ବୈତରଣୀ ନଦୀର ଉପର ଓ ମଧ୍ୟ ଅବବାହିକାରେ ଲଗାଣ ବର୍ଷା ହେବା ଫଳରେ ଓଡ଼ିଶାର ତଳିଆ ଅଞ୍ଚଳରେ ସାମାନ୍ୟ ବନ୍ୟା ଆଶଙ୍କା ସୃଷ୍ଟି ହୋଇଛି। ଜଳସମ୍ପଦ ବିଭାଗର ମୁଖ୍ୟ ଯନ୍ତ୍ରୀ ଦିଲ୍ଲୀପ କୁମାର ରାଉତ ସୋମବାର ସୂଚନା ଦେଇ କହିଛନ୍ତି ଯେ, ଅପରାହ୍ନ ୪ଟା ପରେ ବୈତରଣୀ ନଦୀ ଆଖୁଆପଦାଠାରେ ବିପଦ ସୀମା ଅତିକ୍ରମ କରିପାରେ। ଏହାକୁ ନେଇ ତଳମୁଣ୍ଡ ଅଞ୍ଚଳଗୁଡ଼ିକୁ ସତର୍କ କରାଯାଇଛି।
ବିଭାଗର ସୂଚନା ଅନୁଯାୟୀ, ଆସନ୍ତା ୨୪ ଘଣ୍ଟା ମଧ୍ୟରେ ଯାଜପୁର, ଆଖୁଆପଦା ଓ ଭଦ୍ରକର କିଛି ତଳିଆ ଅଞ୍ଚଳରେ ସାମାନ୍ୟରୁ ମଧ୍ୟମ ଧରଣର ବନ୍ୟା ପରିସ୍ଥିତି ଉପୁଜିପାରେ। ବୈତରଣୀ ଅବବାହିକାରେ ହାରାହାରି ୭୩ ମିଲିମିଟର ବର୍ଷା ରେକର୍ଡ ହୋଇଛି।
ଜୁନ୍ ମାସରେ ରାଜ୍ୟରେ ସ୍ୱାଭାବିକଠାରୁ ୪୭ ପ୍ରତିଶତ କମ୍ ବର୍ଷା ହୋଇଥିଲେ ମଧ୍ୟ, ଜୁଲାଇ ମାସର ପ୍ରଥମ କିଛି ଦିନରେ ଲଗାଣ ବର୍ଷା ଯୋଗୁଁ ପରିସ୍ଥିତି ବଦଳିଛି। ଜୁଲାଇର ସାଧାରଣ ହାର ୨୭୧.୬ ମିଲିମିଟର ଥିବାବେଳେ ଏପର୍ଯ୍ୟନ୍ତ ୩୨୭.୩ ମିଲିମିଟର ବର୍ଷା ରେକର୍ଡ ହୋଇସାରିଛି। ଗତ ୨୪ ଘଣ୍ଟାରେ ସୁବର୍ଣ୍ଣପୁରରେ ସର୍ବାଧିକ ବର୍ଷା ହୋଇଥିବାବେଳେ ବୌଦ୍ଧରେ ମଧ୍ୟ ପ୍ରବଳ ବର୍ଷା ରେକର୍ଡ ହୋଇଛି।
ବର୍ତ୍ତମାନ ହୀରାକୁଦ ଜଳଭଣ୍ଡାରକୁ ଜଳ ପ୍ରବେଶ ମଧ୍ୟ ବୃଦ୍ଧି ପାଇଛି। ମଙ୍ଗଳବାର ସୁଦ୍ଧା ଏହା ପ୍ରାୟ ୨ ଲକ୍ଷ କ୍ୟୁସେକ୍ରେ ପହଞ୍ଚିବାର ସମ୍ଭାବନା ରହିଛି। ତେବେ ଜଳସ୍ତର ୬୦୭ ଆର୍ଏଲ୍ରେ ପହଞ୍ଚିବା ପର୍ଯ୍ୟନ୍ତ ଜଳ ନ ଛାଡ଼ିବାକୁ ବିଭାଗ ପ୍ରାଥମିକ ନିଷ୍ପତ୍ତି ନେଇଛି। ପରିସ୍ଥିତି ସମୀକ୍ଷା ପରେ ଜଳ ନିଷ୍କାସନ ସମ୍ପର୍କରେ ଚୂଡ଼ାନ୍ତ ନିଷ୍ପତ୍ତି ନିଆଯିବ।
ଅନ୍ୟପଟେ ବୈତରଣୀ ନଦୀର ଜଳସ୍ତର ବୃଦ୍ଧି ଯୋଗୁଁ ଯାଜପୁର ଜିଲ୍ଲାର ଦଶରଥପୁର ଓ କୋରେଇ ବ୍ଲକର ତଳିଆ ଅଞ୍ଚଳ ପ୍ରଭାବିତ ହୋଇପାରେ। ଦଶାଶ୍ୱମେଧ ଘାଟ ନିକଟସ୍ଥ ସପ୍ତମାତୃକା ମନ୍ଦିର ପାଦଦେଶ ପର୍ଯ୍ୟନ୍ତ ପାଣି ପହଞ୍ଚିଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ଆଶଙ୍କା ବଢ଼ିଛି।
ଜଳସମ୍ପଦ ବିଭାଗ କହିଛି ଯେ, ଆନନ୍ଦପୁରରୁ ପ୍ରାୟ ୧୭୦୦ କ୍ୟୁମେକ୍ସ ପାଣି ଛଡ଼ାଯାଉଛି। ଏହି ଜଳ ଆଖୁଆପଦାରେ ପହଞ୍ଚିବା ବେଳକୁ ବିପଦ ସୀମା ଅତିକ୍ରମ କରିପାରେ। ଏହାକୁ ନେଇ ଜିଲ୍ଲା ପ୍ରଶାସନ ସହ ନିରନ୍ତର ଯୋଗାଯୋଗ ରଖାଯାଇଥିବାବେଳେ ପରିସ୍ଥିତି ଉପରେ କଡ଼ା ନଜର ରଖାଯାଇଛି।
ସମଗ୍ର ୟୁରୋପ ବର୍ତ୍ତମାନ ଇତିହାସର ଅନ୍ୟତମ ଭୟଙ୍କର ଗ୍ରୀଷ୍...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍...
NEET ଓ JEE ପ୍ରବେଶିକା ପରୀକ୍ଷାରେ ଛାତ୍ରଛାତ୍ରୀଙ୍କ ଉପରେ...
ନୂଆଦିଲ୍ଲୀ: ଇବୋଲା ଭାଇରସ୍ ସଂକ୍ରମଣର ଆଶଙ୍କାକୁ ନଜରରେ ରଖ...
ମେଷ : ଏହି ସପ୍ତାହରେ ଆପଣଙ୍କ ପରିଶ୍ରମର ଫଳ ମିଳିବା ଆର...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର...
ରାଜ୍ୟର ସ୍କୁଲ ପାଠ୍ୟପୁସ୍ତକରେ ହୋଇଥିବା ତ୍ରୁଟିକୁ ନେଇ ଓଡ...
ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକର ପଣ୍ଡିତଗାଁ ସରକାରୀ ଉଚ୍ଚ...
ସରକାରୀ କିମ୍ବା ବେସରକାରୀ ସ୍କୁଲରେ ଶିକ୍ଷକ ହେବାକୁ ଚାହୁଁ...
ଲଗାଣ ବର୍ଷା ପରେ କୋରାପୁଟ ଜିଲ୍ଲାର ଗ୍ରାମାଞ୍ଚଳର ରାସ୍ତା...
କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀଜଗତ ପ୍ରକା...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମ...
