ବ୍ରହ୍ମପୁର OMVD କନଷ୍ଟେବଳ ଆଶୁତୋଷ ମୃଦଙ୍ଗିଆଙ୍କ ମୃତ୍ୟୁ ମାମଲାରେ ବଡ଼ ମୋଡ଼ ଆସିଛି। ମାମଲାର ତଦନ୍ତକୁ ନେଇ ହାଇକୋର୍ଟ ଅସନ୍ତୋଷ ପ୍ରକାଶ କରିବା ସହ ଏହାର ତଦନ୍ତ ଏବେ CB-CID କରିବ ବୋଲି ନିର୍ଦ୍ଦେଶ ଦେଇଛନ୍ତି।
ସୂଚନା ଅନୁସାରେ, ଜୁନ୍ ୫ ତାରିଖରେ ଆଶୁତୋଷଙ୍କୁ ଗୁରୁତର ଅବସ୍ଥାରେ ଟାଉନ୍ ଥାନା ଅନ୍ତର୍ଗତ ବିଜିପୁର ପୁଲିସ କଲୋନୀରୁ ଉଦ୍ଧାର କରାଯାଇଥିଲା। ପରେ ତାଙ୍କୁ MKCG ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରାଯାଇଥିଲା। ତାଙ୍କ ଶରୀରରେ ପ୍ରାୟ ୮୦ ପ୍ରତିଶତ ପୋଡ଼ା ଆଘାତ ହୋଇଥିବା ଜଣାପଡ଼ିଥିଲା। ପରେ ତାଙ୍କୁ AIIMS ଭୁବନେଶ୍ୱରରେ ଚିକିତ୍ସା କରାଯାଉଥିଲା।
ଚିକିତ୍ସାଧୀନ ଅବସ୍ଥାରେ ଆଶୁତୋଷଙ୍କ ଦୁଇଟି ମୃତ୍ୟୁକାଳୀନ ବୟାନ ରେକର୍ଡ କରାଯାଇଥିଲା। ଅଭିଯୋଗ ଅନୁସାରେ, ଉଭୟ ବୟାନରେ ସେ ତାଙ୍କ ପତ୍ନୀ ସନ୍ଧ୍ୟା ଓ ଶଳାଙ୍କ ସମ୍ପୃକ୍ତି ଥିବା ଉଲ୍ଲେଖ କରିଥିଲେ।
ଆଶୁତୋଷଙ୍କ ମୃତ୍ୟୁକାଳୀନ ବୟାନ ମଧ୍ୟରୁ ଗୋଟିଏ ବୟାନ ଜଣେ ଏକ୍ଜିକ୍ୟୁଟିଭ୍ ମାଜିଷ୍ଟ୍ରେଟଙ୍କ ଉପସ୍ଥିତିରେ ରେକର୍ଡ ହୋଇଥିବା କୋର୍ଟରେ ଉଲ୍ଲେଖ ହୋଇଥିଲା।
ମାମଲାରେ ପୁଲିସ ପକ୍ଷରୁ ଅଭିଯୁକ୍ତମାନଙ୍କର ପଲିଗ୍ରାଫ୍ ଟେଷ୍ଟ କରାଯାଇଥିଲା। ଏହି ଟେଷ୍ଟରୁ କୌଣସି ପ୍ରତିକୂଳ ପ୍ରମାଣ ମିଳିନଥିବା ଏବଂ ତଦନ୍ତ ଶେଷ ପର୍ଯ୍ୟାୟରେ ଥିବା ପୁଲିସ କୋର୍ଟକୁ ଜଣାଇଥିଲା।
ତେବେ ମୃତ୍ୟୁକାଳୀନ ବୟାନରେ ଅଭିଯୁକ୍ତଙ୍କ ସମ୍ପୃକ୍ତି ନେଇ ଉଲ୍ଲେଖ ଥିବା ସତ୍ତ୍ୱେ ପୁଲିସ ତଦନ୍ତର ଫଳାଫଳରେ ହାଇକୋର୍ଟ ସନ୍ତୁଷ୍ଟ ହୋଇନଥିଲେ।
ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ, ବ୍ରହ୍ମପୁର SP ମାମଲା ସମ୍ପର୍କିତ ସମସ୍ତ ରେକର୍ଡ ତୁରନ୍ତ CB-CIDକୁ ହସ୍ତାନ୍ତର କରିବେ।
ନିୟମିତ ପୁଲିସର ତଦନ୍ତରେ ଅସନ୍ତୋଷ ପ୍ରକାଶ କରି କୋର୍ଟ ଏହି ନିର୍ଦ୍ଦେଶ ଦେଇଛନ୍ତି। ବିଶେଷକରି ଏକ୍ଜିକ୍ୟୁଟିଭ୍ ମାଜିଷ୍ଟ୍ରେଟଙ୍କ ଉପସ୍ଥିତିରେ ରେକର୍ଡ ହୋଇଥିବା ମୃତ୍ୟୁକାଳୀନ ବୟାନକୁ ନେଇ ତଦନ୍ତର ଗତି ଉପରେ କୋର୍ଟ ପ୍ରଶ୍ନ ଉଠାଇଛନ୍ତି।
ପ୍ରାଥମିକ ଅଭିଯୋଗ ଅନୁସାରେ, ଜୁନ୍ ମାସର ପ୍ରଥମ ସପ୍ତାହରେ ଆଶୁତୋଷଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇ ଦିଆଯାଇଥିଲା। ଏହି ଘଟଣାରେ ତାଙ୍କ ପତ୍ନୀ ଓ ଶଳାଙ୍କ ସମ୍ପୃକ୍ତି ଥିବା ଆଶୁତୋଷ ତାଙ୍କ ବୟାନରେ ଅଭିଯୋଗ କରିଥିବା ଜଣାପଡ଼ିଛି।
ଗୁରୁତର ଅବସ୍ଥାରେ ଚିକିତ୍ସାଧୀନ ଆଶୁତୋଷ ଜୁନ୍ ୧୨ ତାରିଖରେ ପ୍ରାଣ ହରାଇଥିଲେ।
ଆଶୁତୋଷଙ୍କ ମୃତ୍ୟୁ ପରେ ତାଙ୍କ ପରିବାର ପକ୍ଷରୁ ମାମଲାର ତଦନ୍ତ CBI ଦ୍ୱାରା କରାଇବାକୁ ଦାବି ହୋଇଥିଲା। ଏହାପରେ ଆଶୁତୋଷଙ୍କ ଭଉଣୀ ନିବେଦିତା ଦେବୀ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ।
ଭୁବନେଶ୍ୱର: ଭାରତୀୟ ସିନେମାର ସର୍ବୋଚ୍ଚ ସମ୍ମାନ ମଧ୍ୟରୁ ଅ...
ବକ୍ସ ଅଫିସ୍ରେ ଏବେ **‘Hanuman Ansh’**ର ଦ...
‘Mirzapur’ର ସଫଳତା ସହ ଏହାର ଗୀତଗୁଡ଼ିକ ମଧ...
ତାମିଲନାଡୁର ଶାସକ ମେଣ୍ଟ ଏବେ ନିଜର ଏକ ସ୍ୱତନ୍ତ୍ର ରାଜନୈତ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ଫିଲ୍ମମେକରବିବେକ ଅଗ୍ନିହୋତ୍ରୀ‘Hanuman Ansh&rsqu...
