ଅଭିଜିତ ଦୀପ୍କେଙ୍କ ନେତୃତ୍ୱାଧୀନ କକ୍ରୋଚ ଜନତା ପାର୍ଟି (ସିଜେପି) ପକ୍ଷରୁ ନୂଆଦିଲ୍ଲୀର ଯନ୍ତର ମନ୍ତରରେ ଶନିବାର ବ୍ୟାପକ ବିକ୍ଷୋଭ ପ୍ରଦର୍ଶନ କରାଯାଇଛି। କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବିରେ ଶହ ଶହ ଆନ୍ଦୋଳନକାରୀ ଥାଳି ଓ ଚାମଚ ବାଜାଇ ପ୍ରତିବାଦ ଜଣାଇଥିଲେ।
ଦିନ ୧ଟାରୁ ଆରମ୍ଭ ହୋଇଥିବା ଏହି ଆନ୍ଦୋଳନରେ ଦଳର ପ୍ରତିଷ୍ଠାତା ଅଭିଜିତ ଦୀପ୍କେ ସ୍ୱୟଂ ଯୋଗ ଦେଇଥିଲେ। ଏହା ପୂର୍ବରୁ ଜୁନ୍ ୬ ତାରିଖରେ ମଧ୍ୟ ସିଜେପି ଯନ୍ତର ମନ୍ତରରେ ସମାନ ପ୍ରତିବାଦ କରିଥିଲା। ଦ୍ୱିତୀୟ ଥର ପାଇଁ ଆୟୋଜିତ ଏହି ଆନ୍ଦୋଳନରେ ଶିକ୍ଷା ବ୍ୟବସ୍ଥାର ସଂସ୍କାର ଓ ପରୀକ୍ଷା ପ୍ରକ୍ରିୟାରେ ସ୍ୱଚ୍ଛତା ଦାବି କରାଯାଇଛି।
ଦଳ ପକ୍ଷରୁ କୁହାଯାଇଛି ଯେ, ପ୍ରଶ୍ନପତ୍ର ଲିକ୍ ଘଟଣା ଓ ପରୀକ୍ଷା ଚାପ ଯୋଗୁଁ ଛାତ୍ରଛାତ୍ରୀଙ୍କ ମଧ୍ୟରେ ଅସନ୍ତୋଷ ବଢ଼ୁଛି। ଏହାକୁ ବିରୋଧ କରି ସୋସିଆଲ ମିଡିଆରେ ମଧ୍ୟ ଏକ ବ୍ୟାପକ ଅଭିଯାନ ଚାଲିଥିଲା, ଯେଉଁଥିରେ ସମର୍ଥକମାନଙ୍କୁ ଥାଳି ଓ ଚାମଚ ନେଇ ପ୍ରତିବାଦରେ ସାମିଲ ହେବାକୁ ଆହ୍ୱାନ କରାଯାଇଥିଲା।
ନୂଆଦିଲ୍ଲୀ ବ୍ୟତୀତ ପୁଣେ, ଲକ୍ଷ୍ନୌ, ଅମୃତସର, ବେଙ୍ଗାଲୁରୁ, ହାଇଦ୍ରାବାଦ ଏବଂ ଜୟପୁର ଭଳି ସହରଗୁଡ଼ିକରେ ମଧ୍ୟ ସମାନ ଧରଣର ପ୍ରତିବାଦ କାର୍ଯ୍ୟକ୍ରମ ଆୟୋଜିତ ହୋଇଥିଲା।
ଆନ୍ଦୋଳନ ସମୟରେ ଅଭିଜିତ ଦୀପ୍କେ କୋଭିଡ୍-୧୯ ସମୟରେ ଥାଳି ବାଜାଇବାକୁ ନେଇ ହୋଇଥିବା ଆହ୍ୱାନକୁ ବ୍ୟଙ୍ଗାତ୍ମକ ଭାବେ ଉଲ୍ଲେଖ କରିଥିଲେ। ସେ କହିଥିଲେ ଯେ, ଲୋକଙ୍କ ସ୍ୱର ସରକାର ପର୍ଯ୍ୟନ୍ତ ପହଞ୍ଚାଇବା ପାଇଁ ଏହି ପ୍ରତୀକାତ୍ମକ ପ୍ରତିବାଦ କରାଯାଉଛି।
ସିଜେପି ମୁଖପାତ୍ର ସୌରଭ ଦାସ କଳାକାର, ଗାୟକ ଏବଂ ସାମାଜିକ କର୍ମୀମାନଙ୍କୁ ମଧ୍ୟ ଏହି ଆନ୍ଦୋଳନରେ ଯୋଗ ଦେବାକୁ ଆହ୍ୱାନ କରିଥିଲେ।
ଏହା ସହିତ ଅଭିଜିତ ଦୀପ୍କେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏକ ଖୋଲା ଚିଠି ଲେଖି NEET ବିବାଦ ସହ ଜଡିତ ଆତ୍ମହତ୍ୟା ଘଟଣାରେ ପ୍ରଭାବିତ ପରିବାରମାନଙ୍କୁ ୧ କୋଟି ଟଙ୍କା ଲେଖାଏଁ ଆର୍ଥିକ ସହାୟତା ଦେବାକୁ ଦାବି କରିଛନ୍ତି।
ଭୁବନେଶ୍ୱରର ମଞ୍ଚେଶ୍ୱର ଥାନା ଅଧୀନ ଗାଡ଼କଣା ସ୍ଥିତ ଓମ୍ ସ...
କଟକ ସହରର ଭିତ୍ତିଭୂମି ବିକାଶକୁ ନେଇ ଏକ ବଡ଼ ଘୋଷଣା କରାଯା...
ଖୋର୍ଦ୍ଧା ଜିଲ୍ଲାର ବାଣପୁର ବ୍ଲକ ଅନ୍ତର୍ଗତ ସାଲୁଣି ଗାଁର...
ଗ୍ରୁପ୍-ଡିର ଏକ ରୋମାଞ୍ଚକର ମ୍ୟାଚ୍ରେ ପାରାଗୁଏ ୧୦ ଜଣ ଖେଳ...
ଚଳିତ ଫିଫା ବିଶ୍ୱକପ୍‌ର ଗ୍ରୁପ୍-ସି ମ୍ୟାଚ୍‌ରେ...
ଓଡ଼ିଶାରେ ବିଜେପି ସରକାରର ଦୁଇ ବର୍ଷ ପୂର୍ତ୍ତି ଅବସରରେ ମୟ...
ଚଳିତ ମହିଳା ଟ୍ୱେଣ୍ଟି-୨୦ ବିଶ୍ୱକପ୍‌ରେ ଭାରତୀୟ ଦଳକ...
ଆଇପିଏଲ୍ ୨୦୨୭ ପୂର୍ବରୁ ଦିଲ୍ଲୀ କ୍ୟାପିଟାଲ୍ସ ଦଳରେ ବଡ଼ ପ...
