ଭଦ୍ରକ:ଗୋଟିଏ ଗଛକୁ ନେଇ ଭଦ୍ରକ ଜିଲ୍ଲା ଚାନ୍ଦବାଲି ଅଞ୍ଚଳରେ ବଢ଼ିଛି ଭୟ। ଚାନ୍ଦବାଲି କଲେଜ ରୋଡ୍ରେ ଗୋଟିଏ ଗଛରେ ବାରମ୍ବାର ଗାଡ଼ି ପିଟିବାରୁ ଗତ ୧୫ ଦିନ ମଧ୍ୟରେ ଦୁଇ ଯୁବକଙ୍କ ମୃତ୍ୟୁ ହୋଇଛି। ଏହାସହ ୫ ଜଣ ଗୁରୁତର ଆହତ ହୋଇଥିବା କୁହାଯାଉଛି।
ଚାନ୍ଦବାଲି NACର ୪ ନମ୍ବର ୱାର୍ଡର ITI କଲେଜ ନିକଟରେ ରାସ୍ତାର ଏକ ବୁଲାଣିରେ ଏହି ଗଛଟି ରହିଛି। ସ୍ଥାନୀୟ ଲୋକଙ୍କ କହିବା ଅନୁସାରେ, ବୁଲାଣି ନିକଟରେ ଅନେକ ସମୟରେ ଗାଡ଼ି ଚାଳକ ନିୟନ୍ତ୍ରଣ ହରାଇ ଗଛରେ ପିଟି ହେଉଛନ୍ତି।
ରବିବାର ମଧ୍ୟ ଏହି ସ୍ଥାନରେ ଆଉ ଏକ ଦୁର୍ଘଟଣା ଘଟିବା ପରେ ଲୋକଙ୍କ ମଧ୍ୟରେ ଭୟ ଆହୁରି ବଢ଼ିଛି।
କ୍ରମାଗତ ଦୁର୍ଘଟଣା ପରେ ଏହି ଗଛକୁ ନେଇ ଅଞ୍ଚଳରେ ବିଭିନ୍ନ ଚର୍ଚ୍ଚା ଆରମ୍ଭ ହୋଇଛି। କିଛି ସ୍ଥାନୀୟ ଲୋକ ଏହା ପଛରେ ଅଲୌକିକ ଶକ୍ତି ଥିବା ନେଇ ଆଶଙ୍କା ପ୍ରକାଶ କରୁଛନ୍ତି।
ଭୟ ଦୂର କରିବା ପାଇଁ ସ୍ଥାନୀୟ ଯୁବକ ଓ ଗ୍ରାମବାସୀମାନେ ଗଛ ମୂଳରେ ପଞ୍ଚମୁଖୀ ହନୁମାନଙ୍କ ଛବି ସ୍ଥାପନ କରିବା ସହ ହୋମଯଜ୍ଞ ଓ ପୂଜାର୍ଚ୍ଚନା କରିଛନ୍ତି।
ସ୍ଥାନୀୟ ବାସିନ୍ଦା ସୁରେନ୍ଦ୍ର ମହାଳିକ କହିଛନ୍ତି ଯେ, ଏହି ରାସ୍ତାରେ ଲୋକେ ଗାଡ଼ି ନେଇ ଆସି ଗଛରେ ପିଟି ହେଉଛନ୍ତି। ଏପର୍ଯ୍ୟନ୍ତ ଦୁଇ ଜଣଙ୍କ ଜୀବନ ଯାଇଥିବା ବେଳେ ଆହତମାନଙ୍କ ମଧ୍ୟରୁ କିଛିଙ୍କ ଅବସ୍ଥା ଗୁରୁତର ଥିବା ସେ କହିଛନ୍ତି।
ତେବେ ଅନ୍ଧବିଶ୍ୱାସ ଅପେକ୍ଷା ରାସ୍ତାର ସୁରକ୍ଷା ବ୍ୟବସ୍ଥାକୁ ନେଇ ଅଧିକ ଚିନ୍ତିତ ସ୍ଥାନୀୟ ଲୋକ। ଦୁର୍ଘଟଣାପ୍ରବଣ ବୁଲାଣିରେ ବ୍ୟାରିକେଡ୍ ଲଗାଇବା ସହ ସ୍ପିଡ୍ ବ୍ରେକର ଏବଂ ହମ୍ପ୍ ବ୍ୟବସ୍ଥା କରିବାକୁ ସେମାନେ ପ୍ରଶାସନ ନିକଟରେ ଦାବି କରିଛନ୍ତି।
ଏହି ସ୍ଥାନକୁ ପ୍ରଶାସନ ଯାଞ୍ଚ କରି ଆବଶ୍ୟକ ସୁରକ୍ଷା ପଦକ୍ଷେପ ନେଲେ ଆଗାମୀ ଦିନରେ ଦୁର୍ଘଟଣା ରୋକାଯାଇପାରିବ ବୋଲି ସ୍ଥାନୀୟ ଲୋକ ଆଶା କରୁଛନ୍ତି।
ମାଢ଼ି ରୋଗ ଏବଂ ଆଲ୍ଜାଇମର୍ସ ରୋଗ ମଧ୍ୟରେ କୌଣସି ସମ୍ପର୍କ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
ନେପାଳରେ ଗତ ମାସରେ ଘଟିଥିବା ଭୟଙ୍କରଫ୍ଲାସ୍ ବନ୍ୟାପରେ ବିପ...
ନେପାଳର ଉତ୍ତର ଅଞ୍ଚଳରେ ଘଟିଥିବା ଭୟଙ୍କର ବନ୍ୟା ଓ ଭୂସ୍ଖଳ...
ପଞ୍ଜାବରେ ଚଳିତ ବର୍ଷ ପ୍ରଥମସନ୍ଦିଗ୍ଧ ସ୍ୱାଇନ୍ ଫ୍ଲୁ ମୃତ୍...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
ନେପାଳରେ ଅଗଷ୍ଟ ୨୬ରେ ଘଟିଥିବା ଭୟଙ୍କର Bhotekoshi ବନ୍ୟା...
