କଟକ ଜିଲ୍ଲା ବାଙ୍କୀ ଅଞ୍ଚଳରେ ଏକ ବଡ଼ ଲୁଟ୍ ଘଟଣା ସାମ୍ନାକୁ ଆସିଛି। ବାଙ୍କୀ ଥାନା ଅଧୀନ ଧସଙ୍ଗ ଗାଁରେ ଜଣେ ବ୍ୟବସାୟୀଙ୍କ ଘରୁ ନଗଦ ଟଙ୍କା ଓ ସୁନା ଅଳଙ୍କାର ଲୁଟ୍ ହୋଇଥିବା ଅଭିଯୋଗ ହୋଇଛି। ଶନିବାର ବିଳମ୍ବିତ ରାତିରେ ପରିବାର ସଦସ୍ୟମାନେ ଶୋଇଥିବା ବେଳେ ଏହି ଘଟଣା ଘଟିଥିବା କୁହାଯାଉଛି।
ସୂଚନା ଅନୁଯାୟୀ, ଧସଙ୍ଗ ଗାଁର ହାଇସ୍କୁଲ ନିକଟରେ ବ୍ୟବସାୟୀ ଚିତ୍ତରଞ୍ଜନ ସାହୁଙ୍କ ଘର। ତାଙ୍କ ଅଭିଯୋଗ ଅନୁସାରେ, ଦୁର୍ବୃତ୍ତମାନେ ଘରର ଆଲମିରା ଭାଙ୍ଗି ନଗଦ ଟଙ୍କା ଓ ସୁନା ଅଳଙ୍କାର ନେଇ ଫେରାର ହୋଇଯାଇଛନ୍ତି।
ଚିତ୍ତରଞ୍ଜନଙ୍କ କହିବା ଅନୁଯାୟୀ, ସେ, ତାଙ୍କ ପତ୍ନୀ ଓ ଝିଅ ରାତି ପ୍ରାୟ ୧୦ଟାରୁ ୧୦ଟା ୩୦ ମଧ୍ୟରେ ଖାଇସାରି ଶୋଇଥିଲେ। ରାତି ପ୍ରାୟ ୧ଟା ୪୫ରେ ସେ ଶୌଚାଳୟ ଯିବା ପାଇଁ ଉଠିଥିଲେ। ଏହାପରେ ଘରକୁ ଫେରି କବାଟ ବନ୍ଦ କରି ପୁଣି ଶୋଇପଡ଼ିଥିବା ସେ କହିଛନ୍ତି।
ପରେ ଘର ଯାଞ୍ଚ କରିବା ସମୟରେ ଆଲମିରାର ଲକର ଖୋଲା ଥିବା ଦେଖିବାକୁ ମିଳିଥିଲା। ଘରେ ରଖାଯାଇଥିବା ଟଙ୍କା ଓ ଅଳଙ୍କାର ନଥିବା ଜଣାପଡ଼ିବା ପରେ ପରିବାର ପକ୍ଷରୁ ପୁଲିସକୁ ଖବର ଦିଆଯାଇଥିଲା।
ଅଭିଯୋଗ ଅନୁସାରେ, ଲୁଟ୍ ହୋଇଥିବା ସାମଗ୍ରୀ ମଧ୍ୟରେ ୪ ଲକ୍ଷ ୫୦ ହଜାର ଟଙ୍କା ନଗଦ, ୫୦୦ ଟଙ୍କିଆ ନୋଟର ୮ଟି ବଣ୍ଡଲ, ଗୋଟିଏ ହାର, ଗୋଟିଏ ଛୋଟ ଚେନ୍ ଓ ୯ଟି ମୁଦି ରହିଛି।
ପରିବାର ପକ୍ଷରୁ ଥାନାରେ ଅଭିଯୋଗ ଦାଖଲ କରାଯିବା ପରେ ବାଙ୍କୀ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ଲୁଟେରାଙ୍କୁ ଧରିବା ପାଇଁ ପୁଲିସ ସନ୍ଧାନୀ କୁକୁର ଓ ବୈଜ୍ଞାନିକ ଟିମ୍ର ସହାୟତା ନେଇଛି। ପ୍ରାଥମିକ ଭାବେ ବ୍ୟବସାୟୀଙ୍କ ଘରକୁ ଲକ୍ଷ୍ୟ କରି ଲୁଟ୍ ହୋଇଥାଇପାରେ ବୋଲି ପୁଲିସ ସନ୍ଦେହ କରୁଛି। ଘଟଣାରେ ସମ୍ପୃକ୍ତ ଦୁର୍ବୃତ୍ତଙ୍କ ସମ୍ପର୍କରେ ତଦନ୍ତ ଜାରି ରହିଛି।
ୱାଶିଂଟନ୍: ଆମେରିକାର ରାଜନୀତିରେ ବଡ଼ ପରିବର୍ତ୍ତନ। ୨୦୨୬...
ମଧ୍ୟପ୍ରାଚ୍ୟରେ ଜାରି ରହିଥିବା ଯୁଦ୍ଧ ଓ ଉତ୍ତେଜନା ମଧ୍ୟରେ...
ସ୍ପେନ୍‌ରେ ଘଟିଥିବା ଭୟାବହ ହାଇସ୍ପିଡ୍ ଟ୍ରେନ୍ ଦୁର୍...
କେନ୍ଦ୍ରାପଡ଼ା: ଓଡ଼ିଶାର କେନ୍ଦ୍ରାପଡ଼ା ଜିଲ୍ଲା ମାର୍ଶାଘା...
ୱାଶିଂଟନ୍: ଆମେରିକାର ମଧ୍ୟବର୍ତ୍ତୀ ନିର୍ବାଚନ ପରେ ଡେମୋକ୍...
ୟୁରୋପ: ୟୁରୋପରେ ବିମାନ ଯାତ୍ରାକୁ ନେଇ ଦେଖାଦେଇଛି ଆତଙ୍କ।...
