ଭାରତୀୟ ସଙ୍ଗୀତ ଜଗତର ପ୍ରସିଦ୍ଧ ପ୍ଲେବ୍ୟାକ୍ ଗାୟିକାଅଲକା ୟାଗ୍ନିକ୍ପଦ୍ମ ପୁରସ୍କାର ୨୦୨୬ ସମାରୋହରେ ଦେଶର ତୃତୀୟ ସର୍ବୋଚ୍ଚ ନାଗରିକ ସମ୍ମାନ‘ପଦ୍ମଭୂଷଣ’ରେ ସମ୍ମାନିତ ହୋଇଛନ୍ତି। ନୂଆଦିଲ୍ଲୀରେ ଜୁନ୍ ୨୩ ତାରିଖରେ ଆୟୋଜିତ ଏହି ସମାରୋହରେ ରାଷ୍ଟ୍ରପତି Droupadi Murmu ତାଙ୍କୁ ଏହି ସମ୍ମାନ ପ୍ରଦାନ କରିଥିଲେ।

ଦଶକ ଦଶକ ଧରି ଭାରତୀୟ ସିନେମା ସଙ୍ଗୀତରେ ଅବିସ୍ମରଣୀୟ ଅବଦାନ ପାଇଁ ଅଲକା ୟାଗ୍ନିକ୍ଙ୍କୁ ଏହି ସମ୍ମାନ ଦିଆଯାଇଛି। ତାଙ୍କର ଅସଂଖ୍ୟ ଲୋକପ୍ରିୟ ଗୀତ ଆଜି ମଧ୍ୟ ସଙ୍ଗୀତପ୍ରେମୀଙ୍କ ହୃଦୟରେ ସ୍ଥାନ ଦଖଲ କରିରହିଛି।

ତେବେ ଏହି ଗୌରବମୟ ମୁହୂର୍ତ୍ତ ସହ ଜଡିତ ଏକ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଛି। ଭିଡିଓରେ ଅଲକା ୟାଗ୍ନିକ୍ ମଞ୍ଚ ଆଡ଼କୁ ଯାଉଥିବା ବେଳେ କିଛିଟା ଦୁର୍ବଳ ଦେଖାଯାଉଥିଲେ ଏବଂ ଜଣେ ମହିଳା ସ୍ୱେଚ୍ଛାସେବୀଙ୍କ ସହାୟତା ନେଇ ଚାଲୁଥିବା ନଜର ଆସିଥିଲେ।

ସମାରୋହ ସମୟରେ ସେ ପ୍ରଧାନମନ୍ତ୍ରୀ Narendra Modiଙ୍କ ନିକଟକୁ ଯାଇ ତାଙ୍କ ଚରଣ ସ୍ପର୍ଶ କରିଥିଲେ। ପରେ ରାଷ୍ଟ୍ରପତିଙ୍କ ଠାରୁ ପଦ୍ମଭୂଷଣ ସମ୍ମାନ ଗ୍ରହଣ କରିଥିଲେ।

ଭିଡିଓଟି ଭାଇରାଲ୍ ହେବା ପରେ ଅନେକ ପ୍ରଶଂସକ ତାଙ୍କ ସ୍ୱାସ୍ଥ୍ୟ ନେଇ ଚିନ୍ତା ପ୍ରକାଶ କରିଛନ୍ତି। ସୋସିଆଲ୍ ମିଡିଆରେ ଅନେକେ ତାଙ୍କ ଶୀଘ୍ର ଆରୋଗ୍ୟ କାମନା କରିବା ସହ ଭାବପ୍ରବଣ ସନ୍ଦେଶ ପୋଷ୍ଟ କରିଛନ୍ତି।

ସୂଚନାଯୋଗ୍ୟ ଯେ, ୨୦୨୪ ମସିହାରେ ଅଲକା ୟାଗ୍ନିକ୍ ନିଜେ ଖୋଲାସା କରିଥିଲେ ଯେ ସେସେନ୍ସୋରିନ୍ୟୁରାଲ୍ ହିୟରିଂ ଲସ୍ନାମକ ଏକ ଦୁର୍ଲଭ ଶ୍ରବଣ ସମସ୍ୟାରେ ପୀଡ଼ିତ। ଏହି ରୋଗ ତାଙ୍କ ବ୍ୟକ୍ତିଗତ ଓ ପେଶାଗତ ଜୀବନ ଉପରେ ପ୍ରଭାବ ପକାଇଥିଲା।

ଏହି କାରଣରୁ ଗତ ଦୁଇ ବର୍ଷ ଧରି ସେ ସଙ୍ଗୀତ ଜଗତ ଏବଂ ସାର୍ବଜନୀନ କାର୍ଯ୍ୟକ୍ରମରୁ ଦୂରରେ ରହିଆସୁଥିଲେ। ତଥାପି ଭାରତୀୟ ସଙ୍ଗୀତରେ ତାଙ୍କ ଅବଦାନକୁ ସ୍ୱୀକୃତି ଦେଇ ପଦ୍ମଭୂଷଣ ସମ୍ମାନ ପ୍ରଦାନ କରାଯିବା ତାଙ୍କ କ୍ୟାରିୟରର ଏକ ସ୍ମରଣୀୟ ଅଧ୍ୟାୟ ହୋଇ ରହିବ।