ମୟୂରଭଞ୍ଜ ଜିଲ୍ଲାର ବାରିପଦା ସହରରେ ଏକ ଗୁରୁତ୍ୱପୂର୍ଣ୍ଣ ପାଲିଓଣ୍ଟୋଲଜିକାଲ୍ ଆବିଷ୍କାର ସାମ୍ନାକୁ ଆସିଛି। ପ୍ରାୟ ୧୫ ମିଲିୟନ ବର୍ଷ ପୁରୁଣା ବୋଲି ଅନୁମାନ କରାଯାଉଥିବା କିଛି ଜୀବାଶ୍ମ ଏଠାରେ ମିଳିଛି, ଯାହା ମଧ୍ୟରେ ସାର୍କ ମାଛର ଦାନ୍ତ, କଶେରୁକା ଏବଂ ଶରୀରର ଅନ୍ୟାନ୍ୟ ଅଂଶ ଥିବା ସନ୍ଦେହ କରାଯାଉଛି।
ଏହି ଜୀବାଶ୍ମଗୁଡ଼ିକୁ ମହାରାଜା ଶ୍ରୀରାମ ଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟର ରିମୋଟ୍ ସେନ୍ସିଂ ଓ GIS ବିଭାଗର ସହକାରୀ ପ୍ରାଧ୍ୟାପକ ଡ଼. ଦେବବ୍ରତ ନନ୍ଦୀ ଚିହ୍ନଟ କରିଛନ୍ତି। ଛାତ୍ରଛାତ୍ରୀଙ୍କ ସହ ଏକ ଫିଲ୍ଡ ଭିଜିଟ୍ ସମୟରେ ସେ କିଛି ଅସାଧାରଣ ଅବଶେଷ ଦେଖିଥିଲେ। ସ୍ଥାନୀୟ ଲୋକମାନେ ଏହାକୁ ‘ଅସୁର ହାଡ଼’ ବୋଲି କହୁଥିବା ଜଣାପଡ଼ିଥିଲା।
ପରବର୍ତ୍ତୀ ତଦନ୍ତରେ ସାର୍କ ଦାନ୍ତ, ସାର୍କର କଶେରୁକା ଓ ଅନ୍ୟାନ୍ୟ କିଛି କ୍ଷୁଦ୍ର ଜୀବାଶ୍ମ ଚିହ୍ନଟ ହୋଇଥିଲା। ତେବେ କିଛି ଜୀବାଶ୍ମର ପରିଚୟ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଏହାର ସଠିକ୍ ବୈଜ୍ଞାନିକ ମୂଲ୍ୟାଙ୍କନ ପାଇଁ ବିଭିନ୍ନ ଜୀବାଶ୍ମ ଗବେଷଣା ସଂସ୍ଥାର ବିଶେଷଜ୍ଞମାନଙ୍କ ସହ ଯୋଗାଯୋଗ କରାଯାଇଛି।
ଡ଼. ନନ୍ଦୀଙ୍କ ମତାନୁସାରେ, ଏହି ଜୀବାଶ୍ମଗୁଡ଼ିକ ମାୟୋସିନ୍ ଯୁଗର, ଅର୍ଥାତ୍ ପ୍ରାୟ ୧୫ ମିଲିୟନ ବର୍ଷ ପୁରୁଣା। ସାର୍କ ଏବଂ ଅନ୍ୟାନ୍ୟ ସାମୁଦ୍ରିକ ପ୍ରାଣୀଙ୍କ ଜୀବାଶ୍ମ ମିଳିଥିବାରୁ ଏହି ଅଞ୍ଚଳ ଏକଦା ସମୁଦ୍ର ଅଞ୍ଚଳ ଥିବା ସ୍ପଷ୍ଟ ହେଉଛି।
ବର୍ତ୍ତମାନ ବାରିପଦାଠାରୁ ସମୁଦ୍ର ପ୍ରାୟ ୬୦ କିଲୋମିଟର ଦୂରରେ ଥିବାବେଳେ, ଅତୀତରେ ସମୁଦ୍ର ଉପକୂଳ କିପରି ପରିବର୍ତ୍ତିତ ହେଲା ଓ କେଉଁ କାରଣରୁ ସମୁଦ୍ର ଏହି ଅଞ୍ଚଳରୁ ଦୂରକୁ ସରିଗଲା, ସେନେଇ ଅଧିକ ଗବେଷଣାର ଆବଶ୍ୟକତା ରହିଛି। ଏହି ଆବିଷ୍କାର ଓଡ଼ିଶାର ଭୂତାତ୍ତ୍ୱିକ ଏବଂ ପରିବେଶଗତ ଇତିହାସ ବୁଝିବାରେ ନୂଆ ଦିଗ ଖୋଲିପାରେ।
ମଙ୍ଗଳବାର ସନ୍ଧ୍ୟାରେ ମୁମ୍ବାଇ-ଅହମଦାବାଦବନ୍ଦେ ଭାରତ ଏକ୍ସ...
ଆମେରିକାର Federal Bureau of Investigation (FBI) ମଞ୍...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
କେରଳର କୋଚିରେ ଜଣେ କଲେଜ ଛାତ୍ରଙ୍କ ବିରୋଧରେ ଶିକ୍ଷକ ଓ ସହ...
ଦିଲ୍ଲୀରେ ବଢୁଥିବା ସାଇବର ଅପରାଧ ଓ ଟେକ୍ନୋଲୋଜି ଆଧାରିତ ଧ...
