ଅନୁଗୁଳ ଜିଲ୍ଲା କଣିହା ବ୍ଲକ ଅନ୍ତର୍ଗତ ଖିଣ୍ଡୋ ଗ୍ରାମରେ ଜଣେ ଦିବ୍ୟାଙ୍ଗ ଯୁବକଙ୍କୁ ଗ୍ରାମବାସୀମାନେ ବାନ୍ଧି ରଖିଥିବା ଘଟଣାକୁ ନେଇ ଚର୍ଚ୍ଚା ସୃଷ୍ଟି ହୋଇଛି। ରେଙ୍ଗାଲି ଥାନା ଅଞ୍ଚଳରେ ଘଟିଥିବା ଏହି ଘଟଣାକୁ ନେଇ ଉଭୟ ପକ୍ଷ ପୁଲିସର ଦ୍ୱାରସ୍ଥ ହୋଇଥିବାରୁ ମାମଲା ଅଧିକ ଜଟିଳ ହୋଇପଡ଼ିଛି।
ଗ୍ରାମବାସୀଙ୍କ କହିବା ଅନୁଯାୟୀ, ସମ୍ପୃକ୍ତ ଯୁବକଙ୍କ ମାନସିକ ସମସ୍ୟା ଥିବା ସହ ସେ ବାରମ୍ବାର ଗ୍ରାମରେ ଉପଦ୍ରବ ସୃଷ୍ଟି କରୁଥିଲେ। ଲୋକଙ୍କ ଉପରେ ପଥର ଫିଙ୍ଗିବା, ମାଡ଼ ମାରିବା ଏବଂ ଘର ଓ ଦୋକାନର କ୍ଷତି କରିବା ଭଳି ଘଟଣା ଘଟିଥିବା ଅଭିଯୋଗ ହୋଇଛି। ଏନେଇ ପୂର୍ବରୁ ମଧ୍ୟ ପୁଲିସକୁ ଅବଗତ କରାଯାଇଥିବା ଗ୍ରାମବାସୀମାନେ କହିଛନ୍ତି।
ଗ୍ରାମର ଜଣେ ବାସିନ୍ଦା ଏକାଦଶିଆ ପ୍ରଧାନ କହିଛନ୍ତି ଯେ, ଯୁବକ ତାଙ୍କ ଉପରକୁ ପଥର ଫିଙ୍ଗିଥିଲେ ଏବଂ ସେ ଅଳ୍ପକେ ବର୍ତ୍ତିଯାଇଥିଲେ। ଏହାପରେ ଗ୍ରାମବାସୀମାନେ ଯୁବକଙ୍କୁ କାବୁ କରି ବାନ୍ଧି ରଖିଥିଲେ। ପୂର୍ବରୁ ମଧ୍ୟ ସେ ଏକ ଦୋକାନର କାଚ ଭାଙ୍ଗିଥିବା ଅଭିଯୋଗ ରହିଛି।
ଅନ୍ୟପକ୍ଷରେ ଯୁବକଙ୍କ ପତ୍ନୀ କୁମୁଦିନୀ ସାହୁ ଗୁରୁତର ଅଭିଯୋଗ ଆଣିଛନ୍ତି। ତାଙ୍କ କହିବା ଅନୁଯାୟୀ, ଗ୍ରାମବାସୀମାନେ ତାଙ୍କ ସ୍ୱାମୀଙ୍କ ହାତ ଓ ଗୋଡ଼ ବାନ୍ଧି ପଥର ମାରିଥିଲେ। ଏଥିରେ ତାଙ୍କ ମୁଣ୍ଡ ଓ ହାତରେ ଗୁରୁତର ଆଘାତ ଲାଗିଛି।
କୁମୁଦିନୀ ଅଭିଯୋଗ କରିଛନ୍ତି ଯେ, ସେ ପ୍ରଥମେ ଥାନାକୁ ଯାଇ ଅଭିଯୋଗ କରିଥିଲେ ମଧ୍ୟ ତୁରନ୍ତ କୌଣସି କାର୍ଯ୍ୟାନୁଷ୍ଠାନ ହୋଇନଥିଲା। ପରେ ସେ ଲିଖିତ ଭାବେ ଅଭିଯୋଗ ଦାଖଲ କରିଥିଲେ।
ଏପଟେ ଗ୍ରାମବାସୀମାନେ ମଧ୍ୟ ଯୁବକଙ୍କ ବାରମ୍ବାର ଉପଦ୍ରବ ସମ୍ପର୍କରେ ପୁଲିସ ନିକଟରେ ଅଭିଯୋଗ କରିଛନ୍ତି। ଘଟଣାକୁ ନେଇ ଉଭୟ ପକ୍ଷର ଅଭିଯୋଗ ମିଳିଥିବାରୁ ପୁଲିସ ସମସ୍ତ ଦିଗକୁ ନେଇ ତଦନ୍ତ ଆରମ୍ଭ କରିଛି। ତଦନ୍ତ ପରେ ପ୍ରକୃତ ଘଟଣା ସାମ୍ନାକୁ ଆସିବ ବୋଲି ଆଶା କରାଯାଉଛି।
ମଇ 3ରେ ଆୟୋଜିତ NEET UG 2026 ପରୀକ୍ଷାକୁ ଦେଶର ଶିକ୍ଷା ବ...
ନିଟ୍-ୟୁଜି ୨୦୨୬ ପରୀକ୍ଷାରେ ପେପର ଲିକ୍ ଅଭିଯୋଗକୁ କେନ୍ଦ୍...
ମେଘାଳୟର ଉମରୋଇରେ ମେ ୨୦ରୁ ଆରମ୍ଭ ହୋଇଥିବା ବହୁରାଷ୍ଟ୍ରୀୟ...
ଇବୋଲା ଭାଇରସ୍‌ ସଂକ୍ରମଣ ନେଇ ବଢ଼ୁଥିବା ଚିନ୍ତା ମଧ୍...
ସାଧାରଣ ଭାବରେ ଚାଲିବାବେଳେ କୌଣସି ଅସୁବିଧା ନଥିଲେ ମଧ୍ୟ,...
କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (CBSE) ନିଜର ମଲ୍ଟିଲ...
ଇଞ୍ଜିନିୟରିଂ କ୍ଷେତ୍ରରେ IITରେ ଭର୍ତ୍ତି ହେବାକୁ ଇଚ୍ଛୁକ...
ଭାରତରେ ଶିଶୁମାନଙ୍କ ମଧ୍ୟରେ ବଢ଼ୁଥିବା ଡାଇବେଟିସ୍‌...
