ଗଞ୍ଜାମ ଜିଲ୍ଲାର ଆସ୍କା SDPO ସନ୍ତୋଷ କୁମାର ଜେନାଙ୍କୁ ବିଭିନ୍ନ ଅଭିଯୋଗକୁ ନେଇ ରାଜ୍ୟ ଗୃହ ବିଭାଗ ପକ୍ଷରୁ ସସ୍ପେଣ୍ଡ କରାଯାଇଛି। ସୁନା ଗହଣା କିଣି ଟଙ୍କା ନଦେବା ଅଭିଯୋଗ ସହ ଅନ୍ୟାନ୍ୟ ଅଭିଯୋଗ ଆଧାରରେ ତାଙ୍କ ବିରୋଧରେ ବିଭାଗୀୟ କାର୍ଯ୍ୟାନୁଷ୍ଠାନ ଆରମ୍ଭ ହୋଇଛି।
ସୂଚନା ଅନୁସାରେ, ସସ୍ପେଣ୍ଡ ଅବଧିରେ ସନ୍ତୋଷ କୁମାର ଜେନା ଦକ୍ଷିଣାଞ୍ଚଳ ଆଇଜିଙ୍କ କାର୍ଯ୍ୟାଳୟରେ ରହିବେ। ଏହାସହ ସେ ଆଇଜିଙ୍କ ଅନୁମତି ବିନା ମୁଖ୍ୟାଳୟ ଛାଡ଼ି କେଉଁଠିକୁ ଯାଇପାରିବେ ନାହିଁ ବୋଲି ନିର୍ଦ୍ଦେଶ ଦିଆଯାଇଛି।
ଆସ୍କା ଅଞ୍ଚଳର ଏକ ଗହଣା ଦୋକାନରୁ SDPO ସୁନା ଗହଣା କିଣିଥିବା ବେଳେ ତାହାର ଟଙ୍କା ପରିଶୋଧ କରିନଥିବା ଅଭିଯୋଗ ସାମ୍ନାକୁ ଆସିଥିଲା। ଏନେଇ ଗହଣା ଦୋକାନ ମାଲିକ ଡିଜିପି ଓ ମୁଖ୍ୟମନ୍ତ୍ରୀଙ୍କ ଅଭିଯୋଗ ସେଲରେ ଲିଖିତ ଅଭିଯୋଗ କରିଥିଲେ।
ଘଟଣାକୁ ନେଇ ଦୋକାନୀ ଜଣକ ସୋସିଆଲ ମିଡିଆରେ ଏକ ଭିଡିଓ ମଧ୍ୟ ଅପଲୋଡ କରିଥିଲେ। ପରେ ସେହି ଭିଡିଓକୁ ଡିଲିଟ କରାଯାଇଥିବା ସହ ଫେସବୁକ ଆକାଉଣ୍ଟ ମଧ୍ୟ ବନ୍ଦ କରାଯାଇଥିବା ଜଣାପଡ଼ିଛି।
ଘଟଣା ସମ୍ପର୍କରେ ଗଞ୍ଜାମ ଏସ୍ପିଙ୍କ ଠାରୁ ରିପୋର୍ଟ ତଲବ କରାଯାଇଥିଲା। ଏସ୍ପିଙ୍କ ରିପୋର୍ଟ ଆଧାରରେ ଗୃହ ବିଭାଗ ସସ୍ପେଣ୍ଡ ନିର୍ଦ୍ଦେଶ ଜାରି କରିଛି।
ଏହାଛଡ଼ା ସ୍ଥାନୀୟ ଅଞ୍ଚଳରେ SDPOଙ୍କ ବିରୋଧରେ ଆହୁରି କିଛି ଗୁରୁତର ଅଭିଯୋଗ ମଧ୍ୟ ସାମ୍ନାକୁ ଆସିଛି। କୋଟିନଡ଼ା ଥାନା ଅନ୍ତର୍ଗତ ସିନ୍ଧିନୂଆଗାଁର ଶିବରାମ ସାହୁ ଅଭିଯୋଗ କରିଛନ୍ତି ଯେ, ଆସ୍କା ଥାନାରେ ଦୀର୍ଘଦିନ ଧରି କାର୍ଯ୍ୟରତ କନଷ୍ଟେବଲ ମୁକ୍ତିରାମ ପ୍ରଧାନଙ୍କ ମାଧ୍ୟମରେ SDPO ବ୍ୟବସାୟୀମାନଙ୍କ ଠାରୁ ମାସିକ ଚାନ୍ଦା ଆଦାୟ କରୁଥିଲେ।
ଶିବରାମ ସାହୁ, ଯିଏ ନିଜ ସ୍ତ୍ରୀଙ୍କ ନାମରେ ଏକ ଲାଇସେନ୍ସପ୍ରାପ୍ତ ବିଦେଶୀ ମଦ ଦୋକାନ ଚଳାଉଛନ୍ତି, ସେ ଅଭିଯୋଗ କରିଛନ୍ତି ଯେ SDPO ତାଙ୍କୁ ପ୍ରତିମାସ ୧.୫ ଲକ୍ଷ ଟଙ୍କା ଦେବାକୁ ଚାପ ପକାଉଥିଲେ। ଉତ୍ପୀଡ଼ନର ଶିକାର ହୋଇ ସେ ମେ ୩ ତାରିଖରେ ୬ ଲକ୍ଷ ଟଙ୍କା ଦେଇଥିବା ମଧ୍ୟ ଅଭିଯୋଗ କରିଛନ୍ତି।
ପରେ ଏନେଇ ସେ ଆସ୍କା JMFC କୋର୍ଟରେ ମାମଲା ରୁଜୁ କରିଥିବା ସୂଚନା ମିଳିଛି। ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଓ ଚଞ୍ଚଳତା ଦେଖାଦେଇଛି।
ୟୁକ୍ରେନ୍ର କିଭ୍ ଅଞ୍ଚଳର ବୁଚା ଜିଲ୍ଲାର ମାଇଲା ଗାଁରେ ଶୁକ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ନେପାଳ-ତିବ୍ବତ ସୀମାରେ ଭୟଙ୍କର ଫ୍ଲାସ୍ ଫ୍ଲଡ୍ ପରେ ସହାୟତା...
ଲିଓନେଲ ମେସି ଓ ଆର୍ଜେଣ୍ଟିନାର କାହାଣୀ ସାଧାରଣ ଫୁଟବଲ୍&zw...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ଅଭିନେତ୍ରୀ ତଥା ବିଜେପି ସାଂସଦ କଙ୍ଗନା ରଣାୱତ ଏବଂ ଯୋଗଗୁର...
ଭାରତୀୟ ବଜାରରେ ମିଳୁଥିବା ଅନେକ ପ୍ରସିଦ୍ଧ ଗ୍ଲୋବାଲ୍ ବ୍ରା...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
କନ୍ନଡ ଅଭିନେତା ୟଶଙ୍କ ଅଭିନୀତ ଫିଲ୍ମ **‘Toxic: A...
ୟଶଙ୍କ ଅଭିନୀତ‘Toxic: A Fairy Tale for Grown-U...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
