ରାଜ୍ୟରେ ସଡ଼କ ସୁରକ୍ଷାକୁ ଅଧିକ କଡ଼ା କରିବା ପାଇଁ ରାଜ୍ୟ ପରିବହନ ପ୍ରାଧିକରଣ (STA)ଙ୍କ ନିର୍ଦ୍ଦେଶରେ କଟକ ଆଞ୍ଚଳିକ ପରିବହନ କାର୍ଯ୍ୟାଳୟ (RTO) ପକ୍ଷରୁ ସ୍ୱତନ୍ତ୍ର ଯାଞ୍ଚ ଅଭିଯାନ ଆରମ୍ଭ କରାଯାଇଛି। ବୈଧ ଫିଟନେସ୍ ସାର୍ଟିଫିକେଟ୍, ବୀମା ଏବଂ ପରମିଟ୍ ବିନା ଚଳାଚଳ କରୁଥିବା ଗାଡ଼ିଗୁଡ଼ିକୁ ଚିହ୍ନଟ କରି କଡ଼ା ପଦକ୍ଷେପ ନିଆଯାଉଛି।
ଏହି ଅଭିଯାନରେ ଏପର୍ଯ୍ୟନ୍ତ ୫୬ଟି ଯାନବାହନ ଜବତ କରାଯାଇଛି। ଏଥିରେ ଅଟୋରିକ୍ସା, ଟ୍ରାକ୍ଟର, ମୋଟରସାଇକେଲ୍ ଏବଂ ମାଲବାହୀ ଗାଡ଼ି ସାମିଲ ରହିଛି। ବାଣିଜ୍ୟିକ ଓ ବ୍ୟକ୍ତିଗତ ଉଭୟ ପ୍ରକାରର ଗାଡ଼ି ଯାଞ୍ଚ କରାଯାଉଛି।
STA ପକ୍ଷରୁ ବାରମ୍ବାର ନିୟମ ଉଲ୍ଲଂଘନ କରୁଥିବା ଗାଡ଼ି ମାଲିକଙ୍କ ବିରୋଧରେ ଅଧିକ କଡ଼ା ଆଭିମୁଖ୍ୟ ଗ୍ରହଣ କରିବାକୁ RTO ଗୁଡ଼ିକୁ ନିର୍ଦ୍ଦେଶ ଦିଆଯାଇଛି। ଆବଶ୍ୟକ ହେଲେ ମୋଟର ଯାନ ଆଇନର ଧାରା ୨୦୭ ଅନୁଯାୟୀ ଗାଡ଼ି ଜବତ କରିବା ସହ ରେଜିଷ୍ଟ୍ରେସନ୍ ସସପେଣ୍ଡ କିମ୍ବା ବାତିଲ୍ କରାଯିବ।
ଇ-ଡିଟେକ୍ସନ୍ ପୋର୍ଟାଲ୍ର ତଥ୍ୟ ଅନୁଯାୟୀ, ଚଳିତ ବର୍ଷ ଏପ୍ରିଲ୍ ୧ରୁ ଜୁନ୍ ୩୦ ମଧ୍ୟରେ ରାଜ୍ୟର ୩୧ଟି ଟୋଲ୍ ପ୍ଲାଜାରୁ ୪୩,୬୯୬ଟି ଚାଲାଣ କାଟାଯାଇଥିଲା। ସେଥିରୁ ୧୧,୪୦୧ଟି ଗାଡ଼ି ଚିହ୍ନଟ ହୋଇଥିବା ବେଳେ ୬,୬୩୫ଟି ଗାଡ଼ି ବାରମ୍ବାର ନିୟମ ଉଲ୍ଲଂଘନ କରିଥିବା ଜଣାପଡ଼ିଛି।
ମଙ୍ଗୁଳି ଟୋଲ୍ ପ୍ଲାଜାରେ ସର୍ବାଧିକ ୫,୨୮୧ଟି ନିୟମ ଉଲ୍ଲଂଘନ ମାମଲା ରେକର୍ଡ ହୋଇଥିବା ବେଳେ ପିପିଲି, ସେରଗଡ଼, ଗୋଡିପଡ଼ା-ଗଙ୍ଗାପଡ଼ା ଏବଂ ସମ୍ବଲପୁର-ବରଗଡ଼ ଟୋଲ୍ ପ୍ଲାଜାରେ ମଧ୍ୟ ବହୁ ସଂଖ୍ୟକ ମାମଲା ଧରାପଡ଼ିଛି।
କଟକ RTO ବିଶ୍ୱଜିତ ଦାସ କହିଛନ୍ତି ଯେ, ଫିଟନେସ୍, ବୀମା ଓ ପରମିଟ୍ ବିନା ଚଳାଚଳ କରୁଥିବା ଗାଡ଼ି ବିରୋଧରେ ଏହି ଯାଞ୍ଚ ନିୟମିତ ଭାବେ ଜାରି ରହିବ। ଜବତ ହୋଇଥିବା ଗାଡ଼ିର ମାଲିକଙ୍କୁ ନୋଟିସ୍ ଜାରି କରାଯାଇ RC ସସପେଣ୍ଡ କିମ୍ବା ବାତିଲ୍ ପାଇଁ ପଦକ୍ଷେପ ନିଆଯିବ।
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ନେପାଳର ଉତ୍ତର ଅଞ୍ଚଳରେ ଘଟିଥିବା ଭୟଙ୍କର ବନ୍ୟା ଓ ଭୂସ୍ଖଳ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ନେପାଳରେ ଅଗଷ୍ଟ ୨୬ରେ ଘଟିଥିବା ଭୟଙ୍କର Bhotekoshi ବନ୍ୟା...
