ଜମ୍ମୁ: ପ୍ରବଳ ବର୍ଷା ଯୋଗୁଁ ଦୁଇ ଦିନ ଧରି ବାଧାପ୍ରାପ୍ତ ହୋଇଥିବା ପବିତ୍ର ଅମରନାଥ ଯାତ୍ରା ପୁଣିଥରେ ଆରମ୍ଭ ହୋଇଛି। ଜମ୍ମୁ-ଶ୍ରୀନଗର ଜାତୀୟ ରାଜପଥକୁ ଆଂଶିକ ଭାବେ ଖୋଲାଯିବା ପରେ ରବିବାର ସକାଳେ ଭଗବତୀ ନଗର ବେସ୍ କ୍ୟାମ୍ପରୁ ତୀର୍ଥଯାତ୍ରୀଙ୍କ ନୂଆ ଦଳ ଅମରନାଥ ଗୁମ୍ଫା ଅଭିମୁଖେ ବାହାରିଛନ୍ତି।
ଅଧିକାରୀଙ୍କ ସୂଚନା ଅନୁସାରେ, ଗୋଟିଏ ଦିନର ବିରତି ପରେ ଯାତ୍ରାର ୨୫ତମ ଦଳର ୩,୮୮୬ ଜଣ ତୀର୍ଥଯାତ୍ରୀ ୧୭୭ଟି ଗାଡ଼ିର କାଫିଲାରେ କଡ଼ା ସୁରକ୍ଷା ମଧ୍ୟରେ ଜମ୍ମୁ ବେସ୍ କ୍ୟାମ୍ପରୁ ବାଲତାଲ ମାର୍ଗ ଦେଇ ଯାତ୍ରା ଆରମ୍ଭ କରିଛନ୍ତି।
ଲଗାଣ ବର୍ଷା ଯୋଗୁଁ ଉଧମପୁରର ଜାକାନିଠାରୁ ରାମବାନର ବାନିହାଲ ମଧ୍ୟରେ ଜମ୍ମୁ-ଶ୍ରୀନଗର ଜାତୀୟ ରାଜପଥର ଅନେକ ସ୍ଥାନ କ୍ଷତିଗ୍ରସ୍ତ ହୋଇଥିଲା। ଏହାର ମରାମତି କାମ ଜାରି ରହିଛି। ରାସ୍ତାର ସ୍ଥିତିକୁ ନଜରରେ ରଖି ଶନିବାର ଜମ୍ମୁରୁ ଅମରନାଥ ଯାତ୍ରାକୁ ଗୋଟିଏ ଦିନ ପାଇଁ ବନ୍ଦ ରଖାଯାଇଥିଲା।
ପରିସ୍ଥିତିରେ ସୁଧାର ଆସିବା ପରେ ରବିବାର ପୁଣି ଯାତ୍ରା ଆରମ୍ଭ କରାଯାଇଛି।
ଅନ୍ୟପକ୍ଷରେ, ଦୁଇ ଜଣ ଶ୍ରମିକଙ୍କୁ ଆତଙ୍କବାଦୀମାନେ ହତ୍ୟା କରିଥିବା ଘଟଣା ପରେ ଅମରନାଥ ଯାତ୍ରାପଥରେ ସୁରକ୍ଷା ବ୍ୟବସ୍ଥା ଆହୁରି କଡ଼ା କରାଯାଇଛି। ଯାତ୍ରୀଙ୍କ ସୁରକ୍ଷା ପାଇଁ ଅତିରିକ୍ତ ସୁରକ୍ଷା ବଳ ମୁତୟନ କରାଯିବା ସହ ସେମାନଙ୍କ ଚଳାଚଳ ଉପରେ କଡ଼ା ନଜର ରଖାଯାଉଛି।
ଚଳିତ ବର୍ଷ ଅମରନାଥ ଯାତ୍ରା ଜୁଲାଇ ୩ରୁ ଆରମ୍ଭ ହୋଇଛି। ଏପର୍ଯ୍ୟନ୍ତ ସାଢ଼େ ୪ ଲକ୍ଷରୁ ଅଧିକ ଭକ୍ତ ବାବା ବରଫାନୀଙ୍କ ଦର୍ଶନ କରିସାରିଛନ୍ତି। ୫୭ ଦିନିଆ ଏହି ପବିତ୍ର ଯାତ୍ରା ଅଗଷ୍ଟ ୨୮ରେ ଶେଷ ହେବାକୁ ଥିବାବେଳେ, ବର୍ଷା ଓ ପାଣିପାଗ ସ୍ଥିତି ଉପରେ ପ୍ରଶାସନ ନିରନ୍ତର ନଜର ରଖିଛି।
ଓଡ଼ିଶା ଓ ଜାପାନ ମଧ୍ୟରେ ସମ୍ପର୍କକୁ ଆହୁରି ସୁଦୃଢ଼ କରିବା...
ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆସନ୍ତା ଅଗଷ୍ଟ ୩ରୁ ୫ ତାରିଖ...
ଗଞ୍ଜାମ ଜିଲ୍ଲାର ପ୍ରସିଦ୍ଧମା’ ତାରାତାରିଣୀ ପୀଠକୁ...
ସ୍ପେନ୍‌ର ଉତ୍ତର ଆଫ୍ରିକାସ୍ଥିତ ସ୍ୱୟଂଶାସିତ ଅଞ୍ଚଳ...
ବିଶ୍ୱର ଅନ୍ୟତମ ଶ୍ରେଷ୍ଠ ପର୍ବତାରୋହୀ ଭାବେ ପରିଚିତ ନେପାଳ...
ଇଣ୍ଡିଆନ୍ ଅଏଲ୍ କର୍ପୋରେସନ୍ ଲିମିଟେଡ୍ (IOCL) ପାରାଦୀପରେ...
ଅଗଷ୍ଟ ମାସରୁ ସାଧାରଣ ଲୋକଙ୍କ ଉପରେ ପୁଣି ମହଙ୍ଗା ମାଡ଼ ପଡ...
ଦକ୍ଷିଣ-ପଶ୍ଚିମ ଜାପାନର କ୍ୟୁଶୁ ଦ୍ୱୀପରେ ଭୟଙ୍କର ଭୂମିକମ୍...
ଓଡ଼ିଶାର ଶକ୍ତି କ୍ଷେତ୍ରରେ ବଡ଼ ନିବେଶ ପାଇଁ ଆଦାନୀ ଗ୍ରୁପ...
ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସୋସିଆଲ୍ ମିଡି...
ସୁନା-ରୁପା କିଣିବାକୁ ଅପେକ୍ଷା କରିଥିବା ଗ୍ରାହକଙ୍କ ପାଇଁ...
ଅଗଷ୍ଟ ମାସରୁ ଭୁବନେଶ୍ୱରର ବିଜୁ ପଟ୍ଟନାୟକ ଆନ୍ତର୍ଜାତୀୟ ବ...
