ବଲିଉଡ୍ର ଲୋକପ୍ରିୟ କମେଡି ଫିଲ୍ମ ‘ଭାଗମ ଭାଗ’ର ସିକ୍ୱେଲ୍ ‘ଭାଗମ ଭାଗ ୨’କୁ ନେଇ ଦର୍ଶକଙ୍କ ଅପେକ୍ଷା ଆହୁରି ବଢ଼ିଛି। ଫିଲ୍ମର ପ୍ରଥମ ଲୁକ୍ ଖୁବ୍ଶୀଘ୍ର ସାମ୍ନାକୁ ଆସିପାରେ ବୋଲି ଏବେ ଚର୍ଚ୍ଚା ଆରମ୍ଭ ହୋଇଛି।
ନିର୍ଦ୍ଦେଶକ ରାଜ ଶାଣ୍ଡିଲ୍ୟା ମଙ୍ଗଳବାର ଏକ ରହସ୍ୟମୟ ପୋଷ୍ଟ ସେୟାର କରି ପ୍ରଶଂସକଙ୍କ ଉତ୍ସୁକତା ବଢ଼ାଇଛନ୍ତି। ସେ ଏକ୍ସ (X)ରେ ଲେଖିଛନ୍ତି, “ବସ୍ ଥୋଡ଼ା ଔର ଇନ୍ତଜାର… ଉସକେ ବାଦ ସାରେ ‘ସିଗ୍ନାଲ୍’ ଖୁଲନେ ୱାଲେ ହୈଁ…”
ରାଜ ଶାଣ୍ଡିଲ୍ୟାଙ୍କ ଏହି ‘ସିଗ୍ନାଲ୍’ ଶବ୍ଦ ଫିଲ୍ମ ପ୍ରେମୀଙ୍କ ଧ୍ୟାନ ଆକର୍ଷଣ କରିଛି। ଏହା ‘ଭାଗମ ଭାଗ’ର ଲୋକପ୍ରିୟ ଗୀତ ‘ସିଗ୍ନାଲ୍’କୁ ସୂଚାଉଥିବା ନେଇ ଅନୁମାନ କରାଯାଉଛି।
ଏହା ପରେ ଅଭିନେତା ପରେଶ ରାୱଲଙ୍କ ପ୍ରତିକ୍ରିୟା ଚର୍ଚ୍ଚାକୁ ଆହୁରି ବଢ଼ାଇଛି। ସେ ରାଜଙ୍କ ପୋଷ୍ଟକୁ ପୁନଃ ସେୟାର କରି କେବଳ “AMEN!” ଲେଖିଛନ୍ତି। ଏହା ପରେ ଫିଲ୍ମର ଅଫିସିଆଲ୍ ଘୋଷଣା କିମ୍ବା ପ୍ରଥମ ଝଲକ ଶୀଘ୍ର ଆସିପାରେ ବୋଲି ପ୍ରଶଂସକମାନେ ଆଶା କରୁଛନ୍ତି।
‘ଭାଗମ ଭାଗ ୨’ରେ ଅକ୍ଷୟ କୁମାର ଓ ପରେଶ ରାୱଲ ନିଜ ଭୂମିକାରେ ଫେରୁଥିବା ବେଳେ ମନୋଜ ବାଜପେୟୀ ଗୋବିନ୍ଦାଙ୍କ ଦ୍ୱାରା ଅଭିନୀତ ଭୂମିକାରେ ନଜର ଆସିବେ।
୨୦୦୬ରେ ମୁକ୍ତିଲାଭ କରିଥିବା ‘ଭାଗମ ଭାଗ’ ପ୍ରିୟଦର୍ଶନଙ୍କ ନିର୍ଦ୍ଦେଶିତ ଏକ କଲ୍ଟ କମେଡି ଫିଲ୍ମ ଥିଲା। କମେଡି, ଭୁଲବୁଝାବୁଝି ଓ ରୋମାଞ୍ଚକର କାହାଣୀ ପାଇଁ ଏହା ଦର୍ଶକଙ୍କ ମନରେ ଆଜି ମଧ୍ୟ ସ୍ଥାନ ରଖିଛି।
ତେବେ ଫିଲ୍ମ ନିର୍ମାଣ ପୂର୍ବରୁ ନିର୍ଦ୍ଦେଶକ ରାଜ ଶାଣ୍ଡିଲ୍ୟାଙ୍କୁ ନେଇ ଏକ ବିବାଦ ମଧ୍ୟ ସାମ୍ନାକୁ ଆସିଥିଲା। ପ୍ରଯୋଜକ ଏକତା କପୁରଙ୍କ ବ୍ୟାନର ସହ ତାଙ୍କ ଚୁକ୍ତିକୁ ନେଇ ବିବାଦ ହୋଇଥିଲା। ପରେ ଉଭୟ ପକ୍ଷ ମଧ୍ୟରେ ସମାଧାନ ହୋଇଥିଲା।
ଇଥାନଲ୍ ମିଶ୍ରିତ (ଇ-୨୦) ପେଟ୍ରୋଲକୁ ନେଇ ଦେଶର ବିଭିନ୍ନ ସ...
ଆମେରିକାର ରୁଷ ବିରୋଧୀ ପ୍ରତିବନ୍ଧକ ନୀତିରେ ବଡ଼ ପରିବର୍ତ୍...
ମହାକାଶରେ ପୁଣି ଥରେ ଭାରତୀୟ ବଂଶୋଦ୍ଭବଙ୍କ ସଫଳତା ଚର୍ଚ୍ଚା...
ଗଜପତି ଜିଲ୍ଲାରେ ଜଣେ ମହିଳାଙ୍କ ଉପରେ ହୋଇଥିବା ନିର୍ମମ ଆକ...
ମଣିପୁରରେ ପୁଣିଥରେ ଅଶାନ୍ତିର ପରିସ୍ଥିତି ସୃଷ୍ଟି ହୋଇଛି।...
ଉତ୍ତରପ୍ରଦେଶର ବରେଲିରୁ ଏକ ଚାଞ୍ଚଲ୍ୟକର ଠକେଇ ଘଟଣା ସାମ୍ନ...
ଗଞ୍ଜାମ ଜିଲ୍ଲା ବ୍ରହ୍ମପୁର ସହରରେ ଘଟିଛି ଏକ ଦୁଃଖଦ ଘଟଣା।...
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନର ନୂତନ ସର୍ବୋ...
ହର୍ମୁଜ ପ୍ରଣାଳୀରେ ଘଟିଥିବା କ୍ଷେପଣାସ୍ତ୍ର ଆକ୍ରମଣରେ ପ୍ର...
ଭାରତର ବହୁ ପ୍ରତୀକ୍ଷିତ ମୁମ୍ବାଇ–ଅହମ୍ମଦାବାଦ ବୁଲେ...
ବିଜେଡିର ପୂର୍ବତନ ନେତା ତଥା ବର୍ତ୍ତମାନ ବିଜେପିରେ ସାମିଲ...
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଷ୍ଟ୍ରେଟ୍‌ ଅ...
