ଭଦ୍ରକ ଜିଲ୍ଲା ଧାମନଗର ବ୍ଲକ ଅନ୍ତର୍ଗତ କୋଠାର ପଞ୍ଚାୟତର ମିର୍ଗାହାଟ ଗାଁରେ ବନ୍ୟାଜଳ କମିବା ପରେ ଏବେ ଆରମ୍ଭ ହୋଇଛି ଜୀବନକୁ ପୁଣି ଥରେ ସଜାଡ଼ିବାର ସଂଘର୍ଷ। ଗେଙ୍ଗୁଟି ନଦୀର ବନ୍ୟାଜଳ ଗାଁରେ ପଶିବାରୁ ଅନେକ ପରିବାର ଘରଛାଡ଼ି ସୁରକ୍ଷିତ ସ୍ଥାନରେ ଆଶ୍ରୟ ନେଇଥିଲେ। ବର୍ତ୍ତମାନ ପାଣି କମିବା ପରେ ସେମାନେ ଘରକୁ ଫେରିଥିଲେ ମଧ୍ୟ ଭାଙ୍ଗିପଡ଼ିଥିବା ମାଟିଘର ଓ ନଷ୍ଟ ହୋଇଯାଇଥିବା ଘରୋଇ ସାମଗ୍ରୀ ସେମାନଙ୍କ ଚିନ୍ତା ବଢ଼ାଇଛି।
ଗାଁର ଅନେକ ମାଟିଘରର କାନ୍ଥ ଧସିଯାଇଥିବା ବେଳେ କିଛି ଘର ସମ୍ପୂର୍ଣ୍ଣ ବାସଯୋଗ୍ୟ ରହିନାହିଁ। ପରିବାର ଲୋକେ ନିଜେ ମାଟି, ବାଉଁଶ ଓ ଅନ୍ୟାନ୍ୟ ସାମଗ୍ରୀ ସଂଗ୍ରହ କରି ଘର ମରାମତି କରିବାରେ ଲାଗିଛନ୍ତି। ଅନେକଙ୍କ କହିବା ଅନୁସାରେ, ସରକାରୀ ଆବାସ ଯୋଜନାର ସହାୟତା ମିଳିନଥିବାରୁ ବନ୍ୟା ପରେ ପୁଣି ଥରେ ଘର ତିଆରି କରିବା ବଡ଼ ଚ୍ୟାଲେଞ୍ଜ ହୋଇପଡ଼ିଛି।
ବନ୍ୟା ସମୟରେ ଅଣ୍ଟାଏ ପାଣି ଘରେ ପଶିଯାଇଥିବାରୁ ଚୁଲି, ଖାଦ୍ୟ ସାମଗ୍ରୀ ଓ ଦୈନନ୍ଦିନ ବ୍ୟବହାରର ଜିନିଷପତ୍ର ନଷ୍ଟ ହୋଇଯାଇଛି। କିଛି ପରିବାର ପଡ଼ୋଶୀଙ୍କ ଘରେ ଅସ୍ଥାୟୀ ଆଶ୍ରୟ ନେଇଥିବା ବେଳେ ଆଉ କିଛି ଲୋକ ରନ୍ଧା ଖାଦ୍ୟ ଉପରେ ନିର୍ଭର କରି ଦିନ କାଟିଛନ୍ତି। ବର୍ତ୍ତମାନ ଘର ଶୁଖିବା ପରେ ହିଁ ସେମାନେ ପୁଣି ସାଧାରଣ ଜୀବନକୁ ଫେରିପାରିବେ ବୋଲି କହିଛନ୍ତି।
ସ୍ଥାନୀୟ ଲୋକଙ୍କ କହିବା ଅନୁସାରେ, ବନ୍ୟା ପ୍ରତିବର୍ଷ ଏଭଳି କ୍ଷତି ଘଟାଉଥିବାରୁ ନଦୀକୂଳରେ ରହୁଥିବା ମାଟିଘର ପରିବାରମାନଙ୍କ ପାଇଁ ସ୍ଥାୟୀ ବାସଗୃହ ଅତ୍ୟନ୍ତ ଆବଶ୍ୟକ। ସରକାରୀ ସହାୟତା ଓ ଆବାସ ଯୋଜନାର ସୁବିଧା ଶୀଘ୍ର ମିଳିଲେ ସେମାନେ ପୁଣି ସ୍ୱାଭାବିକ ଜୀବନକୁ ଫେରିପାରିବେ ବୋଲି ଆଶା ପ୍ରକାଶ କରିଛନ୍ତି।
ଓଡ଼ିଶା କ୍ରିକେଟ୍ ବର୍ତ୍ତମାନ ଏହାର ସବୁଠୁ କଠିନ ସମୟ ମଧ୍ୟ...
ଭାରତରେ ଦେଖିବାକୁ ମିଳିବ ବ୍ରାଜିଲ ଫୁଟବଲର ଯାଦୁ। ଫୁଟବଲ୍ର...
ଦ ହଣ୍ଡ୍ରେଡ୍‌ କ୍ରିକେଟ୍‌ ପ୍ରତିଯୋଗିତାରେ ଭାର...
FIH ହକି ବିଶ୍ୱକପ୍‌ ପୂର୍ବରୁ ଭାରତୀୟ ପୁରୁଷ ହକି ଦଳ...
ଆମେରିକାର ପ୍ରମୁଖ ତଦନ୍ତକାରୀ ସଂସ୍ଥାଫେଡେରାଲ ବ୍ୟୁରୋ ଅଫ୍...
ବିହାରର ଜହାନାବାଦ ଜିଲ୍ଲାରେ ଘଟିଥିବା ଏକ ନିର୍ମମ ହତ୍ୟାକା...
ଭାରତୀୟ ସିନେମାର ବହୁ ପ୍ରତୀକ୍ଷିତ ପ୍ରକଳ୍ପ ‘ରାମାୟ...
ବହୁ ପ୍ରତୀକ୍ଷିତ ପୌରାଣିକ ଚଳଚ୍ଚିତ୍ର **‘ରାମାୟଣ&r...
‘ମହାପ୍ରଭୁ ଜଗନ୍ନାଥ’ ଆନିମେଟେଡ୍ ଫିଲ୍ମକୁ ନ...
ବିହାରରୁ ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି। ଜଣେଦିବ୍...
ଦକ୍ଷିଣ ଭାରତୀୟ ସୁପରଷ୍ଟାରଅଲ୍ଲୁ ଅର୍ଜୁନପୁଣିଥରେ ନିଜର ସର...
ଜଗତସିଂହପୁର ଜିଲ୍ଲାରପାରାଦୀପରେ ଏକ ବଡ଼ ନକଲି ମଦ କାରବାରର...
