କାରିବିୟାନ୍ ପ୍ରିନ୍ସେସ୍ (Caribbean Princess) କ୍ରୁଜ୍ ଜାହାଜରେ ନୋରୋଭାଇରସ୍ ସଂକ୍ରମଣ ଚିନ୍ତା ବଢ଼ାଇଛି। ସେଣ୍ଟର ଫର ଡିଜିଜ୍ କଣ୍ଟ୍ରୋଲ୍ ଆଣ୍ଡ ପ୍ରିଭେନସନ୍ (CDC) ଅନୁସାରେ, ଜାହାଜରେ ଯାତ୍ରା କରୁଥିବା ୧୦୨ ଜଣ ଯାତ୍ରୀ ଓ ୧୩ ଜଣ କ୍ରୁ ସଦସ୍ୟ ମିଶି ମୋଟ ୧୧୫ ଜଣ ଏହି ଭାଇରସ୍ରେ ସଂକ୍ରମିତ ହୋଇଛନ୍ତି। କ୍ରୁଜ୍ଟି ଅରୁବା, ବୋନେର, ପୁଏର୍ତ୍ତୋ ରିକୋ ଏବଂ ବାହାମାସ ଭଳି ପର୍ଯ୍ୟଟନ ସ୍ଥଳୀକୁ ଯାଇଥିବା ବେଳେ ଧୀରେ ଧୀରେ ସଂକ୍ରମଣ ବଢ଼ିଥିଲା।
ନୋରୋଭାଇରସ୍ ଏକ ଅତ୍ୟଧିକ ସଂକ୍ରାମକ ଭାଇରସ୍ ଯାହା ପେଟ ଓ ଅନ୍ତନଳୀକୁ ପ୍ରଭାବିତ କରେ। ଦୂଷିତ ଖାଦ୍ୟ, ପାଣି କିମ୍ବା ସଂକ୍ରମିତ ବ୍ୟକ୍ତିଙ୍କ ସଂସ୍ପର୍ଶରେ ଆସିଲେ ଏହା ଖୁବ୍ ଶୀଘ୍ର ବ୍ୟାପିଥାଏ। ବିଶେଷ କରି କ୍ରୁଜ୍ ଜାହାଜ ଭଳି ବନ୍ଦ ଏବଂ ଭିଡ଼ ଥିବା ସ୍ଥାନରେ ଏହା ଦ୍ରୁତ ଗତିରେ ପ୍ରସାରିତ ହୁଏ। ପାଣି ଭଳି ଝାଡ଼ା, ବାନ୍ତି, ପେଟ ଯନ୍ତ୍ରଣା, ମୁଣ୍ଡ ବୁଲାଇବା ଏବଂ ସାମାନ୍ୟ ଜ୍ୱର ଏହାର ପ୍ରମୁଖ ଲକ୍ଷଣ।
ସଂକ୍ରମଣ ପରେ ଜାହାଜକୁ ସାନିଟାଇଜ୍ କରାଯାଇଥିବା ବେଳେ ସଂକ୍ରମିତଙ୍କୁ ଆଇସୋଲେସନରେ ରଖାଯାଇଛି। ଯାତ୍ରୀମାନଙ୍କୁ ବାରମ୍ବାର ହାତ ଧୋଇବା ଓ ସାନିଟାଇଜର ବ୍ୟବହାର କରିବାକୁ ପରାମର୍ଶ ଦିଆଯାଇଛି। ଚିକିତ୍ସକମାନଙ୍କ ଅନୁସାରେ, ଅଧିକାଂଶ ଲୋକ ୨ ରୁ ୩ ଦିନ ମଧ୍ୟରେ ସୁସ୍ଥ ହୋଇଯାଆନ୍ତି, କିନ୍ତୁ ଶରୀରରେ ଜଳୀୟ ଅଂଶ ରକ୍ଷା କରିବା ଅତ୍ୟାବଶ୍ୟକ।
ସ୍କୁଲ୍ ପାଠପଢ଼ାରେ ଆସିଲା ବଡ଼ ପରିବର୍ତ୍ତନ। ଏଣିକି ନବମ ଶ...
ନୂଆଦିଲ୍ଲୀ: ଦୃଢ଼ ଇଚ୍ଛାଶକ୍ତି, ମେଧା ଓ କଠିନ ପରିଶ୍ରମ ମଣ...
Joint CSIR-UGC NET December 2026 ପରୀକ୍ଷାକୁ ନେଇ ଆଶା...
ବାତ୍ୟା ‘ଅର୍ଣ୍ଣବ’ର ପ୍ରଭାବରୁ ଓଡ଼ିଶା ଏବେ...
ଦୁର୍ବଳ ହେଲା ବାତ୍ୟା ମୁରାସୁ, ଓଡ଼ିଶାରେ ଆହୁରି ୨ ଦିନ ବର...
ଭୁବନେଶ୍ୱର: ଓଡ଼ିଶାରେ ବାତ୍ୟା ଓ ବର୍ଷାକୁ ନେଇ ପୁଣି ବଢ଼ି...
MBA ପଢ଼ିବାକୁ ଆଶା ରଖିଥିବା ଛାତ୍ରଛାତ୍ରୀଙ୍କ ପାଇଁ ବଡ଼ ଅ...
ବାତ୍ୟା ‘ମୁରାସୁ’ର ପ୍ରଭାବରେ ଓଡ଼ିଶାର ବିଭି...
