Christmas Island Blue-Tailed Skink ପାଇଁ ସଂରକ୍ଷଣ କ୍ଷେତ୍ରରେ ଆସିଛି ଏକ ବଡ଼ ସଫଳତା।2010ରେ ଏହି ଛୋଟ ସରୀସୃପ ପ୍ରଜାତି Christmas Islandରେ ପ୍ରାୟ ବିଲୁପ୍ତ ହେବାକୁ ବସିଥିଲା। ବାହାରୁ ଆସିଥିବା ଶିକାରୀ ପ୍ରାଣୀଙ୍କ ପ୍ରଭାବରେ ଏହାର ସଂଖ୍ୟା ଦ୍ରୁତ ହ୍ରାସ ପାଇଥିଲା। ସେତେବେଳେ Parks Australiaର କର୍ମଚାରୀମାନେ ଶେଷ ମୁହୂର୍ତ୍ତରେ ମାତ୍ର 66ଟି Skinkକୁ ଉଦ୍ଧାର କରିଥିଲେ।

ଏହି 66ଟି Skinkକୁ ଆଧାର କରି 15 ବର୍ଷରୁ ଅଧିକ ସମୟ ଧରି captive breeding ଏବଂ conservation programme ଚାଲିଥିଲା। ଉଦ୍ଦେଶ୍ୟ ଥିଲା କେବଳ ସେମାନଙ୍କୁ ବନ୍ଦୀ ଅବସ୍ଥାରେ ବଞ୍ଚାଇ ରଖିବା ନୁହେଁ, ବରଂ ପୁଣିଥରେ ପ୍ରକୃତିକ ପରିବେଶରେ ଏକ ସ୍ଥାୟୀ population ଗଢ଼ିବା।

ଏହାର ଫଳସ୍ୱରୂପ 2026 ଜୁଲାଇରେ545ଟି Christmas Island Blue-Tailed Skinkକୁ Horsburgh Islandରେ ଛାଡ଼ାଯାଇଛି।Horsburgh Island, Cocos (Keeling) archipelagoର ଅଂଶ ଏବଂ ଏଠାରେ ଏହି ପ୍ରଜାତିର ତୃତୀୟ wild colony ସ୍ଥାପିତ ହୋଇଛି।

Blue-Tailed Skink ପ୍ରାୟ 10ରୁ 12 ସେଣ୍ଟିମିଟର ଲମ୍ବା ଏକ ଛୋଟ insect-eating lizard। ଏହାର ଶରୀରରେ ଗାଢ଼ ରଙ୍ଗର ଧାରୀ ଥିବାବେଳେ ଚମକଦାର ନୀଳ ରଙ୍ଗର ପୁଛ ଏହାର ପ୍ରମୁଖ ପରିଚୟ। IUCN Red Listରେ ପ୍ରଜାତିଟିକୁExtinct in the Wildଭାବେ ତାଲିକାଭୁକ୍ତ କରାଯାଇଛି।

ଏହା ପୂର୍ବରୁ 2019ରେ Pulu Blan ଏବଂ 2020ରେ Pulu Blan Madar ଦ୍ୱୀପରେ ମଧ୍ୟ Blue-Tailed Skink colony ସ୍ଥାପନ କରାଯାଇଥିଲା। Horsburgh Island ପୂର୍ବରୁ ବ୍ୟବହୃତ ଏହି ଦୁଇ ଦ୍ୱୀପଠାରୁ ପ୍ରାୟ 50 ଗୁଣା ବଡ଼ ଥିବାରୁ ଏଠାରେ ଏକ ବଡ଼ ଓ ଅଧିକ ସ୍ଥାୟୀ population ଗଢ଼ିଉଠିବାର ସୁଯୋଗ ରହିଛି।

Parks Australia ଓ Taronga Conservation Society Australia ଏହି ପ୍ରକଳ୍ପକୁ ଆଗେଇ ନେଇଥିବାବେଳେ ସ୍ଥାନୀୟ Cocos community, Shire of Cocos (Keeling) Islands ଏବଂ Qantas ମଧ୍ୟ ସହଯୋଗ କରିଥିଲେ। 2010ରେ ମାତ୍ର 66ଟି ପ୍ରାଣୀକୁ ଉଦ୍ଧାର କରାଯାଇଥିବାରୁ 2026ରେ 545ଟିକୁ ନୂଆ ଦ୍ୱୀପରେ ଛାଡ଼ାଯିବା ପର୍ଯ୍ୟନ୍ତର ଏହି ଯାତ୍ରା conservation କ୍ଷେତ୍ରରେ ଏକ ଉଲ୍ଲେଖନୀୟ ଉଦାହରଣ ହୋଇଛି।