ସୁନ୍ଦରଗଡ଼ ଜିଲ୍ଲାର ହେମଗିର ଅଞ୍ଚଳରେ ଘଟିଛି ଏକ ଦୁଃଖଦ ସଡ଼କ ଦୁର୍ଘଟଣା। ଏମସିଏଲ (MCL) ବାଙ୍କିବାହଲ ପାର୍କିଂ ୟାର୍ଡରେ ଅଜଣା କୋଇଲା ବୋଝେଇ ଟ୍ରକ୍ ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି।
ମୃତକଙ୍କ ପରିଚୟ ଛତିଶଗଡ଼ ରାଜ୍ୟ ରାଏଗଡ଼ ଥାନା ଅଞ୍ଚଳର ଲେଲୁଙ୍ଗା ଗ୍ରାମର ବିଜୟ କୁମାର ଶବର ଭାବେ ହୋଇଛି। ସୂଚନା ଅନୁଯାୟୀ, ଗତକାଲି ସକାଳ ସମୟରେ ସେ ପାର୍କିଂ ଅଞ୍ଚଳରେ ବୁଲାବୁଲି କରୁଥିବା ଦେଖାଯାଇଥିଲେ।
କିନ୍ତୁ ବିଳମ୍ବିତ ରାତିରେ ଏକ ଅଜଣା ଟ୍ରକ୍ ତାଙ୍କୁ ଧକ୍କା ଦେଇ ପଳାଇଯାଇଥିଲା। ଦୁର୍ଘଟଣା ପରେ ସେ ଗୁରୁତର ଆହତ ହୋଇ ପଡ଼ିଥିଲେ ମଧ୍ୟ, କାହାର ନଜର ପଡ଼ିନଥିବାରୁ ସମୟରେ ଚିକିତ୍ସା ମିଳିନଥିଲା। ଫଳରେ ସେଠାରେ ହିଁ ତାଙ୍କର ମୃତ୍ୟୁ ଘଟିଥିବା ସନ୍ଦେହ କରାଯାଉଛି।
ଘଟଣା ସମ୍ପର୍କରେ ଖବର ପାଇ ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଦୁର୍ଘଟଣା ଘଟାଇଥିବା ଟ୍ରକ୍ ଓ ତାହାର ଚାଳକଙ୍କୁ ଚିହ୍ନଟ କରିବା ପାଇଁ ପୋଲିସ୍ ତଦନ୍ତ ଜାରି ରଖିଛି।
ଏହି ଘଟଣା ପୁନର୍ବାର ପାର୍କିଂ ଯାର୍ଡ ଓ ଶିଳ୍ପ ଅଞ୍ଚଳର ସୁରକ୍ଷା ବ୍ୟବସ୍ଥାକୁ ପ୍ରଶ୍ନରେ ରଖିଛି।
“Bharat Maritime Insurance Pool” ହେଉଛି...
ବିଶ୍ୱରେ Fatty Liver Disease ଦ୍ରୁତ ଗତିରେ ବଢ଼ୁଛି ଓ ଏ...
ଆଜିକାଲି ଅନେକେ ସୁଗର୍ କମାଇବା କିମ୍ବା ପୂରାପୁରି ବନ୍ଦ କର...
ଭାରତର ସବୁଠାରୁ ବଡ଼ ପ୍ରତିରକ୍ଷା କ୍ରୟ ପ୍ରକଳ୍ପମାନଙ୍କ ମଧ...
Q4 ଫଳାଫଳ ପରେ ICICI Bank ଓ HDFC Bank ଦୁହେଁ ନିବେଶକମା...
କେନ୍ଦ୍ର ସରକାର ସମ୍ପ୍ରତି 2% ମହଙ୍ଗା ଭତ୍ତା (Dearness A...
ଭାରତୀୟ ସଙ୍ଗୀତ ଜଗତର ଦିଗଗଜ Asha Bhosleଙ୍କ ମୃତ୍ୟୁ ସହି...
