ବଙ୍ଗୋପସାଗରରେ ଘଟିଥିବା ଏକ ହୃଦୟବିଦାରକ ଟ୍ରଲର୍ ଦୁର୍ଘଟଣାରେ ୯ ଜଣ ମତ୍ସ୍ୟଜୀବୀଙ୍କ ମୃତଦେହ ଉଦ୍ଧାର କରାଯାଇଛି। ଏବେ ବି ୭ ଜଣ ମତ୍ସ୍ୟଜୀବୀ ନିଖୋଜ ଥିବାବେଳେ ସେମାନଙ୍କ ସନ୍ଧାନରେ ବ୍ୟାପକ ଉଦ୍ଧାର ଅଭିଯାନ ଚାଲିଛି। ନିଖୋଜଙ୍କ ମଧ୍ୟରେ ବାଲେଶ୍ୱର ଜିଲ୍ଲାର ଭୋଗରାଇ ଅଞ୍ଚଳର ୩ ଭାଇ ଥିବା ସୂଚନା ମିଳିଛି।
ସୂଚନା ଅନୁସାରେ, ୧୧ ଦିନ ଧରି ନିଖୋଜ ଥିବା ଟ୍ରଲର୍ଟି ଗତକାଲି ପଶ୍ଚିମବଙ୍ଗର ଦୀଘାଠାରୁ ପ୍ରାୟ ୧୦୦ କିଲୋମିଟର ଦୂରରେ ଏବଂ କାକଦ୍ୱୀପ ବକଖାଲିଠାରୁ ପ୍ରାୟ ୧୬ କିଲୋମିଟର ଦୂରରେ ଥିବା ରକ୍ତେଶ୍ୱରୀ ବାଲିଚଡ଼ ନିକଟରେ ଓଲଟି ପଡ଼ିଥିବା ଅବସ୍ଥାରେ ଠାବ କରାଯାଇଥିଲା।
କିଛି ସ୍ଥାନୀୟ ମତ୍ସ୍ୟଜୀବୀ ଟ୍ରଲର୍ଟିକୁ ଦେଖି ପ୍ରଶାସନକୁ ଖବର ଦେଇଥିଲେ। ସେମାନଙ୍କ ସୂଚନା ଆଧାରରେ ତଟ ସୁରକ୍ଷା ବାହିନୀ, ନୈବାହିନୀ, ଏସ୍ଟିଆର୍ (STR), ବନ ବିଭାଗ, ସୁନ୍ଦରବନ କୋଷ୍ଟାଲ୍ ପୁଲିସ ଏବଂ ପଶ୍ଚିମବଙ୍ଗର ଗୋବର୍ଦ୍ଧନପୁର ଅଞ୍ଚଳର ଅଭିଜ୍ଞ ମତ୍ସ୍ୟଜୀବୀଙ୍କୁ ନେଇ ଏକ ମିଳିତ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲା।
ଉଦ୍ଧାରକାରୀ ଦଳ ଟ୍ରଲର୍ରୁ ୯ ଜଣଙ୍କ ମୃତଦେହ ଉଦ୍ଧାର କରିଛନ୍ତି। ଅବଶିଷ୍ଟ ୭ ଜଣ ନିଖୋଜ ମତ୍ସ୍ୟଜୀବୀଙ୍କୁ ଖୋଜିବା ପାଇଁ ସମୁଦ୍ରରେ ବ୍ୟାପକ ତଲାସି ଅଭିଯାନ ଜାରି ରହିଛି।
ଏସ୍ଟିଆର୍ ଅଧିକାରୀ ଚିତ୍ର ଭଟ୍ଟାଚାର୍ଯ୍ୟ, ରାମଗଙ୍ଗା ରେଞ୍ଜ ଅଧିକାରୀ କବିର ହୁସେନଙ୍କ ନେତୃତ୍ୱରେ ବନ ବିଭାଗ, ସୁନ୍ଦରବନ ଓ ଗୋବର୍ଦ୍ଧନ କୋଷ୍ଟାଲ୍ ପୁଲିସର ଟିମ୍ ଉଦ୍ଧାର କାର୍ଯ୍ୟରେ ସକ୍ରିୟ ଭାବେ ସହଯୋଗ କରୁଛନ୍ତି।
ଟ୍ରଲର୍ଟି କିପରି ଦୁର୍ଘଟଣାଗ୍ରସ୍ତ ହେଲା ଏବଂ ଏହା ପଛର ପ୍ରକୃତ କାରଣ କ'ଣ, ସେନେଇ ସମ୍ପୃକ୍ତ କର୍ତ୍ତୃପକ୍ଷ ତଦନ୍ତ ଜାରି ରଖିଛନ୍ତି।
ରବିବାର ଭୋର ସମୟରେବଙ୍ଗୋପସାଗରରେ ୪.୫ ତୀବ୍ରତାର ଭୂମିକମ୍ପ...
ଇରାନରଇସ୍ଲାମିକ୍ ରିଭୋଲ୍ୟୁସନାରୀ ଗାର୍ଡ କର୍ପ୍ସ (IRGC)ଶନ...
ଓଡ଼ିଶାରେ ଆସନ୍ତା ସାତ ଦିନ ଧରି ବର୍ଷାର ପ୍ରଭାବ ଜାରି ରହି...
ଭବିଷ୍ୟତର ଯୁଦ୍ଧରେ କୃତ୍ରିମ ବୁଦ୍ଧିମତା (AI)ର ବ୍ୟବହାର ବ...
ଓମାନ ଉପକୂଳ ନିକଟବର୍ତ୍ତୀହର୍ମୁଜ୍ ପ୍ରଣାଳୀରେ ସାଇପ୍ରସ ପତ...
ହୀରାକୁଦ ଜଳଭଣ୍ଡାରରୁ ଛଡ଼ାଯାଇଥିବା ଚଳିତ ଋତୁର ପ୍ରଥମ ବନ୍...
ଦେଶରେ ଜରୁରୀ ଔଷଧକୁ ସାଧାରଣ ଲୋକଙ୍କ ପାଇଁ ଅଧିକ ସୁଲଭ ଓ ସ...
ଓଡ଼ିଶାରେ ଆସନ୍ତା କିଛି ଦିନ ମଧ୍ୟରେ ବର୍ଷାର ପ୍ରକୋପ ବଢ଼ି...
ଆମେରିକାରସେଣ୍ଟ୍ରାଲ କମାଣ୍ଡ (CENTCOM)ଶନିବାର (ସ୍ଥାନୀୟ...
ମେକ୍ସିକୋର ପଶ୍ଚିମାଞ୍ଚଳ ଜାଲିସ୍କୋ ରାଜ୍ୟରେ ସୋମବାର ଏକ ମ...
ଥାଇଲ୍ୟାଣ୍ଡର ରାଜଧାନୀ ବ୍ୟାଙ୍କକର ଚାତୁଚକ ଜିଲ୍ଲାରେ ଥିବା...
ପବିତ୍ର ରଥଯାତ୍ରା ଚାଲିଥିବା ବେଳେ ଓଡ଼ିଶାରେ ବର୍ଷାକୁ ନେଇ...
