ସାନ୍ ଫ୍ରାନ୍ସିସ୍କୋ ଭିତ୍ତିକ AI କମ୍ପାନୀ Anthropic ଗବେଷକ ଓ ବିଭିନ୍ନ ବିଷୟର ବିଶେଷଜ୍ଞଙ୍କ ପାଇଁ ୨୦୨୭ ମସିହାର ଦୁଇଟି Fellowship କାର୍ଯ୍ୟକ୍ରମ ଖୋଲିଛି। ଏହି Fellowship ମାଧ୍ୟମରେ ଗବେଷକମାନେ Anthropicର AI ମଡେଲ୍ Claude ବ୍ୟବହାର କରି ଜଟିଳ ବୈଜ୍ଞାନିକ ଓ reasoning ସମସ୍ୟା ଉପରେ କାମ କରିବେ।

ଚାରି ମାସ ଧରି ଚାଲିବାକୁ ଥିବା ଏହି Fellowship ୧୨ ଜାନୁଆରୀରୁ ୮ ମେ ୨୦୨୭ ପର୍ଯ୍ୟନ୍ତ ଚାଲିବ। ଉଭୟ କାର୍ଯ୍ୟକ୍ରମ ପାଇଁ ଆବେଦନର ଶେଷ ତାରିଖ ୨୮ ଅକ୍ଟୋବର ୨୦୨୬।

ଦୁଇଟି Fellowship, ଦୁଇ ପ୍ରକାର ସୁଯୋଗ

୧. Conceptual Reasoning Fellowship

ଏହି Fellowship ଦର୍ଶନଶାସ୍ତ୍ର, Cognitive Science, ଅର୍ଥନୀତି, ନୀତି ଓ ଆଇନ ଭଳି କ୍ଷେତ୍ରର ବିଶେଷଜ୍ଞଙ୍କ ପାଇଁ ଉଦ୍ଦିଷ୍ଟ। Fellowsମାନେ Anthropicର ଗବେଷଣା ଟିମ୍ ସହ କାମ କରି Claudeର reasoning କ୍ଷମତାକୁ ପରୀକ୍ଷା କରିବେ।

ସେମାନେ AI କେଉଁ ଜଟିଳ ସମସ୍ୟାରେ ଦୁର୍ବଳ ହେଉଛି ତାହା ଚିହ୍ନଟ କରିବା ସହିତ ବିଶେଷଜ୍ଞ ନିଷ୍ପତ୍ତି ଆବଶ୍ୟକ କରୁଥିବା ପ୍ରଶ୍ନରେ Claude କେତେ ଭଲ କାମ କରୁଛି, ତାହା ମାପିବା ପାଇଁ ନୂଆ ପରୀକ୍ଷା ପ୍ରଣାଳୀ ବିକଶିତ କରିବେ।

ଆବେଦନକାରୀଙ୍କ ପାଖରେ ସମ୍ପୃକ୍ତ ବିଷୟରେ PhD ଥିବା କିମ୍ବା PhD କରୁଥିବା ଆବଶ୍ୟକ। ସମାନ ଗବେଷଣା ଅଭିଜ୍ଞତା ଥିଲେ ମଧ୍ୟ ଯୋଗ୍ୟତା ବିଚାର କରାଯାଇପାରେ। ଦୈନନ୍ଦିନ କାମରେ Claude ଓ Claude Code ବ୍ୟବହାରର ଅଭିଜ୍ଞତା ମଧ୍ୟ ଆବଶ୍ୟକ।

୨. Anthropic STEM Fellowship

ବିଜ୍ଞାନ ଓ ଇଞ୍ଜିନିୟରିଂ କ୍ଷେତ୍ରର ଗବେଷକମାନେ ଏହି Fellowship ପାଇଁ ଆବେଦନ କରିପାରିବେ। Fellowsମାନେ Claude ବ୍ୟବହାର କରି କଠିନ ଗବେଷଣା ପ୍ରଶ୍ନର ସମାଧାନ ଖୋଜିବେ, ଡାଟାସେଟ୍ ଓ simulation ପ୍ରସ୍ତୁତ କରିବେ ଏବଂ ବିଭିନ୍ନ ବିଷୟର ସମସ୍ୟା ସମାଧାନରେ AI କେତେ ସକ୍ଷମ, ତାହା ପରୀକ୍ଷା କରିବେ।

ଏଥିପାଇଁ Science, Technology, Engineering କିମ୍ବା Mathematics କ୍ଷେତ୍ରରେ PhD ଏବଂ କିଛି ବର୍ଷର ଗବେଷଣା ଅଭିଜ୍ଞତା ଆବଶ୍ୟକ। Postdoctoral research କିମ୍ବା faculty work ଭଳି ଅଭିଜ୍ଞତା ଉପଯୋଗୀ ହେବ। Machine Learningର ପୂର୍ବ ଅଭିଜ୍ଞତା ଥିଲେ ଭଲ, କିନ୍ତୁ ଏହା ବାଧ୍ୟତାମୂଳକ ନୁହେଁ।

କେତେ ଟଙ୍କା ମିଳିବ?

ଚାରି ମାସର Fellowship ପାଇଁ USD 100,000ରୁ USD 167,000, ଅର୍ଥାତ୍ ଭାରତୀୟ ମୁଦ୍ରାରେ ପ୍ରାୟ ୮୩ ଲକ୍ଷରୁ ୧.୩୯ କୋଟି ଟଙ୍କା ପର୍ଯ୍ୟନ୍ତ ପାରିଶ୍ରମିକ ମିଳିବ। ଏହା ସହ ଅନ୍ୟାନ୍ୟ ସୁବିଧା ମଧ୍ୟ ରହିଛି।

ଆବେଦନ ଓ ଚୟନ ପ୍ରକ୍ରିୟା

ଆବେଦନକାରୀଙ୍କୁ ଏକ take-home exercise ଦେବାକୁ ପଡ଼ିପାରେ। ଏହା ପରେ Anthropicର ଗବେଷକ ଓ ସମ୍ଭାବ୍ୟ mentorମାନଙ୍କ ସହ ଆଲୋଚନା ହେବ। ଚୟନିତ ପ୍ରାର୍ଥୀଙ୍କୁ ୨୦ ନଭେମ୍ବର ୨୦୨୬ ସୁଦ୍ଧା offer ଦେବାର ଯୋଜନା ରହିଛି।

Anthropic ଅନୁସାରେ San Francisco ଏହି Fellowship ପାଇଁ default location। ଆମେରିକାରେ ଥିବା କିଛି ପ୍ରାର୍ଥୀଙ୍କ ପାଇଁ ନିର୍ଦ୍ଦିଷ୍ଟ ପରିସ୍ଥିତିରେ remote participation ବିଚାର କରାଯାଇପାରେ।

ଗୁରୁତ୍ୱପୂର୍ଣ୍ଣ କଥା ହେଉଛି, Anthropic ଭିସା sponsorship ପ୍ରଦାନ କରିବ ନାହିଁ। ତେଣୁ ଆମେରିକାରେ full-time କାମ କରିବା ପାଇଁ ଆବଶ୍ୟକ ଅନୁମତି ପ୍ରାର୍ଥୀଙ୍କ ପାଖରେ ପୂର୍ବରୁ ଥିବା କିମ୍ବା ସ୍ୱାଧୀନ ଭାବେ ହାସଲ କରିବା ଆବଶ୍ୟକ।

କିପରି ଆବେଦନ କରିବେ?

ଯୋଗ୍ୟ ପ୍ରାର୍ଥୀମାନେ Anthropicର ସମ୍ପୃକ୍ତ Fellowship job listing ଖୋଲି ଯୋଗ୍ୟତା ଓ ଆବଶ୍ୟକତା ଯାଞ୍ଚ କରି online application ଦାଖଲ କରିପାରିବେ। Resume କିମ୍ବା CV ସହିତ ନିଜର research interests, Claudeକୁ କିପରି evaluate କିମ୍ବା improve କରାଯାଇପାରେ ଏବଂ AI tools ବ୍ୟବହାରର ଅଭିଜ୍ଞତା ବିଷୟରେ ତଥ୍ୟ ଦେବାକୁ ପଡ଼ିପାରେ।

ଆବେଦନର ଶେଷ ତାରିଖ: ୨୮ ଅକ୍ଟୋବର ୨୦୨୬।

ଏହି Fellowship ମାଧ୍ୟମରେ ବିଭିନ୍ନ ବିଷୟର ଅଭିଜ୍ଞ ଗବେଷକମାନେ AI ବିକାଶ ପ୍ରକ୍ରିୟାରେ ନିଜ ବିଷୟଭିତ୍ତିକ ଜ୍ଞାନକୁ ବ୍ୟବହାର କରିବାର ସୁଯୋଗ ପାଇବେ।