ବଲିଉଡ୍ ଅଭିନେତା ଅଜୟ ଦେବଗନ ଓ କମେଡିଆନ୍ କପିଲ ଶର୍ମାଙ୍କ ମଧ୍ୟରେ ମଜାଦାର ଜୋକ୍‌କୁ ନେଇ ଚର୍ଚ୍ଚାରେ ଆସିଛି The Great Indian Kapil Show Season 5ର ନୂଆ ଏପିସୋଡ୍। ଅଜୟ ଦେବଗନ ତାଙ୍କ ଆଗାମୀ ଫିଲ୍ମ **‘Drishyam: The Conclusion’**ର ପ୍ରମୋସନ୍ ପାଇଁ ଶ୍ରିୟା ସରନ୍, ଜାଇଦୀପ ଅହଲାୱତ, ଇଶିତା ଦତ୍ତା ଓ ମୃଣାଳ ଯାଦବଙ୍କ ସହ ଶୋ’ରେ ପହଞ୍ଚିଥିଲେ।

ଶୋ’ରେ କପିଲ ଅଜୟଙ୍କ ଅନେକ ଫିଲ୍ମ—Golmaal, Singham ଓ Drishyam—ଗୋଆରେ ଶୁଟିଂ ହୋଇଥିବା କଥା ଉଠାଇଥିଲେ। ଏପରିକି Drishyam: The Conclusionର ଟ୍ରେଲର ମଧ୍ୟ ଗୋଆରେ ରିଲିଜ୍ ହୋଇଥିବା କହି ସେ ଅଜୟଙ୍କୁ ପଚାରିଥିଲେ ଯେ ଗୋଆ ତାଙ୍କୁ ଏତେ ପସନ୍ଦ କାହିଁକି—ସେଠାର ଫେନି ଭଲ ମିଳେ ବୋଲି କିମ୍ବା ପମ୍ଫ୍ରେଟ୍ ମାଛ ଶସ୍ତା ମିଳେ ବୋଲି?

ଏହାର ଜବାବରେ ଅଜୟ କହିଥିଲେ ଯେ ଗୋଆ ଏକ ଆରାମଦାୟକ ସ୍ଥାନ ଏବଂ ସେ ଫେନି ପିଅନ୍ତି ନାହିଁ। କପିଲ ପୁଣି ମଜା କରି କହିଥିଲେ, ନିଜେ ନ ପିଇଲେ ମଧ୍ୟ ଅନ୍ୟ କାହା ପାଇଁ ଫେନି ନେଇପାରନ୍ତି। ଏହା ପରେ ଅଜୟ ତାଙ୍କୁ ପ୍ରତିଜବାବ ଦେଇ କହିଥିଲେ—“ତୋ ଜୀବନରେ ଫେନି ବହୁତ ଗଡ଼ବଡ଼ କରିଛି ପୂର୍ବରୁ, ମନେ ରଖ।” ଏହା ପରେ ଶୋ’ରେ ହସର ମାହୋଲ ସୃଷ୍ଟି ହୋଇଥିଲା।

କପିଲ ତୁରନ୍ତ ସ୍ପଷ୍ଟ କରିଥିଲେ ଯେ ସେ ଫେନି ପିଅନ୍ତି ନାହିଁ। ଏହାପରେ ଶୋ’ର ଜଜ୍ ଅର୍ଚ୍ଚନା ପୂରନ ସିଂହ ମଧ୍ୟ କପିଲଙ୍କୁ ନେଇ ମଜା କରିଥିଲେ। ଅଜୟଙ୍କ ଏହି ଟିପ୍ପଣୀ କପିଲଙ୍କ ପୂର୍ବରୁ ସାର୍ବଜନୀନ ଭାବେ କହିଥିବା ମଦ୍ୟପାନ ସମ୍ପର୍କିତ ଅନୁଭବକୁ ଇଙ୍ଗିତ କରୁଥିଲା।

ଏହି ଏପିସୋଡ୍‌ରେ ଅଜୟ ଓ କପିଲଙ୍କ ମଧ୍ୟରେ ଆଉ ଏକ ମଜାଦାର ଆଲୋଚନା ହୋଇଥିଲା। Drishyamରେ ଯଦି କାଜୋଲଙ୍କୁ ଅଭିନୟ କରାଯାଇଥାନ୍ତା, ତେବେ କାହାଣୀର ରହସ୍ୟ ଲୁଚାଇ ରଖିବା କଷ୍ଟକର ହୋଇଥାନ୍ତା କି ବୋଲି କପିଲ ପଚାରିଥିଲେ। ଅଜୟଙ୍କ ମଜାଦାର ଜବାବ ଥିଲା—“ପ୍ରଥମ ଫିଲ୍ମଟା ହିଁ ତିଆରି ହୋଇନଥାନ୍ତା।”