ଭୁବନେଶ୍ୱରର ମାଷ୍ଟରକ୍ୟାଣ୍ଟିନ୍ ଅଞ୍ଚଳରେ ଅନଲାଇନ୍ କ୍ୟାବ୍ ଓ ବାଇକ୍-ଟ୍ୟାକ୍ସି ଡ୍ରାଇଭରଙ୍କ ଆନ୍ଦୋଳନ ସମୟରେ ଘଟିଥିବା ହିଂସାକୁ ନେଇ ରାଜ୍ୟ ସରକାର କଠୋର ପଦକ୍ଷେପ ନେବାକୁ ଘୋଷଣା କରିଛନ୍ତି।
ଗୃହ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ଘଟଣାକୁ ଅମାନବୀୟ ବୋଲି କହିବା ସହ ହିଂସା ଓ ଭଙ୍ଗାରୁଜାରେ ସମ୍ପୃକ୍ତ ଡ୍ରାଇଭରଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନର ଚେତାବନୀ ଦେଇଛନ୍ତି। ଦୋଷୀ ସାବ୍ୟସ୍ତ ହେଲେ ସେମାନଙ୍କ ଡ୍ରାଇଭିଂ ଲାଇସେନ୍ସ ବାତିଲ କରାଯିବା ସହ ହୋଇଥିବା କ୍ଷତି ସେମାନଙ୍କଠାରୁ ଆଦାୟ କରାଯିବ ବୋଲି ସେ କହିଛନ୍ତି।
ଏହାସହ ମାଷ୍ଟରକ୍ୟାଣ୍ଟିନ୍ ସ୍କୋୟାର ନିକଟରେ ଏକ ଅଟୋ ଡ୍ରାଇଭର ସଂଘ ପକ୍ଷରୁ ପରିଚାଳିତ ଅଟୋ ଷ୍ଟାଣ୍ଡକୁ ପୁଲିସ୍ ଜେସିବି ସାହାଯ୍ୟରେ ଭାଙ୍ଗି ଦେଇଛି। ଷ୍ଟାଣ୍ଡ ହଟାଇ ଅଞ୍ଚଳର ପାର୍କିଂ ସ୍ଥାନକୁ ଖାଲି କରାଯାଇଛି।
ପୁଲିସ୍ ପକ୍ଷରୁ ଏକାଧିକ ଗାଡ଼ି ଜବତ କରାଯାଇଛି ଏବଂ ମୋଟର ଭେହିକଲ୍ସ ଆକ୍ଟ ଅନୁସାରେ ମାମଲା ଆରମ୍ଭ ହୋଇଛି। ଲୋଅର ପିଏମଜି ଅଞ୍ଚଳରୁ ଜବତ ହୋଇଥିବା କିଛି ଗାଡ଼ିର ଇନ୍ସୁରାନ୍ସ ଓ ପରମିଟ୍ ବୈଧ ନଥିବା ମଧ୍ୟ ଜଣାପଡ଼ିଛି।
ସରକାର କହିଛନ୍ତି ଯେ ଡ୍ରାଇଭରମାନଙ୍କୁ ଅନଲାଇନ୍ ପ୍ଲାଟଫର୍ମ କିମ୍ବା ଅଫଲାଇନ୍ ମୋଡ୍ରେ କାମ କରିବାକୁ ବାଧ୍ୟ କରାଯାଉନାହିଁ। ୨୦୨୩ରୁ ରାଜ୍ୟରେ ଆଗ୍ରିଗେଟର୍ ପଲିସି ଲାଗୁ ରହିଛି। ଏହି ନୀତି ଅନୁଯାୟୀ ଆଗ୍ରିଗେଟର୍ କମ୍ପାନୀଗୁଡ଼ିକ ସରକାର ନିର୍ଦ୍ଧାରିତ ଭଡ଼ାଠାରୁ ଅଧିକ ଭଡ଼ା ଯାତ୍ରୀଙ୍କଠାରୁ ନେଇପାରିବେ ନାହିଁ।
ଭାରତ ଗାଲେରେ ଖେଳାଯାଇଥିବା ପ୍ରଥମ ଟେଷ୍ଟରେ ଶ୍ରୀଲଙ୍କାକୁ...
ଆମଷ୍ଟେଲଭିନ୍ରେ ବୁଧବାର ଭାରତ ଓ ପାକିସ୍ତାନ ମଧ୍ୟରେ ହୋଇଥି...
ଓଡ଼ିଶାରେ ପୁଣି ଥରେ ବର୍ଷାର ପ୍ରକୋପ ବଢ଼ିବାକୁ ଯାଉଛି। ଭା...
ଉତ୍ତରପ୍ରଦେଶରେ ବନ୍ୟା ପରିସ୍ଥିତି ଯୋଗୁଁ ୧୩ଟି ଜିଲ୍ଲାର ୧...
ଇଣ୍ଡୋନେସିଆର ଫ୍ଲୋରେସ୍‌ ଦ୍ୱୀପରେ ଶନିବାର ସକାଳେ ଘଟ...
କୋରାପୁଟସ୍ଥିତ କେନ୍ଦ୍ରୀୟ ଓଡ଼ିଶା ବିଶ୍ୱବିଦ୍ୟାଳୟ (CUO)ର...
ଲିଓନେଲ୍‌ ମେସି ପୁଣିଥରେ ଗୋଲ୍‌ ସ୍କୋରରେ ଫେରି...
ସରକାରୀ ଚାକିରିର ସ୍ଥିରତା ଛାଡ଼ି ନିଜ ପିଲାଦିନର ସ୍ୱପ୍ନ ପ...
ଓଡ଼ିଶା ଉପରେ ପୁଣି ବର୍ଷା ବିପଦ। ବଙ୍ଗୋପସାଗରରେ ସୃଷ୍ଟ ଲଘ...
ଆଗାମୀ ଇଣ୍ଡିଆନ୍‌ ସୁପର୍‌ ଲିଗ୍‌ (ISL)...
ନୂଆଦିଲ୍ଲୀ:NEET-UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ...
