ଭଦ୍ରକ:ବନ୍ୟା ପାଣି କମିବା ସହ ଭଦ୍ରକ ଜିଲ୍ଲାର ବାସୁଦେବପୁର ଅଞ୍ଚଳରେ ପ୍ରକୃତ କ୍ଷୟକ୍ଷତିର ଚିତ୍ର ସାମ୍ନାକୁ ଆସିଛି। ବନ୍ୟାରେ ସାଧାରଣ ଲୋକଙ୍କ ସହିତ ଚାଷୀମାନେ ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛନ୍ତି। ସୁନାର ଧାନ କ୍ଷେତ ଓ ପନିପରିବା ଚାଷ ସମ୍ପୂର୍ଣ୍ଣ ଉଜୁଡ଼ିଯାଇଥିବାରୁ ଚାଷୀଙ୍କ ଜୀବନ-ଜୀବିକା ସଙ୍କଟରେ ପଡ଼ିଛି।
ପ୍ରାୟ ୧୫ ଦିନ ଧରି ଚାଷ ଜମିରେ ବନ୍ୟା ପାଣି ଜମି ରହିବାରୁ ଧାନ ଓ ପନିପରିବା ଫସଲ ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ମାସ ମାସର ପରିଶ୍ରମ ଆଖି ପଳକେ ପାଣିରେ ଭାସିଯାଇଥିବାରୁ ଚାଷୀମାନେ ଗଭୀର ନିରାଶାରେ ଅଛନ୍ତି।
ବନ୍ୟାରେ ଅନେକ କାଚା ଘର ଭାଙ୍ଗିଯାଇଛି। ଶହ ଶହ ପରିବାର ପୂର୍ବରୁ ସାଇକ୍ଲୋନ ଶେଲ୍ଟରରେ ଆଶ୍ରୟ ନେଇଥିଲେ। ବର୍ତ୍ତମାନ ଘରକୁ ଫେରିଥିଲେ ମଧ୍ୟ ଭଙ୍ଗା ଘରରେ ରହିବାକୁ ବାଧ୍ୟ ହେଉଛନ୍ତି।
ଘର ଭିତରେ ପାଣି ଜମି ରହିଥିବାରୁ ସାପ ବାହାରିବା ଘଟଣା ବଢ଼ିଛି। ଏହା ସ୍ଥାନୀୟ ଲୋକଙ୍କ ମଧ୍ୟରେ ଭୟ ସୃଷ୍ଟି କରିଛି।
ଗତ ତିନି ଦିନ ଧରି ଲଗାଣ ବର୍ଷା ହେବାରୁ ବନ୍ୟା ପରବର୍ତ୍ତୀ ପରିସ୍ଥିତି ଆହୁରି ଜଟିଳ ହୋଇପଡ଼ିଛି। କ୍ଷତିଗ୍ରସ୍ତ ଲୋକଙ୍କ ପାଇଁ ସାଧାରଣ ଜୀବନକୁ ଫେରିବା କଷ୍ଟକର ହୋଇଛି।
ଜଣେ ଚାଷୀ କହିଛନ୍ତି,"ମୁଁ ୬ ଏକର ଜମିରେ ତିନିଥର ଧାନ ରୋଇଥିଲି। କିନ୍ତୁ ପ୍ରତ୍ୟେକ ଥର ବନ୍ୟା ମୋର ଫସଲକୁ ନଷ୍ଟ କରିଦେଲା। ଏବେ ଆଉ ଚାଷ କରିବାର ସାହସ ନାହିଁ।"
ପ୍ରଶାସନ ପକ୍ଷରୁ କ୍ଷୟକ୍ଷତିର ଆକଳନ କରାଯାଉଥିବା ବେଳେ ଚାଷୀମାନେ ତୁରନ୍ତ ସହାୟତା ଓ ଉଚିତ କ୍ଷତିପୂରଣ ଦାବି କରିଛନ୍ତି।
ଓଡ଼ିଶାରେ ବର୍ଷାର ପ୍ରଭାବ ଜାରି ରହିଥିବାବେଳେ ଆସନ୍ତା ଦୁଇ...
ସୁବର୍ଣ୍ଣପୁର ଜିଲ୍ଲାର ବିନିକା କମ୍ୟୁନିଟି ହେଲ୍ଥ ସେଣ୍ଟର...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର ପ...
ମେଷ ଏହି ସପ୍ତାହ ଆପଣଙ୍କ କର୍ମକ୍ଷେତ୍ର ପାଇଁ ଉତ୍ସାହଜନ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମ...
ଓଡ଼ିଶାରେ ଆସନ୍ତା ପାଞ୍ଚ ଦିନ ଧରି ବ୍ୟାପକ ବର୍ଷା ଜାରି ରହ...
ଲଘୁଚାପର ପ୍ରଭାବରେ ବାଲେଶ୍ୱର ଜିଲ୍ଲାରନୀଳଗିରି ଅଞ୍ଚଳରେ ପ...
