ବାଲିଅନ୍ତାରେ GRP କନଷ୍ଟେବଲ ସୌମ୍ୟ ରଞ୍ଜନ ସ୍ୱାଇଁଙ୍କ ମୃତ୍ୟୁ ଘଟଣାରେ ଓଡ଼ିଶା କ୍ରାଇମବ୍ରାଞ୍ଚ ତଦନ୍ତକୁ ଆହୁରି ଜୋରଦାର କରିଛି। ମଙ୍ଗଳବାର କ୍ରାଇମବ୍ରାଞ୍ଚ ଏହି ମାମଲାର ମୁଖ୍ୟ ଅଭିଯୁକ୍ତ ବିନୋଦ ବେହେରାଙ୍କୁ ଗିରଫ କରିଛି। ତାଙ୍କ ଗିରଫ ସହ ମାମଲାରେ ମୋଟ ଗିରଫ ସଂଖ୍ୟା ୧୬ରେ ପହଞ୍ଚିଛି।
ଗିରଫ ଅଭିଯୁକ୍ତ ବିନୋଦ ବେହେରା ଭୁବନେଶ୍ୱରର ସତ୍ୟନଗର ଅଞ୍ଚଳର ବାସିନ୍ଦା ହୋଇଥିବାବେଳେ କେନ୍ଦ୍ରାପଡ଼ା ଜିଲ୍ଲାର ଇନ୍ଦୁପୁର ଅଞ୍ଚଳରୁ ତାଙ୍କୁ ଧରାଯାଇଛି।
ଏହା ପୂର୍ବରୁ ଏହି ମାମଲାରେ ୧୫ ଜଣଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଥିଲା। ସର୍ବଶେଷ ଗିରଫ ପରେ ଏହି ସଂଖ୍ୟା ୧୬କୁ ବୃଦ୍ଧି ପାଇଛି।
କ୍ରାଇମବ୍ରାଞ୍ଚ ଏହି ମାମଲାର ତଦନ୍ତକୁ ଜିଲ୍ଲା ବାହାରକୁ ମଧ୍ୟ ବିସ୍ତାର କରିଛି। ତଦନ୍ତକାରୀ ଟିମ୍ ଥାନା ଓ ଘଟଣାସ୍ଥଳରେ ବିସ୍ତୃତ ତଦନ୍ତ କରିଥିବାବେଳେ ଅନ୍ୟାନ୍ୟ ଲୋକଙ୍କ ସମ୍ପୃକ୍ତି ନେଇ ମଧ୍ୟ ଖୋଜଖବର ଚାଲିଛି।
ସୂଚନା ଅନୁଯାୟୀ, ଘଟଣାରେ ୨୦ରୁ ଅଧିକ ଲୋକ ଜଡ଼ିତ ଥିବା ସନ୍ଦେହରେ କ୍ରାଇମବ୍ରାଞ୍ଚ ଅନ୍ୟ ଜିଲ୍ଲାରେ ମଧ୍ୟ ଚଢ଼ାଉ ଜାରି ରଖିଛି। ଭାଇରାଲ ଭିଡିଓକୁ ଆଧାର କରି ମାମଲାର ତଦନ୍ତ ଚାଲିଥିବାବେଳେ କ୍ରାଇମବ୍ରାଞ୍ଚ ଡିଜି ବିନୟତୋଷ ମିଶ୍ର କହିଛନ୍ତି ଯେ, ଘଟଣାର ବିଭିନ୍ନ ଦିଗକୁ ନେଇ ତଦନ୍ତ କରାଯାଉଛି।
ଏପର୍ଯ୍ୟନ୍ତ ଗିରଫ ହୋଇଥିବା ୧୬ ଜଣଙ୍କ ମଧ୍ୟରୁ ୧୧ ଜଣଙ୍କୁ କମିଶନରେଟ ପୁଲିସ ଗିରଫ କରିଥିବାବେଳେ କ୍ରାଇମବ୍ରାଞ୍ଚ ୫ ଜଣଙ୍କୁ ଗିରଫ କରିଛି।
ଅନ୍ୟପଟେ ମାମଲାର ତଦନ୍ତ ଚାଲିଥିବା ସମୟରେ ବରିଷ୍ଠ IPS ଅଧିକାରୀ ଦୟାଲ ଗଙ୍ଗୱାରଙ୍କୁ ହୋମ ଡିପାର୍ଟମେଣ୍ଟର OSD ଭାବେ ବଦଳି କରାଯାଇଛି। ସୌମ୍ୟଙ୍କ ପରିବାର ପକ୍ଷରୁ ତାଙ୍କ ବିରୋଧରେ ହେରାସମେଣ୍ଟ ଅଭିଯୋଗ ଆସିବା ପରେ ଏହି ବଦଳିକୁ ନେଇ ଚର୍ଚ୍ଚା ବଢ଼ିଛି।
ସୌମ୍ୟଙ୍କ ପରିବାର ଅଭିଯୋଗ କରିଛନ୍ତି ଯେ, ସେ ଦୟାଲ ଗଙ୍ଗୱାରଙ୍କ ଅଧୀନରେ କାମ କରୁଥିବା ସମୟରେ ମାନସିକ ଓ ଶାରୀରିକ ହେରାସମେଣ୍ଟର ଶିକାର ହୋଇଥିଲେ। ପରିବାରର ଅଭିଯୋଗ ଅନୁଯାୟୀ, ସୌମ୍ୟଙ୍କୁ ଗଙ୍ଗୱାର ଓ ତାଙ୍କ ପୁଅଙ୍କ ପାଇଁ ମସାଜ କରିବାକୁ ଓ ପ୍ରତିମାସ ଦୁଇଥର ୧୨ ହଜାର ଟଙ୍କାର ପ୍ରୋଟିନ ସପ୍ଲିମେଣ୍ଟ ମାଗଣାରେ ଆଣିବାକୁ କୁହାଯାଉଥିଲା।
ଏହି ଘଟଣା ମେ’ ୭ରେ ସାମ୍ନାକୁ ଆସିଥିଲା। ଭୁବନେଶ୍ୱର ଉପକଣ୍ଠର ଭିଙ୍ଗାରପୁର-କାଜା ଅଞ୍ଚଳରେ ଦୁଇ ଯୁବକଙ୍କ ବିରୋଧରେ ଦୁଇ ମହିଳା ଅସଦାଚରଣ ଅଭିଯୋଗ କରିଥିଲେ। ପରେ ସ୍ଥାନୀୟ ଲୋକ ଦୁଇ ଯୁବକଙ୍କୁ ଧରି ସାର୍ବଜନୀନ ଭାବେ ମାଡ଼ ମାରିଥିଲେ।
ଏହି ମାଡ଼ରେ GRP କନଷ୍ଟେବଲ ସୌମ୍ୟ ରଞ୍ଜନ ସ୍ୱାଇଁଙ୍କ ମୃତ୍ୟୁ ଘଟିଥିଲା ଓ ଅନ୍ୟ ଜଣେ ଯୁବକ ଆହତ ହୋଇଥିଲେ। ଘଟଣା ପରେ ମବ୍ ଜଷ୍ଟିସ, ପୁଲିସ ଅବହେଳା ଓ ମହିଳା ସୁରକ୍ଷାକୁ ନେଇ ଚିନ୍ତା ବଢ଼ିଥିଲା। ପରେ ରାଜ୍ୟ ସରକାର ଏହି ମାମଲାର ତଦନ୍ତ CID କ୍ରାଇମବ୍ରାଞ୍ଚକୁ ହସ୍ତାନ୍ତର କରିଥିଲେ।
କେରଳର ତିରୁବନନ୍ତପୁରମର କାର୍ଯ୍ୟଭଟ୍ଟମ ଅଞ୍ଚଳରେ ପୋଲିସ ଏକ...
ଭେନେଜୁଏଲାର କାର୍ଯ୍ୟବାହକ ରାଷ୍ଟ୍ରପତି ଡେଲସି ରୋଡ୍ରିଗେଜ୍...
Surat ରୁ ଏକ ଭୟଙ୍କର ଘଟଣା ପ୍ରକାଶରେ ଆସିଛି, ଯେଉଁଠାରେ 4...
ଇରାନ୍ ସହ ସମ୍ଭାବ୍ୟ ଶାନ୍ତି ଚୁକ୍ତିକୁ ନେଇ ଆମେରିକୀୟ ରାଷ...
ଇସ୍ଲାମ ଧର୍ମର ପାଞ୍ଚଟି ପ୍ରମୁଖ ସ୍ତମ୍ଭ ମଧ୍ୟରୁ ଗୋଟିଏ ପବ...
ଭୁବନେଶ୍ୱର ବାଲିଅନ୍ତାରେ GRP କନେଷ୍ଟବଲ ସୌମ୍ୟରଞ୍ଜନ ସ୍ୱା...
ସୋସିଆଲ୍ ମିଡିଆ ମାଧ୍ୟମରେ ବଢ଼ୁଥିବା ସାଇବର ଠକେଇର ଆଉ ଏକ...
ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଭାରତ-ରୁଷ ପ୍ରତିରକ୍ଷା...
