ବଲାଙ୍ଗୀର ଜିଲ୍ଲାର ବଲାଙ୍ଗୀର ରେଳ ଷ୍ଟେସନ ଅମୃତ ଭାରତ ଷ୍ଟେସନ ଯୋଜନା ଅଧୀନରେ ସମ୍ପୂର୍ଣ୍ଣ ନୂଆ ରୂପ ପାଇଛି। ପ୍ରାୟ ୨୦ କୋଟି ଟଙ୍କା ବ୍ୟୟରେ ଏହି ଷ୍ଟେସନକୁ ଏକ ଆଧୁନିକ, ଯାତ୍ରୀ-ଅନୁକୂଳ ଏବଂ ବିଶ୍ୱସ୍ତରୀୟ ପରିବହନ କେନ୍ଦ୍ର ଭାବେ ବିକଶିତ କରାଯାଇଛି।
ଷ୍ଟେସନରେ ଏକ ନୂତନ ଭବନ ନିର୍ମାଣ ସହ ୧୨ ମିଟର ଓସାର ବିଶିଷ୍ଟ ଫୁଟ୍ ଓଭର ବ୍ରିଜ୍, ଲିଫ୍ଟ ସୁବିଧା, ଉନ୍ନତ ପ୍ଲାଟଫର୍ମ, ଆଧୁନିକ ଅପେକ୍ଷା ସ୍ଥଳୀ, ନବୀକୃତ ଶୌଚାଳୟ ଓ ଡିଜିଟାଲ୍ ଯାତ୍ରୀ ସୂଚନା ବ୍ୟବସ୍ଥା ସ୍ଥାପନ କରାଯାଇଛି। ଯାତ୍ରୀଙ୍କ ସୁବିଧା ପାଇଁ ପ୍ରବେଶ ପଥ, ସର୍କୁଲେଟିଂ ଏରିଆ ଓ ପାର୍କିଂ ବ୍ୟବସ୍ଥାକୁ ମଧ୍ୟ ନବୀକରଣ କରାଯାଇଛି।
ବଲାଙ୍ଗୀରର ସମୃଦ୍ଧ ସାଂସ୍କୃତିକ ଐତିହ୍ୟକୁ ଷ୍ଟେସନର ସ୍ଥାପତ୍ୟ କଳାରେ ସୁନ୍ଦର ଭାବେ ସ୍ଥାନ ଦିଆଯାଇଛି। ସମ୍ବଲପୁରୀ ହସ୍ତତନ୍ତ, ଢୋକ୍ରା ଧାତୁ କଳା ଏବଂ ପାରମ୍ପରିକ ଆଦିବାସୀ କଳାର ମୋଟିଫ୍ ଷ୍ଟେସନର ସୌନ୍ଦର୍ଯ୍ୟକୁ ଆହୁରି ଆକର୍ଷଣୀୟ କରିଛି।
ଏହି ନବୀକୃତ ରେଳ ଷ୍ଟେସନ ପଶ୍ଚିମ ଓଡ଼ିଶାର ବାଣିଜ୍ୟିକ, ଶିକ୍ଷାଗତ ଓ ପର୍ଯ୍ୟଟନ କ୍ଷେତ୍ରକୁ ଉନ୍ନତ ସଂଯୋଗ ପ୍ରଦାନ କରିବା ସହ ଆଞ୍ଚଳିକ ଅର୍ଥନୈତିକ ବିକାଶରେ ସହାୟକ ହେବ। ଏହା ଭାରତୀୟ ରେଳବାଇର ଆଧୁନିକ ଭିତ୍ତିଭୂମି ନିର୍ମାଣ ଓ ଯାତ୍ରୀଙ୍କ ପାଇଁ ସୁରକ୍ଷିତ, ସ୍ମାର୍ଟ ଏବଂ ଆରାମଦାୟକ ଯାତ୍ରା ଅଭିଜ୍ଞତା ପ୍ରଦାନ କରିବା ଦିଗରେ ଆଉ ଏକ ମାଇଲଖୁଣ୍ଟ ସାବ୍ୟସ୍ତ ହୋଇଛି।
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ମଙ୍ଗଳବାର ସନ୍ଧ୍ୟାରେ ମୁମ୍ବାଇ-ଅହମଦାବାଦବନ୍ଦେ ଭାରତ ଏକ୍ସ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ଆମେରିକାର Federal Bureau of Investigation (FBI) ମଞ୍...
ତାମିଲନାଡୁର ଶାସକ ମେଣ୍ଟ ଏବେ ନିଜର ଏକ ସ୍ୱତନ୍ତ୍ର ରାଜନୈତ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
କେରଳର କୋଚିରେ ଜଣେ କଲେଜ ଛାତ୍ରଙ୍କ ବିରୋଧରେ ଶିକ୍ଷକ ଓ ସହ...
