍ନ ଅଞ୍ଚଳରେ।
ବାତ୍ୟା ଅକଭାନ୍ ପ୍ରଭାବରେ ମେଘ ଓ ପବନ ମାଡ଼ରେ ଖାଲୁଆ ଜମିରେ ଥିବା ପାଚିଲା ଧାନ ଗଛ ସବୁ ଭୂଇଁରେ ଲୋଟି ପଡ଼ିଛି। ଅନ୍ୟପଟେ ଲଗାଣ ବର୍ଷା ଯୋଗୁଁ ଜମିରେ ପାଣି ଜମି ରହିଥିବାରୁ ଧାନ କେଣ୍ଡା ସବୁ ପାଣିରେ ବୁଡ଼ି ରହିଛି। ଫଳରେ ଧାନ ଗଜା ହେବା ଓ ପଚି ନଷ୍ଟ ହେବାର ଆଶଙ୍କା ବଢ଼ିଯାଇଛି।
ବିଶେଷ କରି ସରକଣା, ପୂରଣ ପଧାନ, ଉମଦେଇ ବ୍ରହ୍ମପୁର, ଜୟଦେବ, ପ୍ରତାପରୁଦ୍ରପୁର, ସତ୍ୟଭାମାପୁର, ଝିଣ୍ଟି ଶାସନ ଓ ପୁରୋହିତପୁର ସମେତ ବିଭିନ୍ନ ପଞ୍ଚାୟତରେ ଧାନ ଫସଲ ବ୍ୟାପକ କ୍ଷତିଗ୍ରସ୍ତ ହୋଇଛି।
କେବଳ ଧାନ ନୁହେଁ, ବାତ୍ୟାର ପ୍ରଭାବରୁ ପନିପରିବା ଚାଷ ମଧ୍ୟ ବର୍ତ୍ତିପାରିନାହିଁ। ରାଜଧାନୀ ଉପକଣ୍ଠରେ ଥିବା କୁଆଖାଇ, କୁଶଭଦ୍ରା ଓ ଭାର୍ଗବୀ ନଦୀପଠା ଅଞ୍ଚଳରେ ଚାଷ ହୋଇଥିବା ବିଭିନ୍ନ ଫସଲ ପାଣିରେ ବୁଡ଼ି ରହିଛି।
ସରଦେଇପୁର, ଝିଣ୍ଟି ଶାସନ, ନୂଆସାହି, ପ୍ରତାପରୁଦ୍ରପୁର, କାକରୁଦ୍ରପୁର ଓ ଜୟଦେବ ଅଞ୍ଚଳରେ ଫୁଲକୋବି, ବାଇଗଣ, ଟମାଟୋ, ପୋଟଳ, ଜହ୍ନି ଓ କାକୁଡ଼ି ଚାଷ ପ୍ରଭାବିତ ହୋଇଛି। ଜମିରେ ପାଣି ଜମି ରହିଥିବାରୁ ପନିପରିବା ଚାରା ସବୁ ପଚି ନଷ୍ଟ ହେବାକୁ ବସିଛି।
ଫସଲ ନଷ୍ଟ ହେବା ପରେ ଚାଷୀଙ୍କ ଚିନ୍ତା ବଢ଼ିଯାଇଛି। ଅନେକ ଚାଷୀ ଧାରକରଜ କରି ଚାଷ କରିଥିବାରୁ ଏବେ ଋଣ କିପରି ପରିଶୋଧ କରିବେ ଓ କ୍ଷତି କିପରି ଭରଣା କରିବେ, ସେନେଇ ଚିନ୍ତାରେ ପଡ଼ିଛନ୍ତି।
ଚାଷୀମାନେ ବ୍ଲକ କୃଷି ବିଭାଗକୁ ତୁରନ୍ତ ଗାଁ ଗାଁ ବୁଲି ଫସଲ କ୍ଷୟକ୍ଷତିର ଆକଳନ କରିବାକୁ ଦାବି କରିଛନ୍ତି।
କ୍ଷତିଗ୍ରସ୍ତ ଚାଷୀଙ୍କୁ ଉପଯୁକ୍ତ କ୍ଷତିପୂରଣ ଦେବା ସହ ରିହାତି ମୂଲ୍ୟରେ ପନିପରିବା ମଞ୍ଜି, ଆଳୁ ବିହନ, ସାର ଓ କୀଟନାଶକ ଯୋଗାଇ ଦେବାକୁ ଚାଷୀମାନେ ଦାବି କରିଛନ୍ତି।
ଏହାସହ ଆଗାମୀ ରବି ଋତୁ ଚାଷ ପାଇଁ ବିରି, ମୁଗ ଓ ସୋରିଷ ଭଳି ଫସଲର ବିହନ ମଧ୍ୟ ରିହାତି ଦରରେ ଯୋଗାଇ ଦେବାକୁ ଅନୁରୋଧ କରିଛନ୍ତି।
ଏବେ ସମସ୍ତଙ୍କ ନଜର କୃଷି ବିଭାଗର କ୍ଷୟକ୍ଷତି ଆକଳନ ଓ ସରକାରୀ ସହାୟତା ଉପରେ ରହିଛି। ବାତ୍ୟାରେ ଫସଲ ହରାଇଥିବା ବାଲିଅନ୍ତାର ଚାଷୀଙ୍କୁ କେବେ ମିଳିବ ଉପଯୁକ୍ତ ସହାୟତା, ତାହା ଏବେ ବଡ଼ ପ୍ରଶ୍ନ।
ନୂଆଦିଲ୍ଲୀ:ଶିକ୍ଷା କ୍ଷେତ୍ରରେ ନୂଆ ଉପଲବ୍ଧି ହାସଲ କରିଛି...
ମନୋରଞ୍ଜନ ଜଗତରେ ନିଜର ଅଭିନୟ ଦକ୍ଷତା ଓ ଭିନ୍ନ ଧରଣର ଚରିତ...
AIର ଭୟ, ପଢ଼ିବା ଅଭ୍ୟାସରେ ହ୍ରାସ ଓ ମୋବାଇଲ୍ ଡ୍ରାମା! Ox...
CSIR-UGC NET ଡିସେମ୍ବର ୨୦୨୬ ପରୀକ୍ଷାକୁ ଅପେକ୍ଷା କରିଥି...
ମୁମ୍ବାଇ: ମନୋରଞ୍ଜନ ଜଗତରେ ଏବେ ‘କଫି ୱିଥ୍ କରଣ ୯&...
ବକ୍ସ ଅଫିସ୍‌ରେ ରେକର୍ଡ ପରେ ରେକର୍ଡ କରୁଛି ରଣବୀର କ...
ଲକ୍ଷ୍ନୌ: ଆଇଆଇଟି ଓ ଆଇଟିଆଇ ଛାତ୍ରଛାତ୍ରୀଙ୍କ ମଧ୍ୟରେ ସମ୍...
ପଶ୍ଚିମବଙ୍ଗ: ଭାରତର ବୈଷୟିକ ଶିକ୍ଷା କ୍ଷେତ୍ରରେ ଏକ ଐତିହା...