ଭୁବନେଶ୍ୱର ଓ କଟକରେ ବଢ଼ୁଥିବା ଟ୍ରାଫିକ୍ ଜାମ୍ ସମସ୍ୟାର ସ୍ଥାୟୀ ସମାଧାନ ପାଇଁ ଓଡ଼ିଶା ସରକାର ପଦକ୍ଷେପ ଆରମ୍ଭ କରିଛନ୍ତି। ଟ୍ୱିନ୍ ସିଟିରେ ଯାତାୟାତ ବ୍ୟବସ୍ଥାକୁ ସୁଗମ କରିବା ସହ ପ୍ରମୁଖ ସ୍ଥାନଗୁଡ଼ିକର ଚେହେରା ବଦଳାଇବା ଉପରେ ମଧ୍ୟ ଯୋଜନା କରାଯାଉଛି।
ମଙ୍ଗଳବାର ଲୋକସେବା ଭବନରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ଏକ ସମୀକ୍ଷା ବୈଠକ ବସିଥିଲା। ବୈଠକରେ ଟ୍ୱିନ୍ ସିଟି ଟ୍ରାଫିକ୍ ଡିକଞ୍ଜେସନ୍ ପ୍ଲାନ୍ ଏବଂ ଟ୍ରାଫିକ୍ ପରିଚାଳନା ସୁଧାରିବା ନେଇ ଆଲୋଚନା ହୋଇଥିଲା।
ଯୋଜନା ଅନୁସାରେ ଭୁବନେଶ୍ୱର ଓ କଟକର ବିଭିନ୍ନ ସ୍ଥାନରେ ଖରାପ ହୋଇଥିବା ରାସ୍ତା ଓ ଟ୍ରାଫିକ୍ ଛକଗୁଡ଼ିକର ପ୍ରାଥମିକତା ଭିତ୍ତିରେ ମରାମତି କରାଯିବ।
ଭୁବନେଶ୍ୱରର କିଛି ପ୍ରମୁଖ ଛକକୁ ପୁନଃଡିଜାଇନ୍ କରି ଗାଡ଼ି ଚଳାଚଳକୁ ଅଧିକ ସୁଗମ କରିବା ନେଇ ମଧ୍ୟ ବିଚାର କରାଯାଉଛି।
ଯେଉଁ ସ୍ଥାନରେ ଆବଶ୍ୟକତା ରହିଛି, ସେଠାରେ ରାସ୍ତା ପ୍ରଶସ୍ତୀକରଣ କରାଯିବ। ଏହାଦ୍ୱାରା ଟ୍ରାଫିକ୍ ବୋତଲନେକ୍ କମାଇବା ସହ ଟ୍ୱିନ୍ ସିଟି ମଧ୍ୟରେ ଯୋଗାଯୋଗ ବ୍ୟବସ୍ଥାକୁ ଆହୁରି ମଜବୁତ କରିବା ଲକ୍ଷ୍ୟ ରହିଛି।
ବୈଠକରେ ଭୁବନେଶ୍ୱରର ପ୍ରମୁଖ ଛକଗୁଡ଼ିକର ପୁନଃଡିଜାଇନ୍ ଓ ଉନ୍ନତିକରଣ ନେଇ ମଧ୍ୟ ଆଲୋଚନା ହୋଇଛି।
ରାସ୍ତାର କ୍ଷମତା ବଢ଼ାଇବା, ଗାଡ଼ି ଚଳାଚଳକୁ ସୁବ୍ୟବସ୍ଥିତ କରିବା ଏବଂ ପ୍ରମୁଖ ସ୍ଥାନଗୁଡ଼ିକର ସୌନ୍ଦର୍ଯ୍ୟ ବଢ଼ାଇବା ଏହି ପଦକ୍ଷେପର ମୁଖ୍ୟ ଉଦ୍ଦେଶ୍ୟ।
ପ୍ରଶାସନ ପକ୍ଷରୁ ଟ୍ରାଫିକ୍ ଜାମ୍ର ପ୍ରମୁଖ ସ୍ଥାନଗୁଡ଼ିକୁ ଚିହ୍ନଟ କରାଯାଇ ପର୍ଯ୍ୟାୟକ୍ରମେ ସମାଧାନମୂଳକ ପଦକ୍ଷେପ ନିଆଯିବ।
ରାସ୍ତାର ଉନ୍ନତି, ଛକର ସୁଚିନ୍ତିତ ଡିଜାଇନ୍ ଓ ଅଧିକ ପ୍ରଭାବଶାଳୀ ଟ୍ରାଫିକ୍ ପରିଚାଳନା ମାଧ୍ୟମରେ ଭୁବନେଶ୍ୱର-କଟକର ବଢ଼ୁଥିବା ଟ୍ରାଫିକ୍ ଚାପକୁ କମାଇବା ପାଇଁ ସରକାରଙ୍କ ଏହି ବ୍ୟାପକ ଯୋଜନା କାର୍ଯ୍ୟକାରୀ ହେବ।
ଇଣ୍ଡୋନେସିଆର ଫ୍ଲୋରେସ୍‌ ଦ୍ୱୀପରେ ଶନିବାର ସକାଳେ ଘଟ...
ପଶ୍ଚିମବଙ୍ଗ ବାର୍ କାଉନସିଲ ନିର୍ବାଚନରେ ତୃଣମୂଳ କଂଗ୍ରେସ...
E20 ପେଟ୍ରୋଲକୁ ନେଇ ଚାଲିଥିବା ବିବାଦ ମଧ୍ୟରେ E10 ପେଟ୍ରୋ...
ମହାରାଷ୍ଟ୍ରରେ ଅଟୋ-ରିକ୍ସା ଓ ଟ୍ୟାକ୍ସି ଚାଳକଙ୍କ ପାଇଁମରା...
ଉତ୍ତରପ୍ରଦେଶରେ ବନ୍ୟା ପରିସ୍ଥିତି ଯୋଗୁଁ ୧୩ଟି ଜିଲ୍ଲାର ୧...
ଜମ୍ମୁ-କଶ୍ମୀରକୁ ନେଇ ଆମେରିକାର ରାଷ୍ଟ୍ରଦୂତ ସର୍ଜିଓ ଗୋରଙ...
