ଜାପାନରେ ଚାଲିଥିବା ୨୦୨୬ ଏସୀୟ କ୍ରୀଡ଼ାରେ ଆୟୋଜକଙ୍କ ଏକ ଭୁଲ୍କୁ ନେଇ ଚର୍ଚ୍ଚା ଆରମ୍ଭ ହୋଇଛି। ଶୁକ୍ରବାର ଗିଫୁ ପ୍ରିଫେକ୍ଚୁରାଲ୍ ଗ୍ରୀନ୍ ଷ୍ଟାଡିୟମ୍ରେ ଦକ୍ଷିଣ କୋରିଆ ଓ ବାଂଲାଦେଶ ମଧ୍ୟରେ ପୁରୁଷ ହକିର ପୁଲ୍-ଏ ମ୍ୟାଚ୍ ପୂର୍ବରୁ ଦକ୍ଷିଣ କୋରିଆର ଜାତୀୟ ସଙ୍ଗୀତ ବଦଳରେ ଭୁଲ୍ରେ ଉତ୍ତର କୋରିଆର ଜାତୀୟ ସଙ୍ଗୀତ ବଜାଯାଇଥିଲା।
ଘଟଣା ସମୟରେ ଦକ୍ଷିଣ କୋରିଆର ଖେଳାଳିମାନେ ଆଶ୍ଚର୍ଯ୍ୟରେ ପଡ଼ିଥିଲେ। ସଙ୍ଗୀତ ଶେଷ ହେବା ପରେ ଷ୍ଟାଡିୟମ୍ ଘୋଷକ ଭୁଲ୍ ପାଇଁ କ୍ଷମା ମାଗିଥିଲେ। ଏହା ପରେ ପ୍ରଥମେ ବାଂଲାଦେଶର ଜାତୀୟ ସଙ୍ଗୀତ ଏବଂ ତା’ପରେ ଦକ୍ଷିଣ କୋରିଆର ସଠିକ୍ ଜାତୀୟ ସଙ୍ଗୀତ ବଜାଯାଇଥିଲା।
ଏହି ଘଟଣା ପରେ Korean Sport & Olympic Committee (KSOC) ଏସୀୟ କ୍ରୀଡ଼ା ଆୟୋଜକ କମିଟି ନିକଟରେ ଆନୁଷ୍ଠାନିକ ଅଭିଯୋଗ କରିଥିଲା। ଭବିଷ୍ୟତରେ ଏଭଳି ଭୁଲ୍ ଯେପରି ନହୁଏ, ସେଥିପାଇଁ ଘଟଣାର ତଦନ୍ତ ଓ ପ୍ରତିରୋଧମୂଳକ ପଦକ୍ଷେପ ନେବାକୁ KSOC ଦାବି କରିଛି।
ପରେ ଆୟୋଜକ କମିଟିର ଦୁଇଜଣ ଅଧିକାରୀ ଦକ୍ଷିଣ କୋରିଆ ଦଳର କାର୍ଯ୍ୟାଳୟକୁ ଯାଇ ଏହି ଭୁଲ୍ ପାଇଁ ଆନୁଷ୍ଠାନିକ ଭାବେ କ୍ଷମା ମାଗିଥିଲେ।
ତେବେ ଏହି ଘଟଣାର ପ୍ରଭାବ ମ୍ୟାଚ୍ର ଫଳାଫଳ ଉପରେ ପଡ଼ିନଥିଲା। ଦକ୍ଷିଣ କୋରିଆ ବାଂଲାଦେଶକୁ ୫-୦ ଗୋଲ୍ରେ ପରାସ୍ତ କରିଥିଲା।
ଆଧୁନିକ ଚିକିତ୍ସା ବିଜ୍ଞାନ ଅନେକ ରୋଗର ଚିହ୍ନଟ ଓ ଚିକିତ୍ସ...
କର୍କଟ ରୋଗର ଚିକିତ୍ସା ଖର୍ଚ୍ଚ ଅନେକ ପରିବାର ପାଇଁ ବଡ଼ ଆର...
ବାତ୍ୟା ‘ମୁରାସୁ’ର ପ୍ରଭାବରେ ଓଡ଼ିଶାର ବିଭି...
ମାଲିପଦର ଗାଁରେ ଗର୍ଭବତୀଙ୍କୁ ହଠାତ୍ ପ୍ରସବ ଯନ୍ତ୍ରଣା...
ବାତ୍ୟା ‘ଅର୍ଣ୍ଣବ’ର ପ୍ରଭାବରୁ ଓଡ଼ିଶା ଏବେ...
ଓଡ଼ିଶାର ଉଚ୍ଚଶିକ୍ଷା କ୍ଷେତ୍ରରେ କଲେଜ ପରିଚାଳନାକୁ ଅଧିକ...
ବାତ୍ୟା ‘ମୁରାସୁ’ ପ୍ରଭାବରେ ବଢ଼ିବ ବର୍ଷା...
ଓଡ଼ିଶାର ଉଚ୍ଚଶିକ୍ଷା କ୍ଷେତ୍ରରେ କଲେଜ ପରିଚାଳନାକୁ ଅଧିକ...
